ចូរចាំយាម!
តើនឹងមានពេលមួយដែលគ្រប់ជាតិសាសន៍មានភាពស្មើគ្នាឬទេ? តើគម្ពីរចែងយ៉ាងណា?
មនុស្សជាច្រើនគិតថាមិនអាចទៅរួចទេ ដែលជាតិសាសន៍ទាំងអស់អាចមានភាពស្មើគ្នា។
អគ្គលេខាធិការនៃអង្គការសហប្រជាជាតិ លោកអង់តូនីញ៉ូ គុថេរិស បានរៀបរាប់ថា៖«នៅកន្លែងផ្សេងៗក្នុងពិភពលោក ការប្រកាន់ពូជសាសន៍នាំទុក្ខយ៉ាងខ្លាំងដល់ស្ថាប័នអង្គការ សង្គមមនុស្ស និងជីវិតប្រចាំថ្ងៃរបស់ពួកគេ។ ការប្រកាន់ពូជសាសន៍នាំឲ្យមនុស្សប្រព្រឹត្តចំពោះគ្នាដោយអយុត្តិធម៌»។
តើជាតិសាសន៍ទាំងអស់នឹងមានភាពស្មើគ្នាឬទេ? តើគម្ពីរចែងយ៉ាងណា?
ទស្សនៈរបស់ព្រះចំពោះភាពស្មើគ្នារវាងជាតិសាសន៍
គម្ពីរបង្រៀនយើងអំពីទស្សនៈរបស់ព្រះចំពោះជាតិសាសន៍ផ្សេងៗ។
«[ព្រះ]បានបង្កើតជនជាតិទាំងឡាយពីបុរសតែមួយ ដើម្បីឲ្យអាស្រ័យនៅពេញផែនដី»។—សកម្មភាព ១៧:២៦
«ពេលឮដូច្នេះ ពេត្រុសចាប់ផ្ដើមនិយាយថា៖«ឥឡូវខ្ញុំយល់ច្បាស់ថា ព្រះមិនរើសមុខទេ។ ប៉ុន្តែ នៅគ្រប់ប្រជាជាតិ អ្នកណាដែលកោតខ្លាចលោក ហើយប្រព្រឹត្តអ្វីដែលត្រឹមត្រូវ លោកពេញចិត្តអ្នកនោះ»។—សកម្មភាព ១០:៣៤, ៣៥
គម្ពីរប្រាប់ថាមនុស្សទាំងអស់ជាក្រុមគ្រួសារតែមួយ ហើយថាព្រះពេញចិត្តមនុស្សគ្រប់ជាតិសាសន៍។
តើតាមរបៀបណាជាតិសាសន៍អាចមានភាពស្មើគ្នា?
ក្រោមការគ្រប់គ្រងនៃរាជាណាចក្ររបស់ព្រះដែលជារដ្ឋាភិបាលនៅស្ថានសួគ៌ ជាតិសាសន៍ផ្សេងៗនឹងមានភាពស្មើគ្នា។ រដ្ឋាភិបាលនោះនឹងបង្រៀនមនុស្សនូវរបៀបប្រព្រឹត្តចំពោះគ្នាតាមរបៀបត្រឹមត្រូវ។ មនុស្សនឹងរៀនអំពីវិធីបំបាត់ចោលអារម្មណ៍ប្រកាន់ពូជសាសន៍ដែលពួកគេប្រហែលជាមាន។
«មនុស្សជាតិនឹងរៀនអំពីសេចក្ដីសុចរិត»។—អេសាយ ២៦:៩
«សេចក្ដីសុចរិតពិតនឹងនាំមកនូវសន្តិភាព ផលផ្លែនៃសេចក្ដីសុចរិតពិត គឺជាសេចក្ដីសុខសាន្ត និងជាសុវត្ថិភាពដ៏ស្ថិតស្ថេរ»។—អេសាយ ៣២:១៧
សព្វថ្ងៃនេះ មនុស្សរាប់លាននាក់កំពុងរៀនគម្ពីរអំពីរបៀបប្រព្រឹត្តចំពោះអ្នកឯទៀតដោយថ្លៃថ្នូរនិងដោយគោរព។
ដើម្បីរៀនថែមទៀត សូមអានទស្សនាវដ្ដីភ្ញាក់រឭក! ដែលមានចំណងជើងថា«តើមានដំណោះស្រាយចំពោះការរើសអើងឬទេ?»។
សូមអានអត្ថបទចំណងជើងថា«ចូរពន្យល់កូនអំពីការប្រកាន់ពូជសាសន៍» ដើម្បីជួយឪពុកម្ដាយពិភាក្សាប្រធានបទនេះជាមួយកូនៗ។
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
គម្ពីរជួយមនុស្សឲ្យកែប្រែជីវិត
ខ្ញុំចង់បំបាត់អំពើអយុត្តិធម៌
រ៉ាហ្វីកាបានចូលរួមក្នុងក្រុមចលនាបំបាត់អំពើអយុត្តិធម៌។ ប៉ុន្តែ នាងបានរកឃើញសេចក្ដីសន្យាក្នុងគម្ពីរអំពីសេចក្ដីសុខសាន្តនិងយុត្តិធម៌ ក្រោមការគ្រប់គ្រងនៃរាជាណាចក្ររបស់ព្រះ។
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
