1 MEY 2024
ROSIA

“Tsy Te Hanana Fiainana Hafa Aho”

HANDEFA

Tsy ho ela dia hamoaka didy momba ny raharaha mahakasika ny Ranabavy Galina Komissarova ny Fitsaram-paritr’i Tsentralniy any Tolyatti, any amin’ny Faritr’i Samara. Tsy mbola nilaza ny sazy homena azy ny mpampanoa lalàna.

Ilay voampanga

Galina Komissarova

Teraka: 1961 (Moscou, Faritr’i Moscou)

Mombamomba azy: Efa mpampianatra, mpanome torohevitra, ary mpitsabo momba ny fahaiza-miteny talohan’ny nisotroany ronono

Nanambady an’i Dmitriy tamin’ny 1990. Manan-janaka mianadahy ry zareo. Maty tamin’ny 2003 i Dmitriy

Tena tiany ny torohevitra hita ao amin ny Baiboly. Natao batisa tamin’ny 2003, ary lasa Vavolombelon’i Jehovah

Resadresaka nifanaovana taminy

Inona no manampy anao tsy ho kivy eo amin’ny fanompoana an’i Jehovah?

Fantatro hoe Andriamanitra mahay mankasitraka i Jehovah, ary sarobidy aminy na dia ny zavatra kely ataoko aza mba hampisehoana aminy ny tsy fivadihako. Izany no mandrisika ahy hanao izay rehetra azoko atao mba hampifaliana ny fony sy mba hatokisany ahy foana. Na inona na inona olana hatrehiko, dia tsy te hanana fiainana hafa aho. Tsy haiko hoe hanao ahoana ny fiainako raha tsy misy an’i Jehovah.

Hoatran’i Galina, dia sarobidy amintsika ilay hoe mahafantatra an’i Jehovah sy manompo azy amin’ny fo manontolo, satria fantatsika hoe “an’i Jehovah” isika.—Romanina 14:8.

Zava-nitranga

7 Septambra 2023

Nampangaina ho mpanao heloka bevava
8 Septambra 2023

Nosavana ny tranony ary natao famotorana i Galina
19 Septambra 2023

Tsy nahazo nanao dia lavitra
18 Desambra 2023

Nanomboka notsaraina

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO