Isaya 35:1-10
35 Thim kod piny motwo nobed mamor,+Ee, thim nobed mamor kendo nothiew ka safron.*+
2 Adier, obiro thiewo;+Obiro bedo moil kendo kok gi mor.
Obiro bedo gi duong’ ka Lebanon,+Nobed ka maber kaka Karmel+ kod Sharon.+
Gibiro neno duong’ mar Jehova, gibiro neno ber mar Nyasachwa.
3 Teguru lwedo ma yom yom,Rieuru chonge monyosore.+
4 Nyisuru jo ma chunygi chandore niya:
“Beduru motegno. Kik ubed maluor.
Neuru! Nyasachu nobi mondo ochul kuor,Enobi mondo okum jowasiku.+
Enobi mondo oresu.”+
5 E kindeno, muofni biro neno,+Jo ma itgi odino itgi noyawre.+
6 Jo ma ong’ol nochikre ka ngau,+Kendo momni biro kok gi mor.+
Nimar pi nobubni e thim,Kendo aoche nobedie e piny motwo.
7 Lowo ma ne chieng’ obaro biro lokre thidhiya,Kendo piny motwo biro pong’ gi sokni.+
Lum mang’ich biro twi kuonde ma ne bwe odakie,+Ee, odundu kod togo bende biro twi kuondego.
8 Ndara maduong’ nobedie kuno,+Ee, ndara ma iluongo ni Ndara Maler.
Ng’at ma ok ler ok nowuoth e ndarano.+
Ng’at moyiene wuothoe kende e ma biro luwe;Ng’at mofuwo ok noluw yorno.
9 Sibuor ok nobedie kanyo,Ondiegi bende ok nobi kanyo.
Ee, ok ginibed kanyo;+Joga ma asewaro kende e ma biro wuotho kanyo.+
10 Jo ma Jehova osewaro noduog+ Sayun ka gikok gi mor.+
Ibiro rwaknegi osimbo mar mor mosiko.+
Ginibed mamor kendo moil,Kuyo gi parruok biro lal nono.+
Weche Moler Piny
^ Safron gin maupe.