Wantete wa Paulu Kuna kwa Esi Korinto 16:1-24
16 Vo i diambu dia nkubidi-nkubidi mu kuma kia avauki,+ nulanda luludiku yavana muna nkutakani za Ngalatia.
2 Muna lumbu kiantete kia konso lumingu, konso muntu kafwete lunda lekwa mun’owu wa mbakilu zandi, kimana valembi kala nkubidi-nkubidi vava ikwiza.
3 Kansi, vava ilwaka, konso ana nutonda muna nkanda,+ i yau ituma banata lukau lweno lwa mvevo kuna Yerusaleme.
4 Avo diansongi vo omono mpe ngienda, bekwenda yame.
5 Kansi, se ngiza kwa yeno vava iviokela muna Makedonia, kadi muna Makedonia iviokela;+
6 nanga se yakala yeno yovo koko iviokesela nsungi a kiozi, kimana nuenda kunsindika konso kuna ikwenda.
7 Kadi kizolele monana yeno kaka ko vava ivioka, nzolele vo yakala yeno mu fikolo,+ avo i luzolo lwa Yave.*
8 Kansi, yakinu kwaku Efeso+ yamuna Nkinzi a Pentekoste,
9 kadi mwelo ampwena a salu unziukidi,+ kansi atantu mpe ayingi.
10 Avo Timoteo+ olweke, nutoma tala kalembi kala ye wonga vovo nuina, kadi salu kia Yave*+ kesalanga, nze i mono.
11 Dianu vo, ke vakadi muntu ko okumveza. Nunsindikila kuna luvuvamu, kimana keza kwa mono, kadi yandi ivingilanga kumosi ye ampangi.
12 Vo i Apolo+ wa mpangi eto, indodokele vo keza kwa yeno kumosi ye ampangi, kana una vo kena ye kani dia kwiza owau ko, kansi okwiza vava kekala ye ntangwa.
13 Nuyingila,+ nusikila muna lukwikilu,+ nukala yo unkabu,*+ nukumama.+
14 Yambula mambu meno mawonso mavangamena muna zola.+
15 Inudodokele ampangi: Nuzeye wo vo esi nzo a Setefana i alongoki antete muna Akaya, bayivana e mvimba muna sadila avauki.
16 Nusakalela mpe wantu a mpila yayi ye awonso beyikamanga e salu yo funtuka.+
17 Ngiangalele muna ngiz’a Setefana,+ Fotunato yo Akayiko, kadi bansadisi kikilu wau ke nuna yame ko.
18 Bavuvikidi o ntima* ame ye mieno mpe. Dianu vo, nusungamenanga wantu a mpila yayi.
19 E nkutakani za Asia zinutumini mavimpi. Akila yo Pereseka banutumini mavimpi muna Mfumu ye nkutakani ina muna nzo au.+
20 Mpangi zawonso banutumini mavimpi. Nukayisa muntu yo nkwandi ye mfiba avelela.
21 I mavimpi mame mama, muna koko kwame, mono Paulu.
22 Avo muntu kena yo zola ko muna Mfumu, yambula kakala muntu asibwa. E Mfumu eto, wiza!
23 E nsambu za Mfumu Yesu zakala yeno.
24 O zola kwame kwakala yo yeno awonso muna Kristu Yesu.
