КʹЬТЕБА Мәттада әм дьхуньн: «Иса кʹәтә пʹарьстгәһе у һʹәмуйед кӧ пʹарьстгәһеда тʹӧщарәти дькьрьн дәрхьстьн. Тʹәхтед сәрафа у кʹӧрсийед кәвоткфьроша ԝәлгәрʹандьн у готә ԝан: ‹Ньвисар ә: «Мала мьн мала дӧа ԝе бе һʹәсабе», ле ԝә әԝ кьрийә ‹шкәфта ԛачаха›» (Мәт. 21:12, 13).

Документед тʹәрихийа Щьһуйа нишан дькьн, ԝәки йед кӧ пʹарьстгәһеда тʹӧщарәти дькьрьн, һʹәйԝан гәләк бьһа дьфьротьн. Мәсәлә, пешийе мәрьвед кʹәсиб дькарьбун кәвотк бькʹьрʹийана, чьмки гәләк әʹрзан бу. Ле документед бәреда, те готьне кӧ паше ԛьрʹна йәкеда баһе кәвотка ӧса бьльнд бу, кӧ мәрьв гәрәке 25 рʹожа бьхәбьтийана сәва дӧ кәвотк бькʹьрʹийана. Ле әԝ йәк нәһәԛи бу, илаһи һьндава кʹәсиба (Ԛан. Кʹаһ. 1:14; 5:7; 12:6-8). Мамоста Симеон бән Гамалийил, гәләк һерс дькʹәт сәр ве йәке, у ләма һʹәсабед ԛӧрбана кӧ мәрьв гәрәке бьанийана, кем кьр. Паши ве йәке, дәрберʹа баһе кәвотка гәләк кʹәт, у мәрьварʹа лазьм бу тʹәне 3 сьһʹәта бьхәбьтьн сәва кӧ дӧ кәвотка бькʹьрʹьн.

Бәле, мәрьвед кӧ пʹарьстгәһеда һʹәйԝан дьфьротьн, гәләк тьма бун у тʹәне кʹара хԝә дьгәрʹийан. Ләма жи Иса сәр ԝан гот, ԝәки әԝана «ԛачах» ьн.