ЛЬ ГОРА Ԛануна Муса, һәбун дәрәщә чахе сондхԝарьн лайиԛ бу. Ле ԝәʹде Исада, Щьһу һини сонда бьбун у дькарьн бежьн кӧ ԝана һәр гьлийед хԝә пе сондхԝарьне избат дькьрьн. Ԝана йанчь дьхԝәст ԝәки гьлийед ԝан баԝәр кьн, ле Иса дӧ щара әв кьре ԝан сущдар кьр. Иса гот: «Бьра готьна ԝә бьбә ‹бәле-бәле›, йан жи ‹на-на›» (Мәт. 5:33-37; 23:16-22).

Фәрһәнгәк шьровәдькә ԝәки жь Талмуде әшкәрә те кʹьфше кӧ Щьһу һини сондхԝарьне бьбун. Ԝана сәр һʹәму готьнед хԝә сонд дьхԝарьн сәва рʹастийа хԝә избат кьн. Талмудеда һур бь һур те готьне кӧ кʹижан сонд гәләк фәрз бун, у кʹижан на (Thеological Dictionary of thе Nеԝ Tеstamеnt).

Ле Иса тʹәне нибу кӧ Щьһу сущдар дькьрьн бона ви хәйсәте нәбаш. Мәсәлә, тʹәрихзан Усьве Флавиус дәрһәԛа сектәкә Щьһуйа ньвиси, кӧ ԝана сонд нәдьхԝарьн, чьмки һʹәсаб дькьрьн кӧ сондхԝарьн жь дәрәԝийе хьрабтьр ә. Ԝана дьгот кӧ һәрге кәсәк сонд дьхԝә тʹәне сәва кӧ гьлийед ԝи баԝәр кьн, әԝ мәрьвәки дәрәԝин дәрте. Кʹьтебәкә Щьһуда кӧ те навкьрьне «Биланийа Сирах», дьбежә: «Мәрьве кӧ тʹьме сонд дьхԝә, мәрьвәки беԛанун ә». Иса ԝан мәрьва кӧ бона тьштед бьчʹук сонд дьхԝарьн, сущдар кьр. Һәрге әм һʹәлал ьн у тʹьме рʹастийе дьбежьн, мәрʹа ԝе нәлазьм бә сонд бьхԝьн сәва гьлийед мә баԝәр кьн.