Il­ler­nar­tuuneq mingut­tuumit im­mik­koor­titaanermut tun­ngas­suteqar­poq. Oqaaseq hebræerisooq “il­ler­nar­toq”-mik nutser­neqar­toq oqaatsimit “im­mik­koor­toq”-mit aal­laaveqar­poq. Taamaalil­luni il­ler­nar­toq im­mik­koor­tin­neqar­tar­poq nalingin­narmik ator­neqar­nani, pingaar­tumik tamatuma minguitsuunera pil­lugu.

 Guuti il­ler­nar­ner­paavoq. Biibilimi al­las­simavoq: “Il­ler­nar­toqan­ngilaq Naalak­katut.” a (1 Samueli 2:2) Taamaat­tumik pis­susis­samisoor­poq Guuti suut il­ler­nar­tuuneran­nik najoq­qutas­siim­mat.

 Oqaaseq “il­ler­nar­toq” Guutimut toq­qaan­nar­tumik at­tuumas­suteqar­tunut sunul­luun­niit tun­ngatil­lugu ator­neqarsin­naavoq, pingaar­tumik pal­lorfigin­nin­nermi im­mik­kut it­tunut atugas­satut im­mik­koor­tin­neqarsimasunut tun­ngatil­lugu. As­sersuutigalugu Biibilimi uku eq­qar­tor­neqar­put:

•   Sumiiffiit illernartut: Guutip Mosesi or­pik­kap ikualasup eq­qaaniit­toq ima oqarfigaa: ‘Qeqarfigisat tas­saavoq nuna il­ler­nar­toq.’ – 2 Mosesi 3:2-5.

•   Pisut illernartut: Itsaq Israelik­kut Jehovamik pal­lorfigin­nit­tar­put aalajangersimasumik up­perisarsior­nik­kut nal­lius­siner­ni ‘il­ler­nar­tumik katisimaf­fit­tut’ taaneqar­tar­tunik. – 3 Mosesi 23:37.

•   Atortut illernartut: Itsaq Jerusalemimi naalaf­fim­mi Guutimik pal­lorfigin­nin­nermi ator­neqar­tar­tut ‘ator­tunik il­ler­nar­tunik’ taaneqar­tar­put. (1 Kun­ngit 8:4) Ator­tut il­ler­nar­tut taak­ku pal­lorfigisas­saan­ngik­kaluar­tut ataq­qin­ningaarluni ator­neqar­tar­tus­saap­put. b

 Aap. Guutip kristumiut ima peq­quai: “Il­ler­nar­tuus­saasi uanga il­ler­nar­tuugama.” (1 Petrusi 1:16) Soorunami inuit naam­mal­luin­nan­ngitsut Guutip il­ler­nar­tuunis­samut najoq­qutas­siaanik naam­mal­luin­nar­tunik tamak­kiisumik maleruaasin­naan­ngil­lat. Taamaak­kaluar­torli inuit Guutip inatsisaanik naaper­tuil­luar­tunik maleruaasut ‘il­ler­nar­tutut Guutip iluarinar­titaatut’ isigineqarsin­naap­put. (Romamiut 12:1) Inuup il­ler­nar­tuujumanini oqaatsimigut iliuutsimigul­lu ersersit­tar­paa. As­sersuutigalugu ‘il­ler­nar­titaanis­samik kinguaas­siuutitigul­lu inuunerlut­tuun­ngin­nis­samik’ aam­ma ‘inuunermi tamatigut il­ler­nar­tuunis­samik’ Biibilimi siun­nersuutit malit­tar­pai. – 1 Thes­salonikamiut 4:3; 1 Petrusi 1:15.

 Aap. Inuk Guutip ileq­qus­satigut najoq­qutas­siaanik sumigin­naasoq Guutimit il­ler­nar­tutut isigineqarun­naar­tar­poq. As­sersuutigalugu Biibilimi Hebræerinut al­lak­kani saaf­figineqar­tut ‘qatan­ngutinik il­ler­nar­tunik’ taaneqaraluarlutik uum­mam­mik “ajor­tumik up­pin­ngitsumil­lu, Guutimik uumasumik tunus­sisumik” ineriar­tor­titsinaveersaaq­quneqar­put. – Hebræerit 3:1, 12.

 Kukkusoq: Aap­paqan­ngitsuuneq il­ler­nar­neruler­nar­poq.

 Eqqortoq: Kristumiu aap­paqar­niar­nani aalajangersin­naavoq, aap­paqan­ngitsuunerli im­mini Guutimit il­ler­nar­tutut isigineqalis­sutaaneq ajor­poq. Ilumoor­poq aap­paqan­ngitsut al­lamut saasaateqar­natik Jehovamik pal­lorfigin­nis­sin­naasut. (1 Korinthimiut 7:32-34) Aam­mali aap­pal­lit il­ler­nar­tuusin­naanerat Biibilimi ersersin­neqar­poq. Jiisusim­mi apustiliisa ilaat, Petrusi, aap­paqar­poq. – Mat­thæusi 8:14; 1 Korinthimiut 9:5.