REBEK­KAP seqineq tarrik­kiar­tor­til­lugu nuna maniitsoq isigin­naar­paa. Sapaatit-akun­neri arlal­lit angalareerluni kiisami qatigat­tuup orraasup qatigaani is­sianeq sungiuk­kiar­tuler­paa. Il­loqarfik peroriar­torfia Karani avan­naata-kangiani 800 kilometerit sin­nerlugit ungasitsigisumiip­poq. Ilaqut­tani im­maqa takoq­qin­ngisaan­nas­savai. Qular­nan­ngitsumik apeq­quter­pas­suit – ingam­mik maan­nak­kut or­nik­kaminut apuutingajaler­nermini – eq­qarsaatigai.

Ingerlaaqatigiit Kana’anik­kut angalareerlutik nunamut maniilakulat­tumut, Nunap Kujasis­sor­taanut, apuup­put. (1 Mosesi 24:62) Rebek­kap im­maqa savat takuai. Nuna inuuniutigalugu naggoris­saanermut naggorluk­kaluar­toq ivigar­torfis­saq­qis­suuvoq. Angutil­li utoq­qaap siulersuisup nuna ilisimal­luar­paa. Taas­suma nutaarsias­sat nuan­nersut – Rebek­kap Iisaamut nulian­ngor­nis­saa – naalak­kaminut oqalut­tuarerusungaar­pai. Rebek­kap eq­qarsaatigisimas­savaa nunami tas­sani qanoq it­tumik inuuneqalis­sanerluni. Uis­saa, Iisaaq, qanoq it­tuua? Suli naapin­nikuun­ngil­lat! Iisaap nulias­sani nuan­naris­savaa? Rebek­kap uis­sani qanoq misigis­suseqarfigis­savaa?

Ul­lumik­kut aap­pas­sarsiuus­sisar­neq nunar­pas­suar­ni pis­susis­samisuun­ngilaq. Nunal­li ilaan­ni taman­na nalingin­naavoq. Qanorluun­niit tunuliaqutaqaraluaruit Rebek­kap nunamut nalusaminut angalanera isumaqataaf­figis­sagunar­pat. Taan­na ar­naavoq im­mik­kuul­laris­sumik sapiis­suseqarlunilu up­persuseqar­toq. Pis­suserineqar­tus­sat taak­ku inuunitsin­ni al­lan­ngor­toqaraangat pisariaqar­tit­tar­pavut. Rebek­ka up­perami nuan­nersunik qaqutigoor­tunil­lu pis­suseqar­poq.

Rebek­kap inuunera al­lan­ngoraluar­toq pis­sutsit atugarineqar­tut sungiusimareerunar­pai. Aram-Naharajimimi Karanip ungasin­ngisaani peroriar­tor­poq. Angajoq­qaavi Karanimiunit al­laanerup­put. Qaam­mam­mut guutigititaq Sin pal­lorfiginagu Jehova Guuti pal­lorfigaat. – 1 Mosesi 24:50.

Rebek­ka pin­neraluarluni perroor­tuun­ngilaq iliuuseqarsin­naan­ngitsoq. Uum­maaris­suul­lunilu ileq­qoris­suuvoq. Ilaqutai pisuujugamik kif­faqar­put, Rebek­kali prinses­setut nukatsitaan­ngilaq; tamaviaarluni sulisar­tus­satut perorsar­neqar­poq. Taamani ar­nar­pas­suit as­sigalugit Rebek­ka sulias­sanik oqimaatsunik, soorlu imer­tar­nermik, suliaqar­tar­poq. Un­nuk­kut imer­taat tuiminut inis­seriarlugu puilasumukar­tar­poq. – 1 Mosesi 24:11, 15, 16.

