“Yendu . . . bu fiɛl b ninsiid kul, kuum ji kan gii be, kububuul ji kan gii be, finfabni ji kan gii be, fala ji kan gii be k l maa ŋandunkpel po juab o.” —Dɔgdu 21:3, 4, Yendu Kadapaaɔnŋ.

L te k t ban k t cicagm g nya Yendu buol kaa.—Saak 1:13.

Tin ban k t cicagm yiɛl Yendu nyan, l sɔnŋd t pala.—2 Tɛsaloniik Kristo-yab 1:6.

T daan g cicagm kul bu gbenn. —2 Tɛsaloniik Kristo-yab 1:7, 8.

Ɛɛn, g dugn:

• Yendu g bua cicagm yen bonbiil nublu. Diid man lan bo tie Yendu nand youg nba k b bo cagn u buolu. Biibl maad g “ninbaaɔg bo tu suol Jeofa youg nba k u buolu bo buud k l maa b ninnanda bo mabnd’b g biɛ cagn’m.”—Buuddanm 2:18, Traduction du monde nouveau.

  Yendu pal g man yab nba cagn lieb po. Biibl maad g Yendu tan bu biɛn nikpiila.—Dɔgdu 21:8.

• Yendu pal siɛd nil kul po. Jeofa yed k yin lu i maba kul u po g dugn “wano n kub’i.”—1 Piɛr 5:7.

  L ji kan wai Jeofa bu te u Diem n nyan nil kul cicagm n ninŋ. (Matieog 6:9, 10) L youg daa g pund, ama dinne u sɔnŋd danm nba kul kpaan’o pala.—Tuona 17:27; 2 Korɛnt Kristo-yab 1:3, 4.