“Nansha mudi tshipupu tshia disama dia COVID-19 tshimane kujika pa buloba bujima, abi kabiena biumvuija ne: kadiakukuata kabidi bantu pa buloba bujima to.. . . Tuikale batuishibue ne: nekuenzeke tshipupu tshia mushindu mukuabu matuku kumpala eku, nanku tudi ne bua kudilongolola bua tshipupu atshi.”​—Tedros Adhanom Ghebreyesus, mulombodi munene wa Bulongolodi bua pa buloba bujima bua malu a makanda a mubidi, 22/5/2023.

 Tshipupu etshi ntshishiye bantu ba bungi ne masama a mitu, ntshibashiye kabidi ne mibidi itata. Bena mbulamatadi ne bena malongolodi a malu a luondapu nebikalaku badilongolole bua tshipupu tshikuabu anyi? Badiku ne mushindu wa kuondapa masama atudi nawu lelu eu anyi?

 Bible udi wakula bua mbulamatadi wikala mua kutuondapa mudibi bikengela. Udi wamba ne: “Nzambi wa mu diulu neajadike bukalenge bukuabu,” anyi mbulamatadi. (Danyele 2:44) Pakokesha mbulamatadi au, “muntu nansha umue udi musombele mu ditunga kakuamba ne: ‘Ndi nsama.’” (Yeshaya 33:24) Bantu bonso nebikale ne makanda a mubidi mimpe ne nebapetulule makanda a ku bunsonga buabu.​—Yobo 33:25.