TIMOKO 02
Bibila tivuvu dihanaka
Bantu babansoni misamu mie nwawu misaka ti babâ mu tiari, babâ na lwaka mpe babâ mu mpasi. Ngano weka bwila musamu wasa ti wamona mpasi? Kampe bwawu bu, mpasi ta mona mu bungu dia timbevo peleko mu bungu ti muntu wu zololo wafwilulu. Kampe mbo vulu tiyulaka: ‘Ngano luzingu mbo lutoma lumbu?’ Bibila mvutu ya delakana dihanaka mu tiyuvu tio.
1. Bibila ntia tivuvu dituhanaka mu bungu dia bilumbu bita kwiza?
Bibila mbo ditâka mu bungu dia nti nza ye ya fuluka mu mpasi. Bibila nsangu za mbote mpe ditutêlaka zitâka ti ntamana Nzambi mbo kakatula mpasi zazansoni. Makani ma Bibila malendi “ku hana luzingu lwa mbote mu bilumbu bita kwiza na tivuvu.” (Tanga Yeremi 29:11, 12.) Makani mo malendi tu bakisa mu korela misamu peleko mpasi zeto, na mu bâ mu nsayi bwawu bu. Makani mango malendi mpe tu hana lukwikulu ti mbo tubâ mu nsayi ntangu zazansoni.
2. Ngano Bibila ntia misamu dikanisinaka mu bungu dia bilumbu bita kwiza?
Bibila ditâka ti mu bilumbu bita kwiza ‘lufwa mpe ka luvutu’â kwa sala ko. Ka kuvutu’â bâ bufwiri, bidilu na mpasi ko.’ (Tanga Nzabukusu 21:4.) Misamu misaka ti bantu balembo vutu bâ na tivuvu bwawu bu—ntiana bumputu, kondo kwa buderede, bimbevo na lufwa—ka mivutu’â kwa sâla ko. Bibila dikanisini ti bantu mbo babâ na lenda dia zinga mankululu ku Paradi ha mutoto.
3. Bwe lendi bêla na lukwikulu ti makani ma Bibila mbo malungana?
Bantu babingi bê na tivuvu ti misamu mia mbote mitûla ku matu, kâ ka balendi’â babâ na lukwikulu ko ti tivuvu tiawu mbo tilungana. Kâ makani ma Bibila ma swaswana mena. Tulendi kurisa lukwikulu lweto mu misamu mi tâka Bibila bu ‘[tutomo] taluzula matsonoko.’ (Bisalu 17:11, NWT) Bu takwe longoke Bibila, mbo kwizi bâ na lenda dia sola nge beni tala ti mbo kwikila mu misamu mi tâka Bibila mu bungu dia bilumbu bita kwiza.
YIKA NDILU
Tataluzula bima bi kanisinaka Bibila mu bungu dia bilumbu bita kwiza. Tala bwe tivuvu ti hanaka Bibila tita bakisila bantu mu ntangu yi.
4. Bibila tivuvu dihanaka tia luzingu lwa mankululu lwa lembo mpasi
Tala makani mata landa ma zonzelaka Bibila. Ngano die dita tomo ku tarila? Mu bungu dia ti?
Tangeno verse zi baheni penepene na makani mango, mpe taluzuleno biyuvu bita landa:
-
Ngano verse zo tivuvu zita hana? Ngano verse zo zilendi hana tivuvu kwe bantu ba kanda diaku na ndiku zaku?
Banza’eti, tala ti mu nza yi bâka
|
KA MWENA MUNTU KO . . . |
BANTU BABANSONI MBO . . . |
|---|---|
|
|
|
|
|
|
|
|
|
|
5. Makani ma Bibila malendi sobesa misamu
Bantu babingi bê na bunôkena peleko bê mu nkesi mu bungu dia misamu mi bamonaka mu tizunga tiawu. Bakaka yêla bayêlaka mu tomesa misamu. Tala bwe kani dia Bibila ditâka ti misamu mbo mitoma, dibakisilaka bantu bwawu bu. Taleno VIDEO, mpe zonzeleno biyuvu bita landa.
-
Mu video, ntia kondo kwa buderede bweri fwemesaka Rafika?
-
Ni bu sa ti kondo kwa buderede ku kamona ka kwawa ko, bwe Bibila diamubakisila?
Tivuvu titûkaka mu Bibila mu bungu dia bilumbu bita kwiza tilendi tu bakisa mu telamana bunôkena na misamu mieto. Tangeno Bingana 17:22 na Bisi-Rome 12:12, mpe zonzeleno biyuvu bita landa:
-
Ngano nsangu za Bibila zitariri tivuvu zilendi sobesa luzingu lwaku bwawu bu? Mu bungu dia nti?
TALA TI BAKUTÊLELE: “Makani ma Bibila mu bungu dia bilumbu bita kwiza bungungu kwa bwena.”
-
Mu bungu dia nti we mfunu mu taluzula mo nge beni?
MU BUKUFI
Bibila die na makani mamingi mu bungu dia bilumbu bia nsayi bita kwiza. Bibila tivuvu dituhanaka, mpe luzingu lweto ditomesaka bwawu bu.
Biyuvu bia mbambukulu
-
Mu bungu dia nti bantu bê na nsatu tivuvu?
-
Bibila bwe ditâka mu bungu dia bilumbu bita kwiza?
-
Bwe tivuvu mu bungu dia bilumbu bita kwiza tilendi ku bakisila bwawu bu?
ZABA BIAKAKA
Longoka bwe tivuvu tilendi ku bakisila mu ntangu ya mpasi.
“Tivuvu—Kwe lendi tia bakila?” (Réveillez-vous!, 22 avril 2004)
Dzukula bwe tivuvu mu bungu dia bilumbu bita kwiza tilendi bakisila bantu bê na timbevo tilembo wasaka.
“Timbevo tilembo wasaka—Ngano Bibila dilendi hana lubakusu?” (Mutu-diambu wa mu Internet)
Bu tala video yi ya mizike, timona nge na kanda diaku luta mona nsayi ya luzingu lwa ku Paradi yita kwiza, ya kanisina Bibila.
Dzukula bwe muntu weri nwaninaka nsatu za bantu wayizi sobela bu kalongoka tivuvu tia Bibila mu bungu dia bilumbu bita kwiza.
“Nabakula ti ka ndendi’â nasobesa nza ko” (Nzo ya Zangama ya Munkengi, 1er juillet 2013)
