Әз Дькарьм жь Кʹьтеба Пироз Бәрдьлийе Бьстиньм?
Щаба Кʹьтеба Пироз
Бәле (Рʹомайи 15:4). Ԝәрә әм һьнә рʹезед жь Кʹьтеба Пироз шеԝьр кьн, йед кӧ дәрәщед чәтьнда бәрдьли данә мәрьвед дьлтәнг.
Ве готареда
Кӧл-дәрд
Зәбур 23:4: «Һәгәр әз гәлийе сийа мьрьнеда бьм, жь хьрабийе әзе тʹӧ щар нәтьрсьм, чьмки Тӧ йи ԝьр тʹәви мьн».
Чь те һʹәсабе: Һәрге тӧ Хԝәдерʹа дӧа дьки у рʹебәрийе жь Хәбәра ԝи дьгәрʹи, тӧйе бь мерхаси проблема алт ки.
Филипи 4:13: «Әз һәр тьшти бь сайа ԝи дькарьм, йе кӧ ԛәԝате дьдә мьн».
Чь те һʹәсабе: Хԝәде дькарә ԛәԝате бьдә тә, кӧ бәр һʹәму чәтьнайа тәйах ки.
Мьрьна мәрьве незик
Ԝаиз 9:10, (ИМ): «Ль дийаре мьрийа йе кӧ тӧ дьчи кʹар у шеԝьр, занәбун у шәһрәзайи тʹӧнәйә».
Чь те һʹәсабе: Әԝед кӧ мьрьнә начәрчьрьн, нә жи дькарьн зийане бьдьнә мә. Әԝана тʹӧ тьшти тʹәхмин накьн.
Кʹаред Шандийа 24:15: «Һʹәму . . . жь мьрьне рʹабьн».
Чь те һʹәсабе: Хԝәде дькарә мәрьвед мәйи һʹьзкьри пашда вәгәрʹинә жийине.
Хԝәнәһәԛкьрьн
Зәбур 86:5: «Чьмки Тӧ Хӧдано a, ԛәнщ у афу кьр и, һьндава һʹәмуйада хԝәйе һʹӧба мәзьн и, кʹижан кӧ гази Тә дькьн».
Чь те һʹәсабе: Хԝәде дьбахшинә ԝан мәрийа, йед кӧ бь дьл гӧнед хԝә тʹобә дькьн у сәр хԝә дьхәбьтьн, сәва ԝан шашийа ида нәкьн.
Зәбур 103:12: «Чьԛас рʹоһьлат жь рʹоавайе дуртьр ә, һаԛаси жи гӧнәйед мә жь мә дур хьсти нә».
Чь те һʹәсабе: Чахе Хԝәде дьбахшинә, әԝ ча бежи гӧнед мә давежә пьшт хԝә, кӧ ԝана нәвинә. Әԝ һәр щар гӧнед мә надә рʹуйе мә, кӧ мә рʹәзил кә йан жи щәза кә.
Хәмгини
Зәбур 31:7: «Сәр мәʹрьмийа мьнда Тә ньһерʹи у тәʹли-тәнгийа мьн пе һʹәсийайи».
Чь те һʹәсабе: Хԝәде һаш жь һʹәму тәʹли-тәнгийед мә һәйә. Хԝәде жь һʹәмушка баштьр һʹале мә фәʹм дькә.
Зәбур 34:18: «Хӧдан незики дьлшкәстийа йә у мәʹрьм-бәләнгаза дьдәбьринә».
Чь те һʹәсабе: Хԝәде соз дьдә, кӧ ԝе тә бьшьдинә гава тӧ хәмгин би. Әԝ дькарә ԛәԝате бьдә тә, кӧ еша дьле тә сьвьк бә.
Нәхԝәши
Зәбур 41:3: «Хӧдане нәхԝәшийеда щи-ньвина ԝи бе рʹәʹме».
Чь те һʹәсабе: Хԝәде дькарә али тә бькә у әʹдьлайа дьл бьдә тә, һәрге тӧ гьран нәхԝәш и. Әԝ ӧса жи дькарә ԛәԝате, тәйах у биланийе бьдә тә, сәва кӧ сафикьрьнед бь аԛьлайи бьки.
Ишайа 33:24, (ИМ): «Ԝе тʹӧ рʹуньштийе ль ԝьр нәбежә: ‹Әз нәхԝәш ьм›».
Чь те һʹәсабе: Хԝәде соз дьдә, ԝәки ԝәʹдәки ӧса ԝе бе, кӧ һʹәму мәрьв ԝе сьһʹәт-ԛәԝат бьн.
