ٴزابۇر 65:1—13
ٵن-كۇي جەتەكشىسىنە. ٴداۋىتتىڭ جىرى. ٵن.
65 ۋا، سيونداعى قۇداي+، سەن ماداققا لايىقسىڭ؛ٴبىز وزىڭە بەرگەن انتتارىمىزدى ورىندايمىز+.
2 سەن دۇعالاردى تىڭدايسىڭ؛وزىڭە ٴمىناجات ەتۋگە ٵرتۇرلى ادام كەلەدى+.
3 كۇنالارىم ونە بويىمدى بيلەدى+،ٴبىراق سەن قىلمىستارىمىزدى كەشىرەسىڭ+.
4 اۋلالارىڭدا مەكەندەسىن دەپ،ٶزىڭ تاڭداپ العان، ٶزىڭ جاقىنداتقان ادام نەتكەن باقىتتى+!
ٴبىز سەنىڭ ۇيىڭدە+، كيەلى عيباداتحاناڭدا، مول يگىلىك كورەمىز+.
5 سەن بىزگە تاڭعاجايىپ ٵدىل ىستەرىڭمەن جاۋاپ بەرەسىڭ+،ۋا، قۇتقارۋشى قۇدايىمىز،ارقا سۇيەرىسىڭ جەرجۇزى ادامدارىنىڭ+،شالعايداعى تەڭىز ايماعىندا تۇراتىنداردىڭ.
6 سەن* كۇش-قۋاتىڭمەن تاۋلاردى بەرىك ورناتتىڭ؛وراسان زور سەنىڭ قۇدىرەتىڭ+.
7 سەن* بۋىرقانعان تەڭىزدەردى، ونىڭ دولى تولقىندارىن دا تىنىشتاندىراسىڭ+،حالىقتاردىڭ تولقۋىن دا باساسىڭ+.
8 قيىر شەتتىڭ تۇرعىندارى بەلگىلەرىڭە تاڭ-تاماشا بولادى+؛كۇنشىعىستان كۇنباتىسقا دەيىنگىلەرگە شاتتىق ٵنىن ايتقىزاسىڭ.
9 سەن جەردىڭ قامىن جاسايسىڭ،ونىڭ ٶنىمىن مول قىلاسىڭ، بايىتاسىڭ+،وزەندەردى سۋعا تولتىراسىڭ،ٴداندى داقىلدارىن ٶسىرىپ شىعاراسىڭ+،سەبەبى جەردى وسىلاي دايىنداعانسىڭ.
10 جىرتىلعان جەردى سۋعا قاندىراسىڭ، توپىراعىن تەگىستەيسىڭ،جاڭبىر جاۋدىرىپ، جۇمسارتاسىڭ؛ وسكىنىنە باتاڭدى توگەسىڭ+.
11 وسى جىلعا يگىلىگىڭدى ٴتاج ەتىپ كيگىزدىڭ،ٴجۇرىپ وتكەن ىزىڭنەن مولشىلىق كورىنەدى+.
12 يەن دالاداعى جايىلىمداردىڭ ٴشوبى شۇيگىن بولادى+،قۋانىش جامىلعان قىراتتار قۇلپىرادى+.
13 جايىلىمداردا مىڭعىرعان مال جايىلادى،اڭعارلاردا سامساعان ەگىن جايقالادى+.
ولار شاتتانا ايعايلايدى، ٴيا، ٵن سالادى+.
