Ima pisoqar­toq takorlooruk: Ivaana fester­tunut isermat minutsit qulit qaangiutiin­nar­tut nalun­ngisaa tunuanit ima oqar­pal­lap­poq:

Ivaanap tunumut saak­kami ikin­ngutini Pipaluk im­miaaq­qanik marlun­nik simeeq­qam­mersunik tigumiar­toq takuaa. Pipaluup im­miaaq­qap aap­paa Ivaanap kiinaata eq­qaanut isaap­paa oqarlunilu: “Ak­ki! Nuan­nisar­nis­san­nut inuutin­ngilatit, ilaa?”

Ivaana naameerusup­poq, kis­saatigin­ngilaali ikin­ngutimi Pipaluup pik­kunaatsutut isigis­sagaani. Aam­mami Pipaluk naalat­tuuvoq. Taannalu imersin­naap­pat imer­neq ajor­pal­laar­navian­ngilaq. ‘Im­miaaraan­naavoq,’ Ivaana eq­qarsar­poq. ‘Ikiaroor­nar­tuun­ngilaq.’

Il­lit Ivaanaasuuguit qanoq ilius­sagaluar­pit?

Taamatut pisoqar­til­lugu silatusaar­tumik aalajangersin­naajumal­lutit inuttut qanoq it­tuuniar­ner­lutit aalajanger­tariaqar­pat. Tas­sa pingaar­titatit up­perisal­lu nalun­ngit­tariaqar­patit. Tamak­ku ilisimaguk­kit inuunerit al­lanit aqun­neqar­tin­nagu nam­mineq aqus­sin­naas­savat. – 1 Korinthimiut 9:26, 27.

Qanoq taamaaliorsin­naavit? Siul­ler­tut apeq­qutit uku akisin­naavatit.

Suut pik­korif­figalugit qanorlu it­tunik nuan­nersunik pis­suseqar­nerlutit nalun­ngik­kuk­ku im­minut tatiginerulis­saatit.

BIIBILIMI MALIGASSIUISOQ: Apustili Paulusi al­lap­poq: “Oqal­loris­suun­ngik­kaluarlunga taamaat­toq ilisimasaqar­tuuvunga.” (2 Korinthimiut 11:6) Paulusi Al­lak­kanik Il­ler­nar­tunik ilisiman­nil­luarami al­lanit unam­mil­ler­neqaraangami aalajaas­sin­naavoq. Al­lat nikal­lor­nar­tumik oqaaseqar­nerat pil­lugu im­minut tatigiun­naalin­ngilaq. – 2 Korinthimiut 10:10; 11:5.

IMMINUT MISISSORIT: Pigin­naaneqar­figisat pik­korif­figisal­luun­niit al­laguk.

Maan­na pis­suserisavit nuan­nersut ilaat al­laatigik­kit. (As­sersuutigalugu isumas­suisuuit? tunisiumatuit? tatiginar­tuuit? inor­tuineq ajor­pit?)

San­ngiis­sutsivit inuunerit aqup­pas­suk inut­tut ajorsiar­tupal­lalersin­naavutit.

BIIBILIMI MALIGASSIUISOQ: Paulusip san­ngiif­fini eq­qumaf­figai. Ima al­lap­poq: “[Guutip] inatsisai inuutsik­kut ilorlik­kut nuan­narigaluar­pak­ka, kisian­ni paasisar­para inatsisinik al­lanik avatin­niit­toqar­toq, taak­kulu inatsisinut eq­qarsaatin­niit­tunut akerar­tor­tuusut ajor­til­lu inatsisaanit avatin­niit­tunit tiguagaatil­lunga.” – Romamiut 7:22, 23.

IMMINUT MISISSORIT: San­ngiif­fivit sorliit aqun­nis­saat ilin­niar­tariaqar­piuk?

Taxamut ikeriarlutit aqut­toq oqarfigis­saviuk orsuerun­nis­sami tungaanut biilerujuus­sasoq? Taman­na sianiitsulior­nerus­saaq!

Ilin­niutis­sar­taa: Anguniak­kat inuunermik sam­miveqalersitsisar­put. Or­nitan­nut apuun­nis­sat pilersaarusior­tar­pat.

BIIBILIMI MALIGASSIUISOQ: Paulusi al­lap­poq: “Uanga ar­pap­punga maangaan­naq pin­nanga.” (1 Korinthimiut 9:26) Paulusi pis­sutsinit nas­sataritiin­nar­nani anguniagaqar­poq taak­kulu malil­lugit inuul­luni. – Filip­pimiut 3:12-14.

IMMINUT MISISSORIT: Ukiup ataatsip ingerlanerani angorusutatit pingasut al­lak­kit.

Qularuit akun­nat­tuungasas­saatit. Inuusut­tuaraqatitit as­siginiarlugit kamæleonitut qalipaatitit al­lan­ngor­tit­tas­savatit – kinaas­suseqan­ngin­nerit takutis­savat.

Qularin­ngisatil­li tun­ngavigalugit iliuuseqar­taruit, al­lat qanoq ilior­nerat apeq­qutaatin­nagu, kinaanerlutit takutis­savat.

BIIBILIMI MALIGASSIUISOQ: Pruf­fiiti Danieli suli inuusut­tuaraagunarluni aalajanger­poq ilaqut­taminit avis­saaq­qagaluarluni Guutip inatsisai naalan­niarlugit. (Danieli 1:8) Taamaalior­nermigut imminut ilumoorfigivoq. Danieli qularin­ngisani malil­lugit inuuvoq.

IMMINUT MISISSORIT: Suut qularin­ngiligit? Guuti up­peraajuk? Sooq? Up­per­narsaatit suut tun­ngavigalugit Guuteqar­nera up­peraajuk?

Up­peraajuk Guutip eq­qor­tulior­neq pil­lugu najoq­qutas­siai ilin­nut iluaqutaasut? Sooq?

Sorleq as­sigerusun­neruiuk – pilutaq nak­karsimasoq anoraan­nguamit nas­sataritit­tuar­toq imaluun­niit or­pik anorersuar­tumi ataan­nar­tar­toq? Inut­tut ineriar­tor­tuaruit or­pik as­sigilis­savat. Taman­nalu matuma akinis­saanut iluaqutigis­savat: Kinaavunga?