Un­nuit ilaan­ni imer­tareermat angutip utoq­qaap or­nik­kasuar­paa inus­siar­nersumil­lu ima oqarfigalugu: “Imer­taatin­nit im­misilaan­nga.” Angutip ungasis­sumit angalasimanera Rebek­kap takusin­naagamiuk imer­taan­ni aq­qariarlugu im­misilaagin­nar­nagu imermik nil­laaris­sumik imerusuer­nar­tumik im­mip­paa. Maluginiar­paa qatigat­tuut qulit aqupisimasut eq­qaaniit­tut im­min­neqarsiman­ngitsut. Inus­siar­nersumik isigaluni malin­naavigigaani takusin­naagamiuk sapin­ngisaminik tuk­kor­toorusup­poq. Ima oqarfigaa: “Aam­ma qatigat­tuutitit imer­taateriarlugit im­misis­savak­ka imerusuersil­lugit.” – 1 Mosesi 24:17-19.

Maluginiaruk Rebek­kap qatigat­tuut qulit im­misiin­nar­nagit imerusuer­nis­saasa tungaan­nut im­misin­niarmagit. Qatigat­tuup ataatsip qilaliivis­sup imeq literit 95-it sin­nerlugit imersin­naavaa! Qatigat­tuut qulit tamarmik qilaliivis­simap­pata Rebek­ka  sivisoorujus­suarmik imer­taqat­taar­tus­saas­saaq. Pisunil­li erser­poq qatigat­tuut qilap­pal­laarunan­ngitsut. * Rebek­kal­li im­misik­kumagamigit taman­na nalun­ngilaa? Naamik. Utoq­qarmut takor­nar­tamut inoroorsaar­nermik ersersitsiumal­luni tamaviaarluni sulinis­saminut piumas­suseqangaar­poq. Angutip utoq­qaap akuersereerluni Rebek­ka imer­taan­ni im­meriarlugu tuaviorluni uteqat­taar­toq isigin­naaq­qis­saar­paa. – 1 Mosesi 24:20, 21.

Rebek­ka uagutsin­nut maligas­saal­luar­poq. Nalitsin­ni nam­minis­sarsior­neq nalingin­naasorujus­suuvoq. Inuit ‘nam­minis­sarsiulerumaar­nerat’, im­minuin­naq eq­qarsaatigilerumaar­nerat, siulit­tuutigineqar­poq. (2 Timotheusi 3:1-5) Kristumiut inun­nit taamaat­tunit sun­ner­neqar­naveersaar­tut Biibilimi ar­naq inuusut­toq tuaviorluni puilasumut uteqat­taar­toq eq­qarsaatigeq­qis­saar­tarunik­ku silatusaas­sap­put.

Angutip utoq­qaap isigin­naaraani Rebek­kap qular­nan­ngitsumik maluginiar­paa. Angut ajor­tunik isumaqarluni isigin­naar­nani tupigusul­luni alutorsarlunilu nuan­naarlunilu isigin­naar­poq. Rebek­ka kiisami naam­mas­sim­mat angutip tunis­sutinik – pin­nersaatinik akisuunik – tunivaa. Tunis­suteqarfigereeramiul­lu aperalugu: “Kia panigaatit? Ataatavit il­luani un­nuif­fis­satsin­nik inis­saqar­ner­pa?” Kik­kut ilaqutarinerlugit oqalut­tuum­mani Eliezeri nuan­naar­neruler­poq. Rebek­ka im­maqa nuan­naatsan­nermik ima nangip­poq: “Karriiar­nikunik neruk­kaatis­sanil­lu peqaqaagut, inis­saqar­porlu un­nuif­fis­samik.” Angut utoq­qaq al­lanik angalaqateqarmat inoroorsaar­nermik ersersitsineruvoq an­ner­tooq. Tamatuma kingor­na ar­paan­naq anaanani pisunik oqalut­tuuk­kiar­tor­paa. – 1 Mosesi 24:22-28, 32.

