Секретаре Сәрәкә йе Мьләтед Йәкбуйи Антонйо Гӧтеррес дәрһәԛа һʹьщумкьрьна Иране сәр Исраеле Шәмийе, 13 Нисане, сала 2024 ӧса гот: «Ньһа әԝ ԝәʹдә йә, ԝәки әв дәрәщә дьһа бехоф бә. Ньһа ԝәʹдә йә хԝәгьртьне бьдьнә кʹьфше».

 Әԝа тʹәне мәсәләкә ве йәке йә, кӧ нав тʹәмамийа дьнйайеда чь дьԛәԝьмә.

 «Ньһа, нав тʹәмамийа дьнйайеда дьһа зедә шәрʹ һәнә, нә кӧ ԝәʹде Шәрʹе Һʹәмдьнйайейә Дӧда. У рʹожа иро жь бо ве йәкә 2 милйард мәрьв, демәк һәр мәрьве чара зьраре дьстинә»—Щьвака Бехофийе йа Тʹәшкиләта Мьләтед Йәкбуйи, 26 Чьләйе, сала 2023.

 Територийед кʹидәреда кӧ шәрʹ дьчә, әԝ һәнә Исраел, Газа, Сурйа, Азәрбайщан, Украина, Судан, Әтйопйа, Нижәр, Мйанмар у Һаит. a

 Гәло шәрʹ ԝе хьлаз бьн? Гәло сәрԝеред дьнйайе дькарьн әʹдьлайе пешда биньн? Кʹьтеба Пироз чь дьбежә?

 Ԛәԝьмандьнед кӧ иро дьнйайеда дьԛәԝьмьн дьдьнә кʹьфше, кӧ зутьрәке ԝе һʹәму шәрʹ тʹӧнә бьн. Әԝ шәрʹ пʹехәмбәртийа жь Кʹьтеба Пироз тиньн сәри дәрһәԛа ԝи ԝәʹдәйи кӧ әм дьжин. Кʹьтеба Пироз сәр ԝи ԝәʹдәйи дьбежә «рʹожед хьлазийейә ве дьнйайе» (Мәтта 24:3).

•   «Һуне дәрһәԛа шәрʹед щурʹә-щурʹә щийада бьбьһен. . . . Мьләте һьмбәри мьләт у пʹадшати һьмбәри пʹадшатийе рʹабә» (Мәтта 24:6, 7).

 Бьхуньн готар бь наве «Гәло Чь йә ‹Нишана Рʹожед Ахьрийе›?» ԝәки пебьһʹәсьн кӧ ча шәрʹед рʹожа иройин, пʹехәмбәртийа жь Кʹьтеба Пироз тинә сәри.

 Кʹьтеба Пироз пʹехәмбәрти дькә дәрһәԛа кʹӧтакьрьна шәрʹед кӧ жь бо мәрьва пешда тен. Чаԝа әв йәк ԝе бьԛәԝьмә? Нә бь ԛәԝата мәрьва, ле бь сайа шәрʹе Һармәгәдон «шәрʹе Рʹожа Мәзьнә Хԝәдейе Һʹәму Зорайийе» (Әʹйанти 16:14, 16). Әԝ шәрʹ ԝе рʹе вәкә бона Хԝәде, ԝәки әԝ ԛьрара хԝә бона инсанәте бинә сәри, кӧ әԝана жь әʹдьлайа һәрһәйи шабуне бьстиньн (Зәбур 37:10, 11, 29).

 Сәва кӧ һе зедә пебьһʹәсьн дәрһәԛа шәрʹе Хԝәде кӧ ԝе һʹәму шәрʹа кʹӧта кә, бьхуньн готара бь наве «Һармәгәдон Чь йә?»