Kuna kwa Esi Roma 1:1-32
1 Paulu, wa ntaudi a Kristu Yesu, wasolwa se ntumwa yo vaulwa kimana kasamuna e nsangu zambote za Nzambi,+
2 zina kateka sila o nsilu muna ngunza zandi muna Sono yavauka,
3 mu kuma kia Mwan’andi, ona wawutukila muna mbongo a Davidi,+ mun’owu wa nitu.
4 Kansi muna nkum’a mwand’avelela wayikilwa se Mwan’a Nzambi+ vava kafulwa muna mafwa.+ Mwana ndioyo i Yesu Kristu wa Mfumu eto.
5 Muna yandi twatambulwila e nsambu ye kintumwa+ kimana wantu a zula yawonso basonga o lemvo muna lukwikilu+ muna diambu dia nkumbu andi.
6 Muna zula yayi oyeno mpe i nuabokelelwa kimana nuakala alandi a Yesu Kristu—
7 kuna kwa yeno awonso nuina mu Roma, nuazolakana kwa Nzambi, nuabokelwa mu kala avauki:
Yambula e nsambu ye luvuvamu lutuka kwa Nzambi wa Se dieto yo Mfumu eto Yesu Kristu lwakala yeno.
8 Edi diantete, ntondele Nzambi ame muna Yesu Kristu mu diambu dia yeno awonso, e kuma kadi, o lukwikilu lweno luvovelwanga omu nza yawonso.
9 Kadi Nzambi ona isadilanga e salu kiavauka yo ntima wawonso, muna samuna e nsangu zambote mu kuma kia Mwan’andi, yandi i mbangi ame vava ikunuyikanga muna sambu yame ntangwa zawonso,+
10 idodokelanga kimana yavua e lau dia kwiza kunukingula owau muna luzolo lwa Nzambi.
11 Kadi tima dia kunumona ngina diau, yanuvana lukau lwa kimwanda kimana nuasikila;
12 yovo twakasakesa muntu yo nkwandi,+ konso muntu muna lukwikilu lwa nkwandi, o lweno yo lwame.
13 Ampangi, kizolele ko vo nualembi wo zaya vo nkumbu miayingi yakana kwiza kwa yeno—kansi yamu wau yakinu kakidilwa—kimana e salu kiame kiatwasa e nluta vovo nuina nze muna zula yankaka.
14 Mfuka ngina yau kwa Mingerekia ye anzenza,* kwa akwa ngangu ye kwa awana balembi longwa;
15 dianu vo ngina ye tima dia kunusamunuina e nsangu zambote oyeno mpe koko Roma.+
16 Kimwenanga nsangu zambote nsoni ko;+ kadi i nkum’a Nzambi mu vuluza awonso bena yo lukwikilu,+ entete Nyuda,+ i bosi Mungerekia.+
17 Kadi muna nsangu zambote i musengomwenuanga unsongi wa Nzambi muna lukwikilu ye mu kuma kia lukwikilu,+ wauna wasonama vo: “Vo i nsongi, muna lukwikilu i kekadila o moyo.”+
18 Kadi makasi ma Nzambi+ mesengomonuanga tuka kuna zulu mu kuma kia awonso ke bevuminanga Nzambi ko yo vilwa wa wantu ukakidilanga e ludi+ kuna vilwa wawonso,
19 kadi mana balenda zaya mu kuma kia Nzambi matomene moneka vana bena, kadi Nzambi ubamwesese mo.+
20 Kadi e fu yandi ilembi monekanga itomene moneka tuka kiasemenua e nza, kadi imonekanga muna lekwa kavanga,+ musungula nkum’andi a mvu ya mvu+ yo Unzambi wandi,+ ke bena nkutu ye mpila bakatikisila yo ko.
21 Kana una vo bazeye Nzambi, ke bekunkembelelanga nze Nzambi ko ngatu kuntonda, e ngindu zau zampavala, e ntima miau mia uzowa mibukamen’e tombe.+
22 Kana una vo bekukiyikilanga akwa ngangu, bakitukidi se mazowa,
23 bayambwidi kembelela Nzambi ozinganga yakwele mvu,* bakembelele teke kia muntu ofwanga, nuni, bulu ya malu mayá ye ina yiyatatanga.+
24 Muna kuma kiaki, Nzambi ubayekwele muna usafu, mun’owu wa zolela ya ntima miau, kimana e nitu zau zasafulwa muna yau kibeni.
25 Basobanese ludi kia Nzambi yo luvunu, basambidi yo sadila salu kiavauka kwa vangwa ke mu Mvangi ko, ona okembelwanga yakwele mvu. Amen.
26 I kuma Nzambi kabayambulwidi muna zinu diau diasaka dia vukana,+ kadi akento au basobanese e mvukana zansongi muna zina za usafu;+
27 akala mpe diau dimosi, bayambwidi mpila ina bavangilwa yavukana ye akento yo zinina e mioyo muna maketo mau ma usafu, akala ye akala,+ bevanganga mambu mansoni yo tambula e tumbu mun’owu wa bi wau.+
28 Wau vo ke bazolele zaya Nzambi ko,* o Nzambi ubayekwele muna ngindu zambi, bavanga mambu malembi songa.+
29 Bazele yo vilwa wawonso,+ umpumbulu, loko,+ mbi, bazele ye kimpala,+ vonda wantu,+ unzonzi, luvunu,+ nsoki,+ yidima,
30 akumbi,+ amengi a Nzambi, akwa lutiangu, akwa lulendo, akwa lusanu, asoki a mambu mambi, akolami a mase,+
31 minkondwa umbakuzi,+ mindembi lungisa nsilu, minkondwa nzolani a ungudi ye minkondwa nkenda.
32 Kana una vo batomene zaya e nzengo zansongi za Nzambi—vo awana bevanganga mambu mama lufwa lubafwanukini+—ke bevanganga mo kaka ko, kansi beyangalelanga mpe awana bevanganga mo.
Mvovo vana yand'a lukaya
^ Yovo “ana bena vo ke Mingerekia ko.”
^ Yovo “olembi fwanga.”
^ Yovo “Wau babembwele o zayi wasikila wa Nzambi.”