1 APRILY 2024
ROSIA

“Tsy Te Hivadika Izany Mihitsy Aho”

HANDEFA

Tsy ho ela ny Fitsaran’i Nikolaevsk-on-Amour any amin’ny Faritanin’i Khabarovsk dia hamoaka didy momba ny Rahalahy Igor Kletkin sy Rahalahy Nikolay Kononenko ary ny Ranabavy Nadezhda Korobochko. Mbola tsy nilaza ny sazy homena an-dry zareo ny Mpampanoa lalàna.

Ireo voampanga

Igor Kletkin

Teraka: 1961 (Tany Nikolaevsk-on-Amour)

Mombamomba azy: Mpamily no asany

Lasa nalemy ny mamany satria nisy loza nahazo azy. Lasa saina izy taorian’izay hoe fa maninona no mitranga ny zavatra hoatr’izany. Faly izy rehefa nohazavaina taminy avy ao amin’ny Baiboly ny anton’ilay izy. Natao batisa tamin’ny 1999, ary lasa Vavolombelon’i Jehovah

Resadresaka nifanaovana taminy

Inona no nanampy anao tsy ho kivy na dia mafy be aza ny nahazo anao?

Na dia tsy mora aza ilay fanenjehana, dia tsy nataoko nampihena ny finoako mihitsy izany. Noraisiko hoatran’ny hoe anisan’ny fanompoana an’i Jehovah ihany aza ilay izy. Nataoko an-tsaina foana ilay tenin’i Jesosy ao amin’ny Jaona 15:20: “Raha nanenjika ahy izy, dia hanenjika anareo koa.” Tsy te hivadika izany mihitsy aho. Tsy te hivadika amin’i Jehovah sy Jesosy ary ny rahalahy sy anabavy aho. Te hanome modely tsara ho an’ny hafa kosa aho.

Nadezhda Korobochko

Teraka: 1943 (Tany Shakhty, Faritanin’i Rostov)

Mombamomba azy: Mpanao kaonty. Manan-janaka efatra

Namaky Baiboly izy, nefa sarotra taminy ny nahazo an’izay novakiny. Nanomboka nianatra Baiboly tamin’ny Vavolombelon’i Jehovah. Faly izy rehefa nahafantatra momba an’Andriamanitra sy ny toetrany. Natao batisa tamin’ny 1996

Resadresaka nifanaovana taminy

Inona no nianaranao momba an’i Jehovah tamin’iny fotoan-tsarotra iny?

Nianarako tamin’iny zava-nitranga iny fa tsy hoe mahita an’izay mahazo ahy fotsiny i Jehovah fa azony tsara koa hoe inona no tsapako. Tonga dia fantany hoe inona no ilaiko, dia manampy ahy izy. Manampy ahy ho tony koa izy rehefa manahy aho, dia lasa afaka misaina tsara aho. Ampiany koa aho hahatadidy andinin-teny azoko ampiharina tsara amin’iny fotoana iny. Vao mainka aho mahazo fanahy masina be dia be arakaraka ny maha mafy an’ilay fanenjehana. Lasa matoky kokoa an’i Jehovah aho vokatr’izany.

Misaotra an’i Jehovah isika satria tia sy miahy ary manampy an’izay rehetra matoky azy izy, sy izay miteny hoe: “Ianao no Andriamanitro.”—Salamo 31:14.

Zava-nitranga

11 Oktobra 2021

Nosavana ny tranon’i Igor sy Nadezhda. Nampidirina am-ponja vonjimaika i Igor
12 Oktobra 2021

Natao famotorana i Nadezhda
13 Oktobra 2021

Nafahana i Igor
14 Oktobra 2021

Tsy navela niala tao amin’ny faritra nisy azy i Igor sy Nadezhda
27 Septambra 2022

Tsy navela niala tao amin’ny faritra nisy azy i Nikolay
16 Janoary 2023

Nanomboka notsaraina izy

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO