ဖဲယ့ၣ်ၡူး အိၣ်လၢဟီၣ်ခိၣ်ချၢအခါ အပာ်ဖျါထီၣ်လၢ အအဲၣ်ပှၤဟီၣ်ခိၣ်ဖိ တုၤဒၣ်လဲာ် အဟ့ၣ်လီၤ အသးသမူလၢ အဝဲသ့ၣ်အဂီၢ်. (မးသဲ ၂၀:၂၈; ယိၤဟၣ် ၁၅:၁၃) တယံာ်လၢၤဘၣ်န့ၣ် ယ့ၣ်ၡူးကပာ်ဖျါထီၣ်ကဒီး လၢအအဲၣ် ပှၤဟီၣ်ခိၣ်ဖိ. အဝဲကဲထီၣ် ယွၤအဘီအမုၢ် အစီၤပၤ ဒီးအအိၣ်ဒီး တၢ်န့ၢ်စိန့ၢ်ကမီၤလံအဃိ အဝဲကသူဝဲ အတၢ်န့ၢ်စိန့ၢ်ကမီၤအံၤ ဒီးက “မၤကတၢၢ်ကွံာ် တၢ်ဒုးတၢ်ယၤလၢ ဟီၣ်ခိၣ်ချၢလီၤ.”—စံးထီၣ်ပတြၢၤ ၄၆:၉.

 ပကကွၢ်သကိး လံာ်စီဆှံ ပာ်ဖျါထီၣ်ဝဲ တၢ်လၢယ့ၣ်ၡူး ကမၤဝဲတဖၣ်–

•   “ပှၤဖှီၣ်ဖိယာ်ဖိလၢ အကိးပသူထီၣ်လၢ တၢ်မၤစၢၤအဂီၢ်, ပှၤလၢအပတီၢ်ဖုၣ် ဒီးပှၤလၢ ပှၤမၤစၢၤအီၤ တအိၣ်နီတဂၤဘၣ်န့ၣ် အဝဲကမၤပူၤဖျဲးဝဲလီၤ. အဝဲကသးကညီၤ ပှၤလၢအပတီၢ်ဖုၣ် ဒီးပှၤဖှီၣ်ဖိယာ်ဖိ ဒီးအဝဲ ကမၤပူၤဖျဲး ပှၤဖှီၣ်ဖိယာ်ဖိ အသးသမူလီၤ. အဝဲကမၤပူၤဖျဲး အဝဲသ့ၣ်လၢ တၢ်ဆီၣ်တံၢ်မၤနၢၤ ဒီးတၢ်မၤဆူၣ်မၤစိး.”—စံးထီၣ်ပတြၢၤ ၇၂:၁၂-၁၄.

 ဘၣ်ဃးဒီး တၢ်လၢယ့ၣ်ၡူးမၤန့ၢ်ပှၤတဖၣ် ဒီးကမၤန့ၢ်ပှၤတဖၣ်န့ၣ် ပပာ်ဖျါထီၣ် တၢ်စံးဘျုးစံးဖှိၣ် ကသ့ဒ်လဲၣ်. ဖဲ လူၤကၣ် ၂၂:၁၉ န့ၣ်ယ့ၣ်ၡူး မၢအပျဲၢ်အဘီၣ်တဖၣ် မၤတၢ်သ့ၣ်နီၣ်ထီၣ်က့ၤ အတၢ်သံ. အဃိ တနံၣ်ဘၣ်တနံၣ် ဖဲယ့ၣ်ၡူးသံအနံၤန့ၣ် ယဟိဝၤပှၤအုၣ်အသးတဖၣ် ပာ်ဖှိၣ်ထီၣ်အသးလၢ ကမၤဝဲဒ်န့ၣ်အဂီၢ်. ပကွဲမုာ်ဘၣ်နၤလၢ နကဟဲထီၣ် ယ့ၣ်ၡူးအတၢ်သံ အတၢ်သ့ၣ်နီၣ်ထီၣ်က့ၤအမူး ဖဲ အိၣ်ဘှံးနံၤ, လါမၢ်ၡး ၂၄, ၂၀၂၄.

ဃုကွၢ် တၢ်သ့ၣ်နီၣ်ထီၣ်က့ၤအမူး