Rebek­kap inoroorsaar­nis­samik ilin­niar­tin­neqarsimanera ersarip­poq. Pis­susia taman­na ul­lumik­kut qaqutigoor­toq pis­sutigalugu ar­nap inuusut­tup inus­siar­nersup up­per­nera ilaar­niar­tariaqar­par­put. Guutimut up­per­ner­put inoroorsaalis­sutigis­savar­put. Jehova kik­kun­nut tamanut tuk­korami inoroorsaar­tuuvoq, in­nut­tamilu taamaat­tuunis­saat kis­saatigaa. Al­laat uagut pil­luta iliuuseqar­neq ajor­tunut inoroorsaar­tuugut­ta Ataatatsin­nit qilam­miusumit iluarisaas­saagut. – Mat­thæusi 5:44-46; 1 Petrusi 4:9.

Angut utoq­qaq puilasup eq­qaaniit­toq kinaagami? Aaperaap, Rebek­kap aataavata qatan­ngutaata, inus­siaataa. Taamaat­tumik Betuelip, Rebek­kap ataataata, angerlarsimaf­fiani tikil­luaq­qusaavoq. Inus­siaq taan­na Eliezerimik ateqarunar­poq. * Inisimatitsisup nerisas­sanik neqeroorfigim­mani tikeraar­nerminut pis­sutaasoq eq­qar­toq­qaar­tin­nagu neriuman­ngilaq. (1 Mosesi 24:31-33) Sulias­saminut pingaarutilim­mut tun­ngatil­lugu Guutiminit, Jehovamit, pil­luaq­quneqar­nerminut up­per­narsaat paatsuugas­saan­ngitsoq takoq­qam­meramiuk nuan­naaqaluni oqalut­tuar­toq takorloorsin­naavar­put. Qanoq pil­luaq­quneqarami?

Kana’animi Aaperaap Jehovamit pil­luaq­quneqangaarsimanera aam­ma Aaperaap Saral­lu er­nerat, Iisaaq, sunik tamanik kingor­nus­sisus­saanera pil­lugit Eliezeri oqalut­tuarmat Rebek­kap angutaa Betueli qatan­ngutaalu Labani tusar­naaq­qis­saar­tut takorluuk­kit. Aaperaap inus­siaq pingaarutilim­mik sulias­sip­paa: Iisaaq Karanimi Aaperaap ilaqutaaneersumik nulias­sarsiuut­tus­saavaa. – 1 Mosesi 24:34-38.

Iisaap ar­namik Kana’animeersumik nuliar­taan­ngin­nis­saa pil­lugu Aaperaap Eliezeri neriorsuisip­paa. Sooq? Kana’anik­kut Jehova Guuti ataq­qinagulu pal­lorfigin­ngim­mas­suk. Aaperaap nalun­ngilaa Jehovap pif­fis­sani nal­liup­pat inuit taak­kua ajor­tulior­tar­nerat pil­lugu pil­larumaarai. Aaperaap er­nermi asasami, Iisaap, inuit taak­ku inuunerlut­tut at­taveqarfigilis­sagai kis­saatigin­ngilaa. Aam­ma nalun­ngilaa Guutip neriorsuutaata eq­quun­nis­saanut tun­ngatil­lugu er­nini pingaarutilim­mik inis­sisimaf­feqar­toq. – 1 Mosesi 15:16; 17:19; 24:2-4.

Karanimi puilasup eq­qaanut pigami Eliezerip Jehovamut Guutimut qin­nutini pil­lugu inisimasuni oqalut­tuup­pai. Jehovamut qinuvoq ar­naq Iisaap nulias­saa toq­qaq­qul­lugu. Qanoq? Ar­naq Iisaamut nulian­ngor­tus­saq puilasumukaq­qul­lugu Eliezerip Guuti qin­nuigaa. Aam­ma im­miseq­quguni ar­nap im­misiin­nar­nani aam­ma qatigat­tuunik im­mitsinis­saa qin­nutigaa. (1 Mosesi 24:12-14) Kinalu taamator­piaq ilior­pa? Rebek­ka! Takorlooruk Eliezerip ilaqut­taminut oqalut­tuaa tusaramiuk Rebek­ka qanoq misigisimas­sasoq!

Eliezerip oqalut­tuaa Betuelip Labanil­lu kil­litsis­sutigalugu ima oqar­put: ‘Jehovamit taman­na pivoq.’ Taamani ileq­quusutut aap­pariin­nermik, Rebek­kap Iisaamut nulis­siutitin­nis­saanik, angerfigeqatigiip­put. (1 Mosesi 24:50-54) Imaap­pali Rebek­ka oqaasis­saqan­ngitsoq?

Eliezerip aal­lan­ngin­nermini taman­na pil­lugu Aaperaat ima aperaa: “Qanormi ilius­saanga ar­nap taas­suma ilagiuman­ngip­panga?” Aaperaat ima akivoq: “Taava uan­nut up­per­narsaanerigaluit atorun­naas­saaq.” (1 Mosesi 24:39, 41) Aam­ma Betuelip angerlarsimaf­fiani ar­nap inuusut­tup piumasai pingaar­tin­neqar­put. Eliezerip suliamini iluatsitsisimanini nuan­naarutigingaaramiuk aqaguani Rebek­ka ilagalugu ingerlaan­naq Kana’animut utersin­naanerluni apeq­qutigaa. Ilaqutaasul­li sivikin­ner­paamik ul­luni qulini Rebek­ka najorusup­paat. Naggataatigut ima isumaqatigiip­put: “Niviarsiar­tar­put qaaq­qul­lugu apererias­sagip­put.” – 1 Mosesi 24:57.

Matumani Rebek­ka marlun­nik periarfis­saqar­poq. Qanoq akis­sava? Ataataminut qatan­ngutiminul­lu nal­ligeq­qusaarluni nunamut nalusaminut aal­lan­ngin­nis­sani qin­nutigis­savaa? Imaluun­niit taman­na pisunut Jehovamit siulersor­neqar­tunut ilaanis­samut im­mik­kut pisin­naatitaaf­fit­tut isigaa? Taman­na ilimagin­ngisamik pisoq, im­maqalu merser­nar­toq, qanoq isumaqarfiginerlugu akis­sutimigut ersersip­paa. Ima oqar­poq: “Ingerlaqatigiumavara.” – 1 Mosesi 24:58, Testamentitoqaq 1990-imi naqitigaq.

Isigin­nit­taasia ajun­ngingaarami! Ul­lumik­kut katin­nermut tun­ngatil­lugu ileq­quvut im­maqa al­laanerul­luin­naraluar­tut Rebek­ka ilin­niarfigingaarsin­naavar­put. Nam­mineq piumasani pingaar­nerutin­nagu Guutimi, Jehovap, piumasaa pingaar­nerutip­paa. Nalitsin­ni katin­nermut – aap­pas­samik toq­qaanermut aap­paal­luar­nermul­lu – tun­ngatil­lugu Guutip oqaasiani siun­nersuutit suli tutsuiginarlutil­lu pitsaaner­paap­put. (2 Korinthimiut 6:14, 15; Efesosimiut 5:28-33) Rebek­ka ilaarlugu Guutip piumasaanik sal­liutitsigut­ta silatusaas­saagut.

Betuelip ilaqutaasa Rebek­ka asasar­tik pil­luaq­quaat. Taava milutsitsisini, Debora, ar­nal­lu kif­fat ilaat ilagalugit Eliezeri angutitaalu aal­laqatigai. (1 Mosesi 24:59-61; 35:8) Sivitsun­ngitsoq Karanimit ungasil­lipal­lap­put. Ungasis­sumut, 800 kilometerit sin­nerlugit, im­maqa sapaatit-akun­neri pingasut angalasus­saap­put. Angalaneq imaan­naan­ngitsuusimas­saaq. Rebek­kap qatigat­tuut takusareeraluarlugit sungiusimagunan­ngilai. Ilaqutai Biibilimi qatigat­tuunik angalal­lutik niuer­tar­tutut al­laatigineqar­natik savaatilit­tut al­laatigineqar­put. (1 Mosesi 29:10) Qatigat­tuunik sungius­sisiman­ngitsut amerlaner­tigut – al­laat sivikitsuin­narmik angalareerlutik – ip­pigusun­ner­tik qas­siiliuutigiler­tar­paat.

