Ооба, Жахабанын Күбөлөрүнүн бардыгы, анын ичинде миллиондоп саналган аялдар да башкаларды Ыйык Китепте жазылгандарга окутуп, Кудайга кызмат кылышат. Бул тууралуу Ыйык Китепте: «Жакшы кабар айткан аялдар чоң кошуунду түзөт»,— деп алдын ала айтылган (Забур 68:11).

 Жахаба Кудайга кызмат кылган аялдар Ыйык Китепте жазылган жакшы аялдын үлгүсүнө карманышат (Накыл сөздөр 31:10—31). Жахабанын Күбөлөрүнүн жыйналышында аялдар жыйналышты жетектеп, башкарууга эч качан умтулушпайт. Бирок башкаларга Кудайдын Сөзүндө жазылгандарды айтып берип, аларды окута алышат. Андан сырткары, балдарын да Ыйык Китептеги принциптерге окутуп-үйрөтүшөт (Накыл сөздөр 1:8). Алар сүйлөгөн сөзү менен да, иши менен да башкаларга үлгү болууга аракет кылышат (Тит 2:3—5).