Kony Jomamoko Mondo Kik Iwinj ka In Kendi—Gima Muma Wacho
Ji mang’eny e piny winjo ka gin kendgi kendo gineno ni ok ginyal mako osiep gi jomamoko. Lakteche moko wacho ni achiel kuom gik ma nyalo konyo ng’at manie chal ma kamano en konyo jomamoko.
“Konyo joma dwaro kony nyalo miyo wawinj maber kendo kik wawinj ni wan kendwa.”—U.S. National Institutes of Health.
Muma konyowa ng’eyo yore ma wanyalo konyogo jomamoko. Tiyo gi puonj mag Muma nyalo konyowa mondo kik wawinj ni wan kendwa.
Gima inyalo timo
Bed jachiwo. Many thuolo mag bedo kanyachiel gi jomamoko. Ikri pogo ne jomamoko gik ma in-go. Kitimo kamano, gibiro bedo mamor to mano biro miyo ubed osiepe.
Puonj mar Muma: “Beduru jochiwo, to ji biro chiwonu.”—Luka 6:38.
Kony jomamoko. Many yore ma inyalo konyogo joma nigi chandruok. Mano nyalo riwo chikonegi iti kinyiso ni idewogi kata chiwori timonegi tije mamoko.
Puonj mar Muma: “Osiep ng’ato oikore konyo e chal moro amora.”—Ngeche 17:17, Contemporary English Version.
Mondo ing’e kaka inyalo medo tego osiep manie kindi gi jomamoko, som sula ma wiye wacho ni “Kuboresha Uhusiano wa Familia na Marafiki.”
Samoro Inyalo Hero Magi Bende
OHINGA MAR JARITO
Yud Ber Kuom Konyo Jomoko
Bedo jachiwo konyi kendo konyo jomamoko. Konyo jomoko miyo wabedo gi osiep machiegni kodgi. Ere kaka inyalo konyo jomamoko ka imor?
