តើសាក្សីព្រះយេហូវ៉ាធ្វើជាសាសនទូតដែរឬទេ?
មែន។ ទោះជាយើងរស់នៅកន្លែងណាក៏ដោយ យើងដែលជាសាក្សីព្រះយេហូវ៉ាព្យាយាមមានចិត្តគំនិតជាសាសនទូត ដោយចំណាយពេលជាទៀងទាត់ក្នុងការប្រាប់អ្នកឯទៀតអំពីជំនឿរបស់យើង។—ម៉ាថាយ ២៨:១៩, ២០
ម្យ៉ាងទៀត សាក្សីព្រះយេហូវ៉ាខ្លះទៅលេងឬរើទៅនៅតំបន់ឯទៀតនៅប្រទេសរបស់ខ្លួន ដែលមានមនុស្សជាច្រើនមិនទាន់ឮដំណឹងល្អពីគម្ពីរ។ សាក្សីព្រះយេហូវ៉ាឯទៀតរើទៅនៅប្រទេសផ្សេងដើម្បីអាចផ្សព្វផ្សាយដល់មនុស្សកាន់តែច្រើន។ ពួកគេសប្បាយចិត្តចូលរួមធ្វើឲ្យទំនាយរបស់លោកយេស៊ូបានសម្រេច ដែលថា៖«អ្នករាល់គ្នានឹងធ្វើជាសាក្សីបញ្ជាក់អំពីខ្ញុំ . . . រហូតដល់កន្លែងឆ្ងាយបំផុតនៅផែនដី»។—សកម្មភាព ១:៨
នៅឆ្នាំ១៩៤៣ យើងបានបង្កើតសាលាមួយដើម្បីបង្ហាត់បង្រៀនសាសនទូតរបស់យើង។ តាំងពីពេលនោះមក សាក្សីព្រះយេហូវ៉ាជាង៨.០០០នាក់បានចូលរួមសាលានោះដែលហៅថាសាលាគម្ពីរគីលាតនៃសមាគមប៉មយាម។
លោកអ្នកក៏ប្រហែលជាចូលចិត្តដែរ
កិច្ចបម្រើផ្សាយជាសាធារណៈ
ផ្សព្វផ្សាយនៅតំបន់ដាច់ស្រយាលក្នុងប្រទេសអូស្ដ្រាលី
សូមអញ្ជើញទស្សនាវីដេអូដ៏គួរឲ្យរំភើបអំពីក្រុមគ្រួសារមួយធ្វើដំណើរទៅតំបន់ដាច់ស្រយាលនៅប្រទេសអូស្ដ្រាលីដើម្បីផ្សព្វផ្សាយអស់មួយសប្ដាហ៍ប្រាប់មនុស្សនៅទីនោះអំពីសេចក្ដីពិតពីគម្ពីរបរិសុទ្ធ។
សំណួរដែលមនុស្សជាច្រើនសួរអំពីសាក្សីព្រះយេហូវ៉ា
តើការរៀនគម្ពីរជាមួយសាក្សីព្រះយេហូវ៉ាគឺយ៉ាងណា?
ការរៀនគម្ពីរជាមួយសាក្សីព្រះយេហូវ៉ាគឺឥតគិតថ្លៃ។ លោកអ្នកអាចប្រើសេចក្ដីបកប្រែណាក៏បាន។ លោកអ្នកអាចអញ្ជើញមិត្តភក្ដិ ឬក្រុមគ្រួសារឲ្យចូលរួមរៀនជាមួយគ្នា។
