TIMOKO 01

Ngano Bibila bwe dilendi ku bakisila?

WÂ MU

Beto bansoni biyuvu bibâka neto bitariri luzingu, mpasi, lufwa na bilumbu bita kwiza. Nsatu lubakusu mpe yibâka neto mu telamana misamu mia bilumbu biabiansoni ntiana: bwe tulendi sa mu baka mbongo za fwanana peleko bwe tulendi bêla na luzingu lwa mbote mu kanda. Bantu babingi bamonaka ti Bibila mbo dibabakisaka mu hanina mvutu mu biyuvu bia nguri mpe malongi ma mbote dibahanaka mu luzingu lwawu lwa bilumbu biabiansoni. Ngano Bibila dilendi bakisa bantu?

1. Ntia biyuvu biakaka Bibila dihaninaka mvutu?

Bibila mvutu dihanaka mu biyuvu ebi bia mfunu: Ngano kwe tatûka? Mu bungu dia nti twe ha mutoto? Mu bungu dia nti bantu ba mbote bamwinaka mpasi? Ngano muntu bu wufwaka bwe wubwanaka? Tala ti bantu babansoni tidzunu bazololo, mu bungu dia nti kwe mizingu? Ngano mutoto bwe wubwana mu bilumbu bita kwiza? Bibila mbo ditulombaka mu dinga mvutu za biyuvu bio, mpe bantu babingi bayizi bâka nsayi mu mvutu zango.

2. Bwe Bibila dilendi tu bakisila mu baka ndandu mu luzingu?

Bibila malongi ma mbote dituhanaka. Mu tifwani, makanda dilongesaka bwe malendi bêla mu nkatika nsayi. Malongi dihanaka matariri mpila ya telamana mfwemoso na mpila ya mwina nsayi mu tisalu tieto. Mbo longoka nti Bibila dilongesaka mu bungu dia misamu mio na miakaka, bu tukwe taluzuri mukanda wu. Lendi kwizi bâ na lukwikulu ti ‘miamiansoni miatsonoko [misamu mie mu Bibila] [. . .] salu miena.’—2 Timote 3:16.

Mukanda wu ka wuta yingasa Bibila ko. Kâ, tindisa wuta ku tindisa mu taluzula Bibila nge beni. Dieka bo, tukulombele watangaka verse zi baheni mu bimoko mpe wafwanakasaka zo na misamu mita longoka.

YIKA NDILU

Longoka bwe Bibila diabakisila bantu, bwe lendi bakila ndandu mu ntangulu ya Bibila, mpe mu bungu dia nti we musamu wa mbote mu baka lubakusu mu bakula dio.

3. Bibila dilendi tu twarisa

Bibila die ntiana mutsamina wa ngolo. Tulendi sarila Bibila mu zaba bwe tulendi bongela nzengolo za mbote mpe bwe dilendi tu bakisila mu zaba misamu mitûla mu bilumbu bita kwiza.

Tangeno Mikunga 119:105, mpe zonzeleno biyuvu ebi:

Bwe titsoniki tia mukunga wu tieri bongelaka Bibila?
Nge, bwe bongelaka Bibila?

4. Bibila dilendi hana mvutu mu biyuvu bieto

Mukento wumosi wayizi bakula ti Bibila mvutu dieri hanaka mu biyuvu bieri mu fwemesaka tûka mvula zazingi. Taleno VIDEO, mpe zonzeleno biyuvu bita landa.

VIDEO: Kani kabwe, kubikandi mu bâ na tivuvu! (1:48)

Mu video, ntia mpila biyuvu mukento wo kabâ na bio?
Bwe ndongokolo ya Bibila yamubakisila?

Bibila mbo ditulombaka mu yulaka biyuvu. Tangeno Matie 7:7, mpe zonzeleno tiyuvu tita landa:

Ngano ntia biyuvu bie naku bi lendi bakila mvutu mu Bibila?

5. Lendi baka ndandu mu ntangulu ya Bibila

Bantu babingi babakaka nsayi na ndandu mu ntangulu ya Bibila. Taleno VIDEO, mpe zonzeleno biyuvu bita landa.

VIDEO: Tanga Bibila (2:05)

Mu video yo, ngano bantwenia bwe babongelaka tifu tia tanga?
Ni bu sa ti ka bazolo’â tanga ko, mu bungu dia nti bazoloko mu tanga Bibila?

Bibila ditâka ti, dilendi tu hana ntumunu zitindisaka mpe zihana tivuvu. Tangeno Bisi-Rome 15:4, mpe zonzeleno tiyuvu eti:

Ngano zololo watomo zaba makani matindisaka mpe mahanaka tivuvu me mu Bibila?

6. Bantu bakaka balendi tu bakisa mu bakula Bibila

Bantu babingi beri tangaka Bibila bawu beni bayizi bakula ti, musamu wa mbote wena mu zonzelaka dio na bantu bakaka. Tangeno Bisalu 8:26-31, mpe zonzeleno tiyuvu eti:

Bwe tulendi sa mu bakula Bibila?—Tala verse 30 na 31.

Musi-Etiopi nsatu lubakusu yeri nandi mu bakula misamu mi keri tangaka. Bwawu bu, bantu babingi bamonaka ti musamu wa mbote wena mu zonzelaka Bibila na bantu bakaka

TALA TI BAKUTÊLELE: “Ndongokolo ya Bibila ntangu kwa yiyôkesaka.”