LUKONKO 5
Mu Bible mudi mukenji kayi?
“Nenteke lukuna pankatshi pebe ne mukaji, ne pankatshi pa muanebe ne muanende. Yeye neazaze mutu webe, ne wewe neumutape ku tshikankanyi.”
“Ku diambuluisha dia muanebe, bisamba bionso bia pa buloba nebipete dibenesha buabi biobi, bualu udi mumvue dîyi dianyi.”
“Bukalenge buebe bulue. Disua diebe dienzeke kabidi pa buloba muomumue ne mu diulu.”
“Ku luende luseke, Nzambi udi ufila ditalala neazaze Satana muinshi mua makasa enu mu katupa kîpi emu.”
“Patekibua bintu bionso ku bukokeshi buende, dîba adi Muana muine neaditeke pende ku bukokeshi bua Yeye uvua muteke bintu bionso ku bukokeshi buende, bua Nzambi ikale bintu bionso kudi muntu yonso.”
“Mpindieu milayi, bavua bayilaye Abalahama ne muanende . . . , udi muikale Kristo. Bualu bukuabu, binuikala bantu ba Kristo, nudi bulelela bana ba Abalahama.”
“Bukalenge bua ba pa buloba mbulue Bukalenge bua Mukalenge wetu ne bua Kristo wende, ne yeye neakokeshe bu mukalenge kashidi ne tshiendelele.”
“Nunku, dragon munene wakedibua panshi, nyoka wa ku tshibangidilu, udibu babikila ne: Diabolo ne Satana, udi upambuisha ba pa buloba bonso; wakedibua panshi pa buloba, ne banjelu bende bakedibua nende panshi.”
“Wakakuata dragon, nyoka wa ku tshibangidilu, udi Diabolo ne Satana, ne wakamusuika bua bidimu tshinunu.”
