Wantete wa Paulu Kuna kwa Esi Korinto 2:1-16
2 Dianu vo ampangi, omono vava yayiza kwa yeno, kiasadila mvovo miasivikisa ko+ ngatu ngangu zame wau yanusamunuina e mbumb’avauka+ ya Nzambi.
2 Kadi yabaka e nzengo zalembi zaya diambu diankaka vovo nuina, Yesu Kristu kaka, yandi wavondelwa vana nti.+
3 Mono yayiza kwa yeno muna lutovoko, muna wonga ye muna zakamu diayingi;
4 e mpov’ame ye mana yalonga ke mu mvovo mia ngangu za kunuleba ko, kansi muna mwanda kaka yo nkuma,+
5 kimana o lukwikilu lweno lwalembi kala muna ngangu za wantu, kansi muna nkum’a Nzambi.
6 Owau tuvovele e ngangu vana vena awana bazikuka,+ ke ngangu za tandu* kiaki ko ngatu ngangu za ayadi a tandu kiaki, ana befwaswa.+
7 Kansi tuvovelanga e ngangu za Nzambi muna mbumb’avauka,+ ngangu zaswekama, zina kateka kana o Nzambi mu kuma kia nkembo eto, una ke kiakedi tandu* ko.
8 E ngangu zazi, kavena nyadi a tandu* kiaki ko ozeye zo, kadi kele vo bazaya zo,+ nga ke bavonda Mfumu a nkembo ko.*
9 Kansi wauna wasonama vo: “E disu ke dimwene ko, o kutu ke kuwidi ko, ngatu kota muna ntim’a muntu o mambu mana Nzambi kakubikila awana bekunzolanga.”+
10 Kadi Nzambi kwa yeto kasengomona mo+ muna mwand’andi,+ kadi o mwanda ufimpanga mambu mawonso, kana nkutu mambu masina ma Nzambi.+
11 Nani vana vena wantu ozeye mambu ma muntu avo ke mwanda* una muna yandi kibeni ko e? Diau dimosi mpe, ke mosi ko ozeye mambu ma Nzambi, kansi mwand’a Nzambi kaka.
12 Oyeto ke twatambula mwand’a nza ko, kansi mwand’a Nzambi kaka,+ kimana twazaya mana twavewa kwa Nzambi kuna mvevo.
13 Mambu mama mpe tuvovanga, ke muna mambu twalongwa muna ngangu za wantu ko,+ kansi mu mambu twalongwa kwa mwanda,+ wau tusasilanga mambu ma mwanda muna mvovo mia mwanda.
14 Kansi, o nkwa kinitu ke tambulwilanga mambu ma mwand’a Nzambi ko, kadi ma uzowa kuna kwa yandi; kalendi mo zaya ko, e kuma kadi muna mwanda mefimpilwanga.
15 Kansi, o nkwa kimwanda ofimpanga mawonso,+ kansi yandi kibeni ke fimpwanga kwa muntu ko.
16 “Nani ozeye nyindu a Yave,* kimana kanlonga?”+ Kansi yeto tuna yo nyindu a Kristu.+
Mvovo vana yand'a lukaya
^ Tala Nsas’a Mvovo.
^ Tala Nsas’a Mvovo.
^ Yovo “ke bavondela Mfumu a nkembo ko vana nti.”
^ Tala Nsas’a Mvovo.
^ Yovo “ntima.”
