ເພງສັນລະເສີນ 19:1-14
ເຖິງຜູ້ຄວບຄຸມດົນຕີ. ເພງຂອງດາວິດ.
19 ສິ່ງຕ່າງໆທີ່ຢູ່ເທິງຟ້າປະກາດສະຫງ່າລາສີຂອງພະເຈົ້າ+ແລະບອກເຖິງສິ່ງທີ່ເພິ່ນສ້າງ.+
2 ທຸກໆມື້ຄຳເວົ້າຂອງສິ່ງເຫຼົ່ານັ້ນອອກມາຄືກັບນ້ຳທີ່ທັ່ງອອກຢູ່ຕະຫຼອດແລະທຸກໆຄືນພວກມັນເປີດເຜີຍຄວາມຮູ້ຂອງເພິ່ນ.
3 ເຖິງວ່າພວກມັນຈະບໍ່ໄດ້ເວົ້າຫຍັງແລະເຖິງວ່າຈະບໍ່ມີສຽງຫຍັງອອກມາຈາກພວກມັນ
4 ແຕ່ທົ່ວໂລກກໍໄດ້ຍິນຄຳພະຍານຂອງພວກມັນ*ແລະຂ່າວສານທີ່ພວກມັນປະກາດກໍໄປເຖິງຄົນທີ່ຢູ່ສຸດຂອບໂລກ.+
ພະເຈົ້າໄດ້ຕັ້ງເຕັ້ນໃຫ້ຕາເວັນຢູ່ເທິງຟ້າ.
5 ມັນເປັນຄືກັບເຈົ້າບ່າວທີ່ອອກມາຈາກຫ້ອງແລະມັນດີໃຈຄືກັບຜູ້ຊາຍແຂງແຮງທີ່ໄດ້ອອກໄປແລ່ນແຂ່ງ.
6 ມັນອອກມາຈາກຂອບຟ້າຟາກໜຶ່ງແລ້ວໄປອີກຟາກໜຶ່ງ+ແລະບໍ່ມີຫຍັງລີ້ຈາກຄວາມຮ້ອນຂອງມັນໄດ້.
7 ກົດໝາຍຂອງພະເຢໂຫວາສົມບູນແບບ+ແລະເຮັດໃຫ້ມີແຮງອີກເທື່ອໜຶ່ງ.+
ຂໍ້ເຕືອນໃຈຂອງພະເຢໂຫວາໄວ້ໃຈໄດ້+ແລະເຮັດໃຫ້ຄົນທີ່ບໍ່ມີປະສົບການສະຫຼາດຂຶ້ນ.+
8 ຂໍ້ກຳນົດຂອງພະເຢໂຫວາຍຸຕິທຳແລະເຮັດໃຫ້ມີຄວາມສຸກ.+ຄຳສັ່ງຂອງພະເຢໂຫວາດີແທ້ໆແລະເຮັດໃຫ້ມີຄວາມເຂົ້າໃຈຫຼາຍຂຶ້ນ.+
9 ການນັບຖືພະເຢໂຫວາ+ເປັນສິ່ງທີ່ບໍລິສຸດແລະໝັ້ນຄົງຕະຫຼອດໄປ.
ການຕັດສິນຂອງພະເຢໂຫວາຍຸຕິທຳ*ແລະຖືກຕ້ອງສະເໝີ.+
10 ສິ່ງເຫຼົ່ານີ້ມີຄ່າຫຼາຍກວ່າຄຳຫຼາຍກວ່າຄຳທີ່ຖືກຫຼອມຢ່າງດີ+ແລະຫວານກວ່ານ້ຳເຜີ້ງ+ທີ່ຍ້ອຍຈາກຮັງ.
11 ສິ່ງເຫຼົ່ານີ້ໄດ້ເຕືອນຜູ້ຮັບໃຊ້ຂອງພະອົງ+ແລະຜູ້ທີ່ເຮັດຕາມຈະໄດ້ລາງວັນໃຫຍ່.+
12 ໃຜຊິຮູ້ວ່າໂຕເອງເຮັດຜິດ?+
ຂໍພະອົງຍົກໂທດໃຫ້ລູກ*ໃນຄວາມຜິດທີ່ລູກເຮັດໂດຍບໍ່ຮູ້ໂຕ.
13 ຂໍຊ່ວຍລູກບໍ່ໃຫ້ເປັນຄົນເຮັດເກີນສິດ+ແລະບໍ່ໃຫ້ເປັນຄົນລ່ວງ+
ເພື່ອລູກຈະເປັນຄົນທີ່ບໍ່ມີບ່ອນຕິ+ແລະເປັນຄົນທີ່ບໍ່ໄດ້ເຮັດຜິດແລ້ວເຮັດຜິດອີກ.*
14 ພະເຢໂຫວາຜູ້ເປັນຫີນຜາ+ແລະຜູ້ໄຖ່ຂອງລູກ+ຂໍຊ່ວຍລູກໃຫ້ເວົ້າແລະຄິດຕຶກຕອງແຕ່ສິ່ງທີ່ພະອົງພໍໃຈ.+
ຂໍ
^ ຫຼືອາດແປວ່າ “ແຕ່ສາຍແທກຂອງພວກມັນອອກໄປທົ່ວໂລກ”
^ ຫຼື “ເປັນຄວາມຈິງ”
^ ຫຼື “ປະກາດວ່າລູກບໍ່ມີຄວາມຜິດ”
^ ຫຼື “ບໍ່ໄດ້ເຮັດຜິດຮ້າຍແຮງ”
