ពិភពលោកដ៏ច្របូកច្របល់
២ | ការពាររបៀបចិញ្ចឹមជីវិតរបស់អ្នក
ហេតុអ្វីនេះសំខាន់
មនុស្សជាច្រើនខំប្រឹងជារៀងរាល់ថ្ងៃដើម្បីមានលុយសម្រាប់ចិញ្ចឹមជីវិតរបស់ខ្លួន។ គួរឲ្យស្ដាយ បញ្ហាក្នុងពិភពលោកនេះកាន់តែធ្វើឲ្យពួកគេពិបាកក្នុងការចិញ្ចឹមជីវិតរបស់ពួកគេថែមទៀត។ ហេតុអ្វី?
-
ពេលមានបញ្ហាក្នុងតំបន់មួយ ស្បៀងអាហារនិងកន្លែងស្នាក់នៅកាន់តែមានតម្លៃថ្លៃ។
-
វិបត្តិក្នុងពិភពលោកអាចបណ្ដាលឲ្យមនុស្សជាច្រើនបាត់បង់ការងារ ឬទទួលប្រាក់ចំណូលតិចជាងមុន។
-
គ្រោះមហន្តរាយអាចបណ្ដាលឲ្យមានការខូចខាតនិងបំផ្លាញអាជីវកម្មរបស់មនុស្ស ផ្ទះសម្បែង និងទ្រព្យសម្បត្តិផ្សេងទៀត ដែលបណ្ដាលឲ្យមានភាពក្រីក្រកាន់តែច្រើន។
អ្វីដែលអ្នកត្រូវដឹង
-
បើអ្នកចេះចំណាយប្រាក់តាមរបៀបដែលឈ្លាសវៃ អ្នកនឹងអាចត្រៀមខ្លួនបានល្អជាងពេលមានវិបត្តិសេដ្ឋកិច្ច។
-
សូមចាំថា ប្រាក់ចំណូល លុយសន្សំ និងទ្រព្យសម្បត្តិរបស់អ្នក អាចលែងមានតម្លៃ។
-
មានអ្វីជាច្រើនដែលលុយមិនអាចទិញបាន ដូចជាសុភមង្គលនិងសាមគ្គីភាពក្នុងក្រុមគ្រួសារជាដើម។
អ្វីដែលអ្នកអាចធ្វើនៅឥឡូវនេះ
គម្ពីរចែងថា៖ «យើងនឹងស្កប់ចិត្តហើយ ដោយមានអាហារបរិភោគ សម្លៀកបំពាក់ និងជម្រក»។—ធីម៉ូថេទី១ ៦:៨
ការស្កប់ចិត្តមានន័យថា ជាការពេញចិត្តនឹងអ្វីដែលយើងត្រូវការ មិនមែនអ្វីដែលយើងចង់បាននោះទេ។ នេះគឺពិតជាសំខាន់ ជាពិសេសនៅពេលដែលរបៀបរស់នៅរបស់យើងជួបប្រទះនូវការពិបាក។
ដើម្បីចេះស្កប់ចិត្ត អ្នកប្រហែលជាត្រូវផ្លាស់ប្ដូររបៀបរស់នៅរបស់អ្នក។ បើអ្នកមិនរស់នៅស្របតាមប្រាក់ចំណូលរបស់អ្នកទេ នោះអ្នកនឹងមានបញ្ហាលុយកាក់កាន់តែច្រើន។
លោកអ្នកក៏ប្រហែលជាចូលចិត្តដែរ
ភ្ញាក់
ធ្វើឲ្យជីវិតប្រសើរជាងដោយចេះចាត់ចែងលុយកាក់
តើតាមរបៀបណាគោលការណ៍គម្ពីរអាចជួយអ្នកឲ្យកាត់បន្ថយបញ្ហាលុយកាក់?
ភ្ញាក់
អ្វីបីយ៉ាងដែលលុយមិនអាចទិញបាន
លុយអាចឲ្យយើងទិញអ្វីដែលយើងត្រូវការ តែអ្វីដែលធ្វើឲ្យជីវិតយើងស្កប់ចិត្តបំផុតលុយមិនអាចទិញបានឡើយ។
