SOMO 02
Biblia tsoni bblo kʉ ná ddo djo
Bí kʉ ná nrŭ bani na ná kpakpalo adi rili nrŭ thí ba njedha, nrŭ nanga lo d’o ndirigoti ri adi rili nrŭ ronga ndindi ma. Ni bani na ná kpakpalo ma ká adi rili ni mbu ni føi? Njaro ni nzani dhe dzá lodho, inga bbo ni ji ná le dhedhe naridho. Njaro ni ridhu ni tso, ‘Maisha ro kasie bblo bbʉbbʉ?’ Biblia ngʉ fø logoti ngbathonga naribbai.
1. Biblia ká bbʉ ngba ngab’odha ko dho gosi ná ddo djo?
Biblia adi addudho ma ko bani kpakpalo na nari d’ra. Ndirigoti Biblia rid’ra nari kʉ karr nga goti Mungu si fø kpakpalo tso d’ød’ø. Ri nǎ kʉ ná tsodha ka ndi bbʉ “gosi ná ddo ndirigoti ngab’odha.” (Azø Yeremia 29:11, 12.) Fø tsodha adi ko tsotso kó kove ko bani na ná kpakpalo tso ndirigoti koe hwè na njʉ. Ndirigoti føri adi ko tsotso kó ko churi nari kʉ, ko kasi di hwè na theinga dho.
2. Biblia ká ripo lo sie ngbaribbai gosi ná saa na?
Biblia ripo gosi ná saa na “dhe kasie nga, dzz le dzz nari kasie nga, hø le hø nari kasie nga, ndi le ronga ndi nari ma kasie ngaddi.” (Azø Ufunuo 21:4.) Njʉ nrŭ adi ndima dho ngab’odha vi dho nalo kʉ, njedha ma, nga kʉ chø nalo ma, dhe ma ndirigoti dhe le dhe nari ma, fø lo ro kasie nga. Biblia ripo ri kasi kaka nrŭ dho ndima di hwè dhi maisha na theinga dho Paradiso nǎ dz’ djó.
3. Biblia po nalo si njini nji nari ká ni ka ni u ngbaribbai?
Bí kʉ ná nrŭ adi bblo kʉ nalo si njini nari b’o, ro kpa nanga adi rɨnirɨ ri si njini nari djo. Ro Biblia tsoni djo nalo si njini nji. Ko ka ko liri kodhó udha e kpakpa Biblia po nalo djo njati ko di “andiko nǎ longa ne bbo ró.” (Matendo 17:11) Ni di Biblia nǎ longa ne ró, ri ka ndi e sʉsʉ ni dho ni vʉ ni ká ka ni u Biblia ddi gosi ná saa djo nalo u ma inga nzá ma nari.
ANE LONANGA BBO
Anja Biblia po gosi ná ddo djo nalo. Anja ngbaribbai ma Biblia bbʉ ná ngab’odha nrŭ tsotso kó i ddoro nari.
4. Biblia ripo ri ka ndi kaka ko di theinga dho ngadhi nzadha ro
Anja aluti paje djó kʉ nalo ndiro ni ba Biblia tsoni djo nalo d’e. Ni nanga ká adi jini ngbadi ná tsodha dho? Nde ni ká adi rinja mana na addudho?
Azø gosi ná paje djó kʉ ná maandiko ndiro ni nja fø tsodha d’e, ndirigoti anja i ngadhudha:
-
Ni ká riddi fø maandiko kʉ faida na bbʉbbʉ ni dho? Nidhó familia ma, nidhó kau ma ká ka ndima ba faida ri nǎ ro ddi?
Addiri ni di na ngø na
DDIKPA KE RO MA NZƗDDI KASI . . . |
KRɄ KɄ NÁ NRŬ SI (SIE) . . . |
---|---|
|
|
|
|
|
|
|
|
|
|
5. Biblia tsoni djo nalo si lo thika lele
Bí kʉ ná nrŭ thí bʉnibʉ ndirigoti nja nrŭ thí njedha ba ndima nja ná kpakpalo dzá lodho. Nja nrŭ adi kpakpanga nji nja ndima thɨ dz’ djó kpakpalo thika d’e. Anja ngbaribbai ma Biblia tsoni djo nalo adi nrŭ tsotso kó njʉ nari. Aninja VIDEO, ndirigoti anitilo i ngadhudha djo.
-
Video nǎ, Rafika ká baeni ngbadi ná nga kʉ chø nalo na?
-
Ngba mai le baeni na ná nga kʉ chø nalo tso d’øe nzá ro, Biblia ká koe le tsotso ngbaribbai?
Gosi ná ddo djo Biblia bbʉ ko dho ná ngab’odha ka ndi kó ko tsotso ko bʉ ko thí bʉni ná saa na ndirigoti ko ka koe hwè na dhé njati koe kpakpalo kana ma ró. Anizø Mezali 17:22 ndirigoti Waroma 12:12, ndirigoti anitilo i ngadhudha djo:
-
Njati ni u Biblia po nalo ró, ni ká riddi nidhó maisha ka ndie bblo? Nde fø ká ni riddi addudho?
NJA NRŬ ADI RIPO: “Biblia tsoni djo ná føri kʉ nzá ka ndi njini nalo.”
-
Nidho ká ringani ni ne fø lonanga ni niro addudho?
LODZA DɄNGA
Biblia tsoni bí kʉ nalo djo gosi ná saa dho. Føri adi rili koe ngab’odha na ndirigoti bblo kʉ ná maisha na njʉ.
Lo djolu le ngʉ nari
-
Nrŭ dhó lo ká ji ngab’odha addudho?
-
Biblia ká po ngba lo gosi ná ddo djo?
-
Ngab’odha na le kʉ gosi ná ddo djo nari ká ka ndi kó ni tsotso njʉ ngbaribbai?
NI KA NI CHU NÁ NJA LO
Aneri ni chu ngbaribbai ma ngab’odha ka ndi kó ni tsotso kpakpalo na ni kʉ ná saa na nari.
Anja ngbaribbai ma ngab’odha ka ndi kó nzɨ ró dhe sini ná nrŭ tsotso nari.
“Je Biblia Inaweza Kukusaidia Ikiwa Una Ugonjwa wa Siku Nyingi? (Jw.org djó kʉ nalo)
I video-miziki ni nja ná saa na, anjini hwè dhi maisha na kʉ paradiso nǎ naribbai nidhó familia ma na.
Azø ngbaribbai ma nrŭ dhó uhuru djó adi lɨ nji ná ke zøe Biblia po nalo gosi ná saa djo nari lee kedhó maisha thika nari.
“Sijisikie Tena Kuwa Ninapaswa Kubadilisha Dunia” (Dzamu dhi Munara, Swahili Congo Bi 7 ddo 1, 2013)