“Mawej udy mwiiwul wiiyiiy kuhatul bukaleng bukwaabw bukiish mwa kubutuk ning bicy.”​—Danyel 2:44, Mukand a Mawej.

“Babiitwaakish mwaan mwaan-mulum; Mawej ubaamwaakish bukaleng.”​—Yeshaay 9:6.

• Myand eey yileeleej ney mbul-matady mulengel udyok ni udy mwa kukukwanjok.​—Yeshaay 48:17, 18.

• Mu bulab buhyaabuhy, wiiyiiy kwiikal ni musangal ni bukash bwa nyeet bwiibwiin bweeh.​—Myand Yisokolweel 21:3, 4.

Ing, bwa myand yivul, kady tuteeteelok teng yibidy bituh:

• Yeez uleejel myand yiiyiiy Bukaleng bwa Mawej kulong. Yeez ulongweeshel biiyij bindiy bwa kulomb bwa neey Bukaleng bwa Mawej bwiiy, ni bwa neey bidy Mawej mukat biibilong ha bulab. (Matewus 6:9, 10) Yeez ulongel myand yaakady yileej mushind wiiyiiy Mawej kwaalabul ku diin diisambil eedy.

  Haakady Yeez ha bulab, udiishil baakady ni nzal, ubukeel biin mabeej, wubuushil ni bafw. (Matewus 15:29-38; Jah 11:38-44) Bu mwaakady Yeez mumanyik neey i yiy wiiyiiy kwiikal Fumw a Bukaleng bwa Mawej, uleejel bikeeh bituh myand yilengel yiiyiiy Bukaleng bwa Mawej kulongel baat.​—Myand Yisokolweel 11:15.

• Myand yiloolongek leeloow yileeleej ney Bukaleng bwa Mawej bukaady habwiih. Yeez uleebel neey, kuuhal kwa Bukaleng bwa Mawej kushikacish baat talal ha bulab, diivit, biyool bya nzal, ni kuzakal kwa bulab, biiyiiy kuvulangan ha bulab.​—Matewus 24:3, 7.

  Myand eey es i yiy yitutaatal leeloow. Nook, tudy ni bwa kwiikal bajaadik neey Bukaleng bwa Mawej bukaady a kuman makeng miitut moos.