Bantu babingi babika mu kwenda ku nzo Nzàmbi mubungu ti kababakilaka ko lutwalusu lwa tsimpeve lwa mbote ko mpe kakwena muntu wubatindisa ko. Mboka mubungu diantsi fweni kwendaka ku tukutakanu twa Mbangi za Yehova e? Ngâno ntsia m’samu kwizi mona kuna e?

Nsayi yaba hakati dia bantu be na luzolo mpe lusalusu. Mu tsikeke tsia ntete, bakristo mu bimvuka bakubamana, mpe mbo beri kutakanaka mu sambila Nzàmbi, mu longoka Matsonoko, mpe mu kutsitsindisa. (Bahebre 10:24, 25) Mu tukutakanu twawu to, mbo beri monaka ti ha kati dia nkatika ndiku mpe dia mpangi za tsimpeve beri. (2 Bisi-Tesalonike 1:3; 3 Za 14) Beto mpe bo tulandaka tsifwani tia bawu, nsayi mpe ni yimoshi yibaneto ku tukutakanu tweto.

Mbo tulongokaka kabwe tulenda sarila mishiku mia Bibila. Ntsiana mu ntangu ya ntama, beto mpe hatshimoshi tukutakanaka bakento na babakala na bâla ba fieti. Milongi mizebilonga mbo misarilaka Bibila mu tubakisa mu zaba landa mishiku mia Bibila mu luzíngu lweto lwa kontso lumbu. (Lubambu 31:12; Nehemi 8:8) Beto bansoni tulenda zonza mu tsimoko na bantu bo batawa mpe tulenda tanga mikunga mu songela tsivuvu tsieto tsia bukristo.​—Bahebre 10:23.

Tukutakanu twango tsiminu tsieto tutsindisaka. Ntumwa Paulo wata kwe mpangi za tsimvuka tsimoshi tsia ntangu ya bawu ti: “Wenani tamonana, . . . ngati tatsindasana–tsiminu tsia beno tsiakuntsindisa, tsia meno mpe tsialutsindisa.” (Bisi-Rome 1:11, 12) Mbo tuvulu monanaka na mpangi zeto za tsimpeve ku tukutakanu tweto, tsiminu tsieto mbo tsishamaka mpe mbo tubakaka ngolo za tatamana mu ba na ndiatulu za bukristo.

WMbo gâ tamburi mu kwiza ku lukutakanu lwa tsinvuka tsieto mbala yitakwiza, ngati ngebeni wa mona m’samu miango mu meso maku’e? Mbo bakubwana na nsayi yantso. Kabalombaka mbongo ko mu kwiza ku tukutakanu tweto kwena nsinsani ko.

• Tsifwani tsia banani tukutakanu tweto tulandaka e?

• Ngâno ntsia mambote tulendabaka mu kwendaka ku tukutakanu tweto e?