Tshidi mua kufila disanka mu dîku ntshinyi?
Udi wela meji ne:
-
ndinanga anyi?
-
mmakuta anyi?
-
ntshintu tshikuabu anyi?
TSHIDI BIBLE WAMBA
“Bantu badi bateleja dîyi dia Nzambi ne badilama ke ba diakalenga!”—Luka 11:28, Nkudimuinu wa bulongolodi bupiabupia.
MVESE EU UDI UNUAMBULUISHA BUA KUPETA
Dinanga dilelela.—Efeso 5:28, 29.
Kanemu kalelela.—Efeso 5:33.
Dieyemenangana dikole.—Mâko 10:6-9.
TUDI NE BUA KUITABA TSHIDI BIBLE WAMBA ANYI?
Eyowa, bua malu abidi aa:
-
Nzambi ke utu muenze dîku. Bible udi wamba ne: ‘Dîku dionso ndipetele dîna diadi’ kudi Yehowa Nzambi. (Efeso 3:14, 15) Mbuena kuamba ne: Yehowa ke utu muenze bua dîku dikalaku. Bualu ebu budi ne mushinga bua tshinyi?
Tuangate tshilejilu: Udi udia biakudia kampanda ne umvua ne: mbabilambe bimpe. Mpindieu wewe musue kumanya mudibu babilambe, newebeje nganyi? Kuakuebeja muntu udi mubilambe anyi?
Bia muomumue, wewe musue kumanya tshidi tshikengela kuenza bua kuikala ne disanka mu dîku dienu, mbimpe webeje Yehowa, bualu yeye ke utu muenze dîku.—Genese 2:18-24.
-
Nzambi utu unutabalela. Mbimpe nuenu bena mu mêku nuikale nukeba mibelu idi Yehowa ufila mu Dîyi diende. Bua tshinyi? “Bualu yeye udi unutabalela.” (1 Petelo 5:6, 7) Yehowa utu unuelela meji mimpe ne mmusue kunuambuluisha. Mibelu yende itu anu yambuluisha bantu.—Nsumuinu 3:5, 6; Yeshaya 48:17, 18.
LUKONKO LUA KUELELA MEJI
Udi mua kuenza tshinyi bua kuikala mulume muimpe, mukaji muimpe, anyi muledi muimpe?
Bible udi wandamuna lukonko elu mu EFESO 5:1, 2 ne mu KOLOSAYI 3:18-21.
Mona bikuabu:
TABULUKAYI!
Meji adi afila disanka mu dîku
Ntshinyi tshidi balume, bakaji, baledi, ne bana mua kuenza bua kuikalabu ne disanka mu dîku?
TABULUKAYI!
Mêku a disanka—Dieleshangana diboko
Muena dibaka nebe udi anu bu muntu unudi nusangila nende nzubu tshianana anyi?
MALU ETU
Bua tshinyi mbimpe kulonga Bible?
Bible utu wandamuna nkonko minene itu bantu miliyo ya bungi pa buloba bujima badiela. Udi musue pebe kupeta mandamuna a yebe nkonko anyi?
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
