Iparo ni Ngima Biro Chalo Nade Kinde Mabiro?
Be pinywani . . .
-
biro siko kaka en sani?
-
biro medo bedo marach moloyo?
-
biro bedo kama ber?
DWOKO MA MUMA CHIWO
“Nyasaye noywe pi wang’ duto e wengegi; tho ok nobedie kendo, kata ywak, kata nduru, kata rem ok nobedie, nikech gik machon osekadho.”—Fweny 21:4, The Bible in Luo, 1968.
KAKA WACHNO NYALO KONYI
Ji notim tije ma kelonegi mor.—Isaiah 65:21-23.
Tuoche gi chandruok moro amora ok nobedie.—Isaiah 25:8; 33:24.
Ji nodag gi mor nyaka chieng’ ka gin gi joodgi koda osiepegi.—Zaburi 37:11, 29.
BE WANYALO BEDO GADIER GI GIK MA MUMA PUONJO?
Ee, nikech weche kaka maluwogi:
-
Nyasaye nigi nyalo mar chopo gik mosingo. Muma wacho ni Jehova Nyasaye kende e “Manyalo Duto,” nikech en ema en gi teko duto. (Fweny 15:3) Omiyo en gi nyalo duto mar chopo singo mare mar loko pinywani obed kama ber. Mano e momiyo Muma wacho niya, “kuom Nyasaye duto nyalore.”—Mathayo 19:26.
-
Nyasaye gombo ahinya chopo singono. Kuom ranyisi, Jehova dwaro ahinya chiero joma otho.—Ayub 14:14, 15.
Muma bende wacho ni Yesu Wuod Nyasaye, nochango joma ne tuwore. Ang’o momiyo nochango ji? En nikech nodwaro mondo ji obed mangima. (Mariko 1:40, 41) Mana kaka Wuon mare, Yesu ne nigi gombo mar konyo joma nigi chan.—Johana 14:9.
Omiyo wanyalo bedo gadier ni Jehova kod Yesu dwaro konyowa mondo wabi wabed gi ngima maber e kinde mabiro!—Zaburi 72:12-14; 145:16; 2 Petro 3:9.
TEM ANE DWOKO PENJONI
Nyasaye biro loko pinywani mondo obed maber e yo mane?
Ne ane dwoko ma Muma chiwo e ndiko mag MATHAYO 6:9, 10 kod DANIEL 2:44.
Samoro Inyalo Hero Magi Bende
OHINGA MAR JARITO
Adiera e Wi Kinde ma Biro
Teg geno ma in-go e wi gik ma Nyasaye biro timo ne pinyni e kinde ma biro kod joma biro dak e iye.
ESSENTIAL BIBLE TEACHINGS
Pinyruodh Nyasaye En Ang’o?
Kinde duto ma Yesu ne yalo, nojapuonjo ji wach Pinyruodh Nyasaye nyading’eny moloyo wach moro amora. Ji osebedo kalemo kuom higni mang’eny mondo pinyruodhno obi.
OHINGA MAR JARITO
Ang’o ma Pinyruodh Nyasaye Biro Timo?
Yesu nong’eyo ni Pinyruodh Nyasaye e sirkal kende ma biro tieko gik maricho. Ang’o ma Pinyruodh Nyasaye osetimo ma miyo wabedo gadier ni obiro tieko gik maricho?
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.
