Ilaqutariit qanoq pillualersinnaappat?
Sorleq pingaarnerpaasoraajuk?
-
Asanninneq?
-
Aningaasat?
-
Allalluunniit?
AKISSUT BIIBILIMEERSOQ
“Pilluarput Guutip oqaasianik tusartut toqqorlugulu!” — Lukasi 11:28.
TAMANNA QANOQ ILUAQUTIGISINNAAGIT
Piviusumik asannilissaatit. — Efesosimiut 5:28, 29.
Piviusumik ataqqinnilissaatit. — Efesosimiut 5:33.
Piviusumik toqqissisimalissaatit. — Markusi 10:6-9.
BIIBILIMI ALLASSIMASUT UPPERISINNAAVAVUT?
Aap, ilaatigut uku marluk pissutigalugit:
-
Guuti ilaqutariinnermik Pilersitsisuummat. Biibilimi allassimavoq Jehovap Guutip inuit siulliit aappariilersikkai. (1 Mosesi 2:18-24) Allatut oqaatigalugu Jehova ilaqutariittut inuunissatsinnut aqqutissiuivoq. Sooq tamanna maluginiarnarpa?
Una eqqarsaatigiuk: Nerisassat mamartut sunik akoqarnersut paaserusukkukku kina aperissagaluarpiuk? Soorunami nerisassiortoq aperissavat.
Taamatuttaaq qanoq ilaqutariittut pillualertoqarsinnaasoq paaserusukkutsigu Jehovamut, ilaqutariinnermik Pilersitsisumut, saaffiginnikkutta silatusaassaagut.
-
Guutip soqutigimmasi. Ilaqutariit Jehovap siunnersuutaanik, oqaasianiittunik, noqqaassutiginnikkunik isumatusaassapput. Sooq? “Isumassormasi.” (1 Petrusi 5:6, 7) Jehovap ajunnginnerpaamik kissaappaasi — siunnersuutaalu tamatigut iluaqutaasarput! — Ussatit 3:5, 6; Esaja 48:17, 18.
EQQARSAATISSIISSUT
Qanoq uiulluarsinnaavit, nuliaalluarsinnaavit angajoqqaajulluarsinnaavilluunniit?
Akissut Biibilimeersoq ukunaniippoq: EFESOSIMIUT 5:1, 2 aamma KOLOSSEMIUT 3:18-21.
Soqutigisinnaasatit allat
UAGUTSINNUT TUNNGASUT
Sooq Biibili misissussavara?
Inuit millionilippassuit Biibili inuunermi apeqqutinik pingaarutilinnik akissutissarsissutigaat. Aamma illit apeqqutigisartakkatit akissutissarserusuppigit?
UAGUTSINNUT TUNNGASUT
Pulaarneqarusuppit?
Biibilimut tunngasumik eqqartueqateqarit, Jehovalluunniit Nalunaajaasui pillugit paasisaqarnerugit.
