2-ШО УРОК
Библий сылне ончыкылыкым сӧра
Уло тӱня мучко еҥ-влак тӱрлӧ нелылык дене тӱкнат. Тиде нуным тургыжландара, шӱлыкаҥда да шӱм-чоныштлан корштымашым конда. А тендан иктаж-кунам тыгай шижмашда лийын мо? Можыч, те иктаж-могай чер дене орланеда але тендан лишыл еҥ колен, да те ойгыреда. Очыни, те шонеда: «Иктаж-кунам илыш сай могырыш вашталтеш мо?» Библий гыч вашмут тыланда ӱшаным пуэн кертеш.
1. Библий могай ӱшаным пуа?
Библий умылтара, молан тӱняште тынар шуко нелылык. Но тыгак тудо ӱшандара: нелылык-влак эре огыт лий да вашке нуно пытат. Библий гыч сӧрымаш «тыланда ончыкылык ден ӱшаным» пуэн кертеш. (Иеремия 29:11, 12 лудын лекса.) Нине сӧрымаш-влак нелылыкым ончыде кызыт да курымеш пиалан лияш полшат.
2. Библий ончыкылык нерген мом ойла?
Библий ӱшандара: ончыкыжым «колымаш ок лий, ойгат, мӱгырен шортмашат, черат ок лий». (Почмаш 21:4 лудын лекса.) Чыла тачысе нелылык — мутлан, нужналык, чын огыл ыштымаш, чер ден колымаш — уже огеш лий. Библийын сӧрымыж дене келшышын, еҥ-влак рай мландыште курымеш илен кертыт.
3. Библийын сӧрымыжлан пеҥгыдын ӱшанаш мо полша?
Шукышт сайрак илышым вучат, но тыгодымак, ӱшанен вучымышт шукталтеш манын, нунын пеҥгыде ӱшанышт уке. Но Библий гыч сӧрымаш-влак чынжымак шукталтыт. Библийым тыршен шымлена гын, тудын сӧрымыжлан пеҥгыдын ӱшанен кертына (Апост. пашашт 17:11). Библийым шымлен, ончыкылык нерген тушто возымылан ӱшанаш але уке, те шке решитлен кертыда.
КЕЛГЫНРАК ШЫМЛЕН НАЛЗА
Ончен налза, могай ончыкылык илышым Библий еҥ-влаклан сӧра да кузе Библий дене негызлыме ӱшан таче полша.
4. Ме йӧсылык деч посна курымеш илен кертына манын, Библий сӧра
Ӱлнӧ возымо библийысе сӧрымаш-влакым ончен лекса. Могай сӧрымаш тыланда эн чот келша? Молан?
Нине сӧрымаш-влак дене кылдалтше библийысе почеламутым лудын лекса да шоналтыза:
-
Нине почеламут-влак тыланда ӱшаным пуат мо? Нуно тендан ешлан да йолташ-влаклан ӱшаным пуэн кертыт мо?
Шоналтыза тыгай илыш нерген, кушто...
|
НИГӦАТ... |
ЧЫЛАНАТ... |
|---|---|
|
|
|
|
|
|
|
|
|
|
5. Библийысе сӧрымаш-влакым палымаш илышым сай могырыш вашталта
Илышыште лекше нелылык шуко еҥым шӱлыкаҥда, а южыштын шыдыжымат луктеш. Южо еҥ тӱням сай могырыш вашталташлан уло вийым пышта. Ончалза, кузе Библий гыч сӧрымаш еҥ-влаклан уже кызытак полша. ВИДЕОРОЛИКЫМ ончалза да ӱлнӧ возымо йодыш-влакым лончылен налза.
-
Рафика могай чын огыл ыштымаш дене тӱкнен?
-
Нелылык кодын гынат, Библий тудлан кузе полшен?
Ончыкылык нерген Библийын сӧрымыжлан ӱшанена гын, шӱлыкаҥмым сеҥена да нелылыкым ончыде пиалан лийын кертына. Притчи 17:22 ден Римлян-влаклан 12:12 лудын лекса да вара лончылен налза:
-
Библийыште возымылан ӱшанаш тӱҥалыда гын, илышда сай могырыш вашталтеш мо? Молан те тыге шонеда?
ИКТАЖ-КӦ КАЛАСЕН КЕРТЕШ: «Библийыште возымо сӧрымаш йомакла чучеш».
-
Молан тиде йодышым шымлен налаш кӱлеш?
ТӰҤ ШОНЫМАШ
Библий мыланна пиалан ончыкылык илышым сӧра. Тидлан кӧра ме ӱшаным налына да нелылыкым сеҥен кертына.
Ушештарымаш
-
Еҥ-влаклан ӱшан молан кӱлеш?
-
Библий ончыкылык нерген мом ойла?
-
Ончыкылыклан ӱшан тыланда уже кызытак кузе полшен кертеш?
ЕШАРТЫШЛАН
Шукырак пален налза, кузе ӱшан нелылыкым сеҥаш полша.
«Ӱшан. Кушто тудым муаш лиеш?» («Помыжалтса!» 22 апрель, 2004 ий)
Лудын налза, кузе ончыкылыклан ӱшан хронический чер дене орланыше-влаклан полшен кертеш.
Тиде музыкальный видеороликым ончымыда годым шкендам да шке ешдам Библийын сӧрымӧ райыште ужаш тыршыза.
Лудын налза, кузе ик гражданский активистын илышыже вашталтын, кунам тудо Библийыште возымо ончыкылыклан ӱшанаш тӱҥалын.
«Ындыжым мый тӱням вашталташ ом тырше» («Орол башне» 1 июль, 2013 ий)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