Стрес у дьлтәнги
Зәбур 94:19: «Дәма дәрд-кӧл дьле мьнда зедә дьбьн, барьстанийед Тә нәфса мьн ша дькьн».
Чь те һʹәсабе: Һәрге әм стреседа бьн йан жи дьлтәнг бьн, гава әм Хԝәдерʹа дӧа бькьн, Хԝәде ԝе али мә бькә кӧ рʹьһʹәтийа дьл хԝәй кьн у зәʹф хәмгин нәбьн.
1 Пәтрус 5:7: «Һʹәму хәмед хԝә бавежьнә сәр ԝи, чьмки әԝ бона ԝә хәм дькә».
Чь те һʹәсабе: Хԝәде чәтьнайед мәда бона мә хәм дькә у әԝ дьхԝазә, ԝәки әм дәрде дьле хԝә ԝирʹа гьли кьн.
Шәрʹ-дәʹԝ
Зәбур 46:9: «Шәрʹа дьдә сәкьнандьне, һәр чар ԛӧлбед дьнйайе».
Чь те һʹәсабе: Зутьрәке Пʹадшатийа Хԝәде ԝе һʹәму шәрʹ-дәʹԝа бьдә һьлдане.
Зәбур 37:11, 29: «Мьлуке әʹрде ԝар бьн, хер-хԝәшийева ԝе хьне бьн у ша бьн. . . . Рʹасте ль әʹрде ԝар бьн у һәр-һәйе ԝе сәр бьжин».
Чь те һʹәсабе: Мәрьвед баш ԝе һʹәта-һʹәтайе сәр әʹрде бьжин у бәхтәԝар бьн.
Тьрс бона ахьрийе
Йерәмйа 29:11, (ДТʹ): «‹Әз рʹьнд заньм әԝ, чь кӧ мьн сәва ԝә ԛьрар кьрийә› Йаһоԝа дьбежә. ‹Мьн әʹдьлайи сәва ԝә ԛьрар кьрийә, нә кӧ хәзәба, сәва кӧ һевийе у ахьрийа баш бьдьмә ԝә›».
Чь те һʹәсабе: Хԝәде щьмәʹта хԝә дьдә баԝәркьрьне, кӧ ахьрийа баш һивийа ԝан ә.
Әʹйанти 21:4: «Әԝе жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун».
Чь те һʹәсабе: Хԝәде соз дьдә, кӧ ԝе һʹәму тьштед хьраб кʹӧта кә, кʹижан кӧ иро дьԛәԝьмьн у жь бо кʹижана әм дьчәрчьрьн.
a Йаһоԝа, әв һәйә наве Хԝәде, йе кӧ Кʹьтеба Пирозда нә (Зәбур 83:18). Бьньһерʹә готар «Йаһоԝа Кʹи йә?»
Дьбәкә Wәрʹа Һʹәwас бә
БЬРЩА QӘРӘWЬЛИЙЕ
Ча Хwәде Бона Тә Хәм Дькә
Ньвисаред Пироз али мә дькьн баwәрийа хwә һьндава созед Хwәде биньн, чь кö ахьрийа башва гьредайи йә.
ПЬРСЕД К′ЬТЕБА ПИРОЗВА ГЬРЕДАЙИ
Кʹидәре Әз Дькарьм Һевийе Бьстиньм?
Канийа бь итʹбар дькарә ньһада жийина тә баш кә у һевийе бьдә тә.
ТʹЕМЕД ДЬН
Бәрдьли бона Кәсед кӧ Шине Дькьн
Чахе кәсед мәйи һʹьзкьри дьмьрә, әм дькарьн бьфькьрьн, ԝәки тʹӧ кәс еша дьле мә фәʹм накә. Ле Хԝәде фәʹм дькә у әԝ дькарә али мә бькә.
ҺИНКЬРЬНЕД КʹЬТЕБА ПИРОЗӘ СӘРӘКӘ
Чьма Хԝәде Дьһелә Ԝәки Әм Бьчәрчьрьн?
Кʹьтеба Пироз щаба бәрдьли дьдә сәр ве пьрсе.
ҺИНКЬРЬНЕД КʹЬТЕБА ПИРОЗ
Дәстпекьн Курса Һинкьрьне
Дәрбаз бә курса һинкьрьна Кʹьтеба Пирозә бепʹәрә тʹәви кәсе кӧ дькарә али тә бькә.