ເພງສັນລະເສີນ 103:1-22
ເພງຂອງດາວິດ.
103 ຂ້ອຍຂໍສັນລະເສີນພະເຢໂຫວາ.ຂ້ອຍຂໍສັນລະເສີນຊື່ທີ່ບໍລິສຸດຂອງເພິ່ນສຸດຫົວໃຈ.
2 ຂ້ອຍຂໍສັນລະເສີນພະເຢໂຫວາ.ຂໍໃຫ້ຂ້ອຍບໍ່ລືມທຸກສິ່ງທີ່ເພິ່ນໄດ້ເຮັດ.+
3 ເພິ່ນຍົກໂທດຄວາມຜິດທັງໝົດໃຫ້ເຈົ້າ+ແລະປິ່ນປົວຄວາມເຈັບປ່ວຍທັງໝົດຂອງເຈົ້າ.+
4 ເພິ່ນໄຖ່ຊີວິດເຈົ້າຈາກຂຸມຝັງສົບ+ແລະເພິ່ນເອົາຄວາມຮັກທີ່ໝັ້ນຄົງແລະຄວາມເມດຕາຂອງເພິ່ນມາສຸບໃສ່ຫົວເຈົ້າຄືກັບມົງກຸດ.+
5 ເພິ່ນໃຫ້ສິ່ງທີ່ດີຕ່າງໆກັບເຈົ້າ+ຕະຫຼອດຊີວິດຂອງເຈົ້າເພື່ອທີ່ເຈົ້າຈະມີເຫື່ອແຮງ*ອີກເທື່ອໜຶ່ງຄືກັບນົກອິນຊີ.+
6 ພະເຢໂຫວາເຮັດສິ່ງທີ່ຖືກຕ້ອງ+ແລະຍຸຕິທຳເພື່ອທຸກຄົນທີ່ຖືກກົດຂີ່ຂົ່ມເຫງ.+
7 ເພິ່ນໃຫ້ໂມເຊຮູ້ຈັກແນວທາງຂອງເພິ່ນ+ແລະໃຫ້ລູກຫຼານຂອງອິດສະຣາເອນໄດ້ຮູ້ຈັກສິ່ງທີ່ເພິ່ນເຮັດ.+
8 ພະເຢໂຫວາເປັນພະເຈົ້າທີ່ມີຄວາມເມດຕາແລະໃຈດີ*+ເພິ່ນບໍ່ໃຈຮ້າຍງ່າຍແລະມີຄວາມຮັກທີ່ໝັ້ນຄົງຫຼາຍທີ່ສຸດ.+
9 ເພິ່ນຈະບໍ່ຊອກຈັບຜິດ+ແລະຈະບໍ່ຄຽດໃຫ້ຕະຫຼອດໄປ.+
10 ເພິ່ນບໍ່ໄດ້ຈັດການພວກເຮົາໃຫ້ສົມກັບບາບຂອງພວກເຮົາ+ແລະບໍ່ໄດ້ລົງໂທດພວກເຮົາຕາມຄວາມຜິດຂອງພວກເຮົາ.+
11 ຟ້າສູງກວ່າດິນຫຼາຍສ່ຳໃດຄວາມຮັກທີ່ໝັ້ນຄົງຂອງເພິ່ນທີ່ມີຕໍ່ຄົນທີ່ນັບຖື*ເພິ່ນກໍຫຼາຍສ່ຳນັ້ນ.+
12 ທິດຕາເວັນອອກໄກຈາກທິດຕາເວັນຕົກຫຼາຍສ່ຳໃດເພິ່ນກໍເອົາຄວາມຜິດຂອງພວກເຮົາໄປໄກຫຼາຍສ່ຳນັ້ນ.+
13 ຄືກັບພໍ່ທີ່ເມດຕາລູກພະເຢໂຫວາກໍເມດຕາຄົນທີ່ນັບຖືເພິ່ນ.+
14 ເພິ່ນຮູ້ວ່າພວກເຮົາຖືກສ້າງມາແບບໃດ+ແລະຈື່ວ່າພວກເຮົາເປັນແຕ່ຂີ້ດິນ.+
15 ຊີວິດຂອງມະນຸດສັ້ນຄືກັບຊີວິດຂອງຫຍ້າ.+ລາວເປັນຄືກັບດອກໄມ້ຢູ່ໃນທົ່ງຫຍ້າ.+
16 ເມື່ອມີລົມພັດມາ ມັນກໍຫາຍໄປຄືກັບວ່າມັນບໍ່ເຄີຍມີຢູ່ຫັ້ນເລີຍ.
17 ແຕ່ຄວາມຮັກທີ່ໝັ້ນຄົງຂອງພະເຢໂຫວາຕໍ່ຄົນທີ່ນັບຖືເພິ່ນ+ແລະຄວາມຍຸຕິທຳຂອງເພິ່ນຕໍ່ລູກຫຼານຂອງເຂົາເຈົ້າ+ຈະມີຢູ່ຕະຫຼອດໄປ.
18 ລວມທັງຄົນທີ່ເຮັດຕາມສັນຍາທີ່ໃຫ້ໄວ້ກັບເພິ່ນ+ແລະຄົນທີ່ຕັ້ງໃຈເຮັດຕາມຄຳສັ່ງຂອງເພິ່ນ.
19 ພະເຢໂຫວາໄດ້ຕັ້ງບັນລັງຂອງເພິ່ນຢ່າງໝັ້ນຄົງໃນສະຫວັນ+ແລະເພິ່ນເປັນກະສັດປົກຄອງທຸກສິ່ງທຸກຢ່າງ.+
20 ທູດສະຫວັນທັງໝົດ+ທີ່ມີລິດເດດຫຼາຍ ທີ່ເຊື່ອຟັງ ແລະເຮັດຕາມຄຳສັ່ງຂອງເພິ່ນ+ຂໍໃຫ້ສັນລະເສີນພະເຢໂຫວາ.
21 ກອງທັບທູດສະຫວັນທັງໝົດ+ທີ່ເປັນຜູ້ຮັບໃຊ້ແລະເຮັດຕາມຄວາມຕ້ອງການຂອງເພິ່ນ+ຂໍໃຫ້ສັນລະເສີນພະເຢໂຫວາ.
22 ທຸກສິ່ງທີ່ເພິ່ນສ້າງແລະທຸກບ່ອນທີ່ເພິ່ນປົກຄອງ*ຂໍໃຫ້ສັນລະເສີນພະເຢໂຫວາ.
ຂ້ອຍຂໍສັນລະເສີນພະເຢໂຫວາສຸດຫົວໃຈ.
ຂໍ ຄວາມ ໄຂ ເງື່ອນ
^ ແປຕາມໂຕວ່າ “ຄວາມໜຸ່ມ”
^ ຫຼື “ມີຄວາມອີ່ຕົນ”
^ ແປຕາມໂຕວ່າ “ຢ້ານຢຳ”
^ ຫຼື “ທຸກບ່ອນທີ່ເປັນສິດໃນການປົກຄອງຂອງເພິ່ນ”