Ntangu Yesu vuandaka na ntoto, yandi monisaka nzola ya nene yina yandi vuandaka na yau samu na bantu, tii na kupesa luzingu na yandi samu na bau. (Matai 20:28; Yoane 15:13) Ntama mingi ve, yandi kemonisa diaka ti yandi kezolaka bantu na kusadilaka kimfumu na yandi lokola Ntinu ya Kimfumu ya Nzambi samu na “kumanisa bamvita na ntoto ya mvimba.”​—Nzembo 46:9.

 Tala mutindu Biblia kena kumonisa mambu yina Yesu kesala:

•   “Yandi kevukisa mputu yina kena kudila samu na kulomba lusadusu. Yandi kemonina muntu yina mekondua mfunu mpe mputu kiadi, mpe yandi kevukisa luzingu ya bamputu. Yandi kevukisa bau na bampasi mpe na kinkesi.”​—Nzembo 72:12-14.

 Yinki mutindu beto lenda monisa butondi na mambu nionso yina Yesu salaka mpe yina yandi kesala ntama mingi ve samu na beto? Na Luka 22:19, Yesu tubilaka banlonguki na yandi babambukilaka lufua na yandi. Yau yina konso mvula, na dati yina yandi kufuaka, Bambangi ya Yehova kesanganaka kintuadi. Beto mebokidisa nge nge kuiza sangana na beto na Mbambukulu ya lufua ya Yesu na kilumbu ya dimanche 24 mars 2024.

Sosa kisika Mbambukulu kesalamina