Qanorluun­niit ik­kaluar­pat Rebek­ka qular­nan­ngitsumik Iisaaq ilaqutaalu pil­lugit Eliezerimit paasisaqarusungaar­poq. Takorlooruk un­nuk­kut tam­maarsimaf­fim­mi ikumatitap eq­qaani Jehovap ikin­ngutiminut Aaperaamut neriorsuutaanik angutip utoq­qaap oqalut­tuuk­kaa. Aaperaap kinguaavinit inuian­nik tamanik pil­luaq­qusisus­saq Guutip pilersis­savaa. Jehovap neriorsuutaata uis­samigut – Iisaak­kut – taamatut­taarlu nam­minermigut piviusun­ngor­tin­neqar­nis­saa paasigamiuk Rebek­ka uum­mam­migut kis­saam­mer­toq takorlooruk. – 1 Mosesi 22:15-18.

Kiisami ul­loq al­laaserisap aal­laq­qaataani al­laatigineqar­toq nal­liup­poq. Ingerlaaqatigiit silap taarsiarsaaler­nerani Nunap Kujasis­sor­taanut pigamik Rebek­kap angut narsaam­mi pisut­toq takuaa. Angut eq­qarsar­pasip­poq. ‘Rebek­kap taan­na takuleramiuk qatigat­tuumit’ – im­maqa aqupin­nis­saa utaq­qeq­qaar­nagu – ‘aq­qar­poq inus­siarlu aperalugu: “Kinaana angut parsiarluta narsaatik­kut aggersoq?”’ Iisaajusoq paasigamiuk kiin­nani uliguarmik saaguaa. (1 Mosesi 24:62-65) Sooq? Uis­sani ataq­qin­nin­nermik ersersitsiviginiarlugu taamaaliorunar­poq. Taamatut naalatsigitin­neq ul­lumik­kut it­tangasutut im­maqa isigineqas­saaq. Rebek­kal­li maniguun­nera angutit ar­nal­lu ilin­niarfigisin­naavaat. Tamat­tami pis­suseq taman­na ineriar­tor­tin­nerusin­naavar­put.

Iisaap, 40-t mis­saan­ni ukiul­lip, anaanani Sara ukiut pingasut sioq­qul­lugit toquk­kut qimagut­toq suli aliasuutigaa. Taamaat­tumik isum­mersin­naavugut Iisaaq inus­siar­nerlunilu asan­nit­tuusoq. Ar­namik sul­laris­sumik, inoroorsaar­tumik maniguut­tumil­lu nuliar­neq angum­mut taamaat­tumut pil­luaq­qus­sutaangaar­poq! Qanoq at­taveqatigiil­luar­tigiler­pat? Biibilimi ima al­las­simavoq: “Iisaap [Rebek­ka] asasariler­paa.” – 1 Mosesi 24:67; 26:8.

Al­laat ukiut 3.900-t mis­siliorlugit qaangiutereeraluar­tut Rebek­ka suli asajuminar­tuuvoq. Sapiin­nermut, suliumatunermut, inoroorsaar­nermut maniguun­nermul­lu tun­ngatil­lugu maligas­saal­luar­poq. Inuusut­tut utoq­qaal­lu, angutit ar­nal­lu, aap­pal­lit aap­paqan­ngitsul­lu Rebek­kap up­per­neranik ilaarsigunik silatusaas­sap­put!