Isaya 48:1-22
48 Winjuru wachni un joka Jakobo,Un jo ma luongore gi nying Israel+Kendo mosebiro koa e pige mag Juda,*Un jo ma kuong’ore gi nying Jehova+Kendo ma luongo nying Nyasach IsraelTo gadiera kendo e yo makare.+
2 Nimar giwacho ni gidak e dala maler+Kendo gisirore kuom Nyasach Israel,+Ma nyinge en Jehova Nyasach oganda lweny.
3 “Chon gi lala ne akoro weche moko, mi ne gitimore.
Ne ahulogi gi dhoga awuon,Kendo ne uwinjogi.+
Ne akawo okang’ mapiyo, mi gitimore.+
4 Nikech nang’eyo ni wiu tek,Ng’utu tek ka nyinyo kendo lela wang’u tek ka mula,+
5 Ne anyisou gigo chon.
Ne anyisougi ka pok ne gitimore,Mondo kik uwach ni sanambeu e motimogi,Kendo ni kido ma ne upayo kod ma ne uthedho gi chuma e ma notimogi.
6 Useneno kendo usewinjo gigi duto.
Donge koro ubiro hulogi?+
Chakre sani abiro nyisou gik manyien,+Gik mopandi ma pok uwinjoga.
7 Ne ok achueyo gigo chon, to achueyogi mana sani,Ne ok uwinjogi chon, to uwinjogi mana kawuono,Mondo kik uwach ni ne ung’eyo gigo chon.
8 Adier, pok uwinjogi+ kendo pok ung’eyogi,Kendo itu ne pok oyawore e ndalo machon.
Nimar ang’eyo ni un jo andhoga,+Kendo usebedo joricho chakre ne nyuolu.+
9 To abiro geng’o mirimba nikech nyinga,+Abiro hora mos kodu mondo ayud pak,Ok abi tiekou.+
10 Neuru! Asepwodhou, to ok kaka ipwodho fedha e mach.+
Asetemou* e chandruok mager ka mach.+
11 Abiro kawo okang’ nikech nyinga,+Ere kaka anyalo weyou mondo uchid nyinga?+
Ok anami ng’ato ang’ata duong’na.
12 Yaye Jakobo kod Israel ma aseluongo, winjauru.
Ok alokra.+ An e mokwongo; An e mogik.+
13 Lweta e ma noketo mise mar piny,+Lweta ma korachwich e ma noyaro polo.+
Ka aluongogi, to gichung’ malo.
14 Un duto chokreuru mondo uwinji.
Ng’ano kuomgi mosehulo gik ma biro timoregi?
Jehova osehero ng’atno.+
Obiro timo gima odwaro ne Babulon,+Kendo lwete biro goyo Jo-Kaldea.+
15 An awuon asewacho mano, kendo aseluonge.+
Asekele, kendo gik mochano biro dhi maber.+
16 Suduru machiegni mondo uwinj wachni.
Chakre chon pok apando wach moro amora.+
Ka gigo nochakore, ne antie kanyo.”
Kendo koro Jehova Wuon Loch Duto oseora kaachiel gi rohone.
17 Ma e gima Jehova Jawarni, kendo Ng’at Maler mar Israel owacho:+
“An Jehova NyasachiMa puonji mondo iyud ber,+Ma tayi e yo monego iwuothie.+
18 Mad niwinjie chikna!+
Dine ibedo gi kuwe kaka aora+Kendo timni makare dobedo kaka apaka manie nam.+
19 Kothi dobedo mang’eny ka kuoyoNyikwayi bende dobedo mang’eny ka kuoyo.+
Nyingegi dine ok ong’ad oko, kendo dine ok oruchi e nyima.”
20 Wuoguru ua Babulon!+
Ringuru ua kuom Jo-Kaldea!
Landuru wachno gi mor! Ee, huleuru!+
Landeuru nyaka e tunge piny.+
Wachuru ni: “Jehova osewaro jatichne Jakobo.+
21 Riyo ne ok oloyogi ka ne otelonegi e thim.+
Ne omiyo pi owuoknegi e lwanda;
Ne obaro lwanda mi pi mang’eny obubnie.”+
22 Jehova owacho niya: “Joricho ok nobed gi kuwe.”+
Weche Moler Piny
^ Kata nyalo bedo, “Kendo koth Juda.”
^ Kata, “Asenonou.” Kata nyalo bedo, “Aseyierou.”
