Na Amerika ya Sudi, bato ya mabota, minɔkɔ, bikólo ndenge na ndenge bafandaka na zamba ya Amazone, mosika na bingumba. Ndenge nini bato ya bisika yango bakoki koyoka nsango ya elikya oyo ezali na Biblia? Yango wana, na sanza ya 07/ 2017, Batatoli ya Yehova 13 basalaki mobembo na Guyane mpo na kokende kotika mikanda na nzela ya ebale Maroni mpe balekaki na ngámbo ya ɛsti ya ebale yango mpo na kokende kosakwela bato yo bafandaka pembenipembeni ya ebale yango.

 Sanza moko liboso mobembo ya mikolo 12 ebanda, bato nyonso oyo bakosala mobembo bayanganaki na likita moko. Winsley amikundweli mpe alobi boye: “Bayebisaki biso nsango etali teritware yango mpe istware na yango, mpe bapesaki biso malako mpe toli mpo tokobanda kolamba biso moko.” Moto na moto azwaki bidɔ oyo ekoki kokɔtisa mai te, mpe mbeto mpe mosikitele. Mobembo yango esɛngaki komata pɛpɔ mbala mibale mpe komata bwato bangonga mingi mpenza.

 Bandeko basi mpe mibali oyo baponamaki mpo na kosala mobembo bamiyokaki ndenge nini? Claude mpe Lisette, oyo bakómi na mbula koleka 60, bandimaki kosala mobembo. Claude alobi boye: “Natondaki na esengo, kasi nazalaki kobanga mwa moke. Nayokaki lisolo ndenge ebale yango ezalaka na vitɛsi makasi.” Lisette azalaki komitungisa mpo na likambo mosusu alobi boye: “Nazalaki komituna akosala nini mpo nasolola na bato oyo balobaka minɔkɔ ya Amerindian.”

 Mickaël oyo asalaki mpe mobembo yango azalaki mpe komitungisa bongo. Alobi boye: “Toyebaki mpenza te makambo mingi etali monɔkɔ ya Wayana. Na yango, nasalaki bolukiluki na Internet mpo na koyekola mwa maloba mpe nakokaki kosolola na bato yango na monɔkɔ na bango.”

 Shirley, oyo mpe asalaki mobembo yango ná mobali na ye, Johann, akomaki liste ya minɔkɔ oyo bato bazali koloba pembenipembeni ya ebale yango. Alobi boye: “Tozwaki bavideo na jw.org na mwa minɔkɔ yango mpe tozwaki mwa buku moko na monɔkɔ ya Wayana oyo esalisaki biso tóbanda lisolo na bato.”

 Mokolo ya mibale, 04/07/2019, bandeko yango bazwaki pɛpɔ na Saint-Laurent du Maroni mpo na kokende na Maripasoula, engumba moko oyo na kati ya parkɛ ya Amazone na Guyane.

 Na boumeli ya mikolo minei oyo elandaki, bandeko bazwaki bwato ya motɛrɛ mpo na kokende na bamboka oyo ezali pembenipembeni ya Ebale ya Haut-Maroni, epai tosakwelaki bato ya bamboka yango. Roland, oyo asalaki mpe mobembo, alobi boye: “Baamerindien bazali bato oyo basepelaka koyoka masolo ya Liloba ya Nzambe. Bazali na mituna mingi mpe kutu basusu balingaki tóyekola na bango Biblia.”

 Na mboka moko, Johann ná Shirley bakutanaki na mwasi moko ná mobali na ye oyo bazali naino bilenge oyo ndeko na bango moko amibomaki kala mingi te. Johann alobi boye: “Tolakisaki bango video Un Amérindien trouve son Créateur,” na TV JW. Video yango esimbaki mpenza mitema ya babalani yango. Bapesaki biso adrɛsi na bango misato ya e-mail mpo balingaki bákoba kosolola na biso.”

 Na nsima, bandeko bakendaki na Antécume Pata na sudi. Kuna, mokonzi ya mboka yango apesaki Batatoli ya Yehova yango esika mpo bátya mwa ndako mpo na komibatela. Bandeko basukolaki na ebale yango, kaka ndenge bana-mboka yango basalaka.

 Mpe na nsima, bazwaki bwato mpo na kokende na mboka Twenké, epai bana-mboka yango bazalaki na matangá. Éric, moko ya bandeko oyo babongisaki mobembo yango, alobi boye: “‛Grand Man,’ mokonzi ya lokota yango, apesaki biso ndingisa ya kotambola na mboka yango na bonsomi mpo na kobɔndisa bato yango. Mokonzi yango ná libota na ye basepelaki mpenza na bavɛrsɛ oyo totángelaki bango na Biblia ya Wayana. Tolakisaki mpe bango bavideo oyo elobeli elaka ya Biblia na oyo etali lisekwa.”

 Na nsima bandeko bamataki na pɛpɔ mpo na kokende na Maripasoula na engumba moko ya moke ya Grand-Santi, na boumeli ya miniti 30. Mokolo ya mibale mpe ya misato, bandeko oyo bakendaki mobembo basakwelaki bato ya engumba yango nsango ya Biblia. Mokolo ya minei, Batatoli ya Yehova bazwaki bwato na ebale Maroni mpo na kokende na ngámbo ya mboka Apatou, mobembo ya ngonga mitano ná ndambo.

 Mokolo moko liboso ya mokolo ya nsuka ya mobembo yango, Batatoli ya Yehova bakendaki na bamboka oyo ezali zingazinga ya bato babengi Marrons, bakitani ya baombo ya Afrika oyo bamemamaki na Amerika ya Sudi na eleko oyo Suriname, ekólo mopaya, ezalaki na nse ya boombo. Batatoli ya Yehova babengisaki moto nyonso aya koyangana na bango na zamba na nse ya hema moko oyo etyamaki na libaku wana. Claude alobi boye: “Mitema na biso etondaki na esengo ntango tomonaki ebele mpenza ya bato bayaki. Tobengisaki bango kaka na ntɔngɔ yango!” Karsten, oyo asalaki mbala ya liboso mobembo ya ndenge wana, asalaki diskur ya bato nyonso na monɔkɔ ya Aukan oyo ezali na motó ya likambo: “Makambo nyonso ekosuka bobele na bomoi oyo?” Na mokolo yango, bayangani nyonso bazalaki bato 91.

 Nsukansuka, bandeko oyo basalaki mobembo bazongaki na Saint-Laurent du Maroni. Bango nyonso batondaki na esengo ndenge Baamérdien bayambaki mpenza na esengo nsango ya Biblia, mpe bandimaki mikanda mingi oyo topesaki bango mpe batalaki bavideo na biso Batatoli ya Yehova.

 Lisette alobi boye: “Nazangi maloba ya koloba mpo na komonisa esengo oyo nazali na yango mpo na mobembo oyo touki kosala.” Cindy andimi mpe alobi: “Soki bakoki lisusu kobongisa mobembo ya ndenge wana, nakosɛnga nazala kati ya bato oyo bakosala mobembo yango. Mpo oyoka esengo oyo nazali koyoka ekosɛnga yo mpe osala mobembo ya ndenge wana!”

 Bandeko oyo basalaki mobembo yango bazali na mposa ya kosala lisusu mobembo yango. Mickael alobi boye: “Tondimi kosala yango lisusu!” Winsley akendaki na Saint-Laurent du Maroni. Claude ná Lisette, bango nyonso mibali bazali na mbula koleka 60, bazwaki ekateli ya kokende na Apatou.