لۇقا 3:1—38
3 يمپەراتور* تيبەرييدىڭ بيلىك قۇرۋىنىڭ ون بەسىنشى جىلىندا، پونتي پيلات ياھۋدەيانىڭ ٵمىرشىسى، ال يرود*+ عاليلەيا ايماعىنىڭ اكىمى، ونىڭ باۋىرى ٴفىلىپ يتۋرەيا مەن تراحونيت ايماقتارىنىڭ، ال لۇساني بولسا ابەلينە ايماعىنىڭ اكىمى بولىپ تۇرعاندا،
2 جوعارعى ٴدىني قىزمەتكەر انناس پەن قاياپانىڭ+ كۇندەرىندە، ٴشول دالادا+ زاكاريانىڭ ۇلى جاقيا قۇدايدان حابار الدى+.
3 ول يوردان بويىنداعى بارلىق ٶڭىردى ارالاپ، جۇرتقا كۇنالارى كەشىرىلۋ ٷشىن وكىنىپ، شومىلدىرۋ راسىمىنەن ٶتۋ كەرەكتىگىن ۋاعىزداپ ٴجۇردى+.
4 بۇل جايىندا يشايا پايعامباردىڭ كىتابىندا بىلاي دەپ جازىلعان: «ٴشول دالادا بىرەۋ بىلاي دەپ جار سالىپ جاتىر: —ەحوباعا جول دايارلاڭدار! ونىڭ جولدارىن تەگىستەڭدەر+!
5 ساي-سالانىڭ ٴبارى تولتىرىلسىن، تاۋ-توبەنىڭ ٴبارى الاسارتىلسىن، بۇرالاڭ جەرلەر تۇزەتىلىپ، بۇدىر جولدار تەگىستەلسىن!
6 سوندا كۇللى ادامزات قۇدايدىڭ قۇتقارۋىن كورەدى+».
7 جاقيا شومىلدىرۋ راسىمىنەن وتۋگە كەلىپ جاتقان جۇرتقا بىلاي دەدى: «ۋلى جىلاننىڭ ۇرپاعى! سەندەردى قۇدايدىڭ ٴتونىپ كەلە جاتقان قاھارىنان قۇتىلا الادى دەپ كىم ايتتى+؟
8 وكىنەتىندەرىڭدى لايىقتى جەمىستەرىڭمەن كورسەتىڭدەر. سەندەر «ٴبىزدىڭ بابامىز* — ىبىرايىم» دەپ ويلاماڭدار. مەن سەندەرگە مىنانى ايتامىن: قۇداي مىنا تاستاردان دا ىبىرايىمعا ۇرپاق جاساپ بەرە الادى.
9 قازىردىڭ وزىندە اعاش تۇبىندە بالتا جاتىر. سوندىقتان جاقسى جەمىس بەرمەيتىن ٵربىر اعاش شابىلىپ، وتقا تاستالادى+!»
10 سوندا حالىق ودان: «ٴبىز ەندى نە ىستەۋىمىز كەرەك؟»— دەپ سۇراپ جاتتى.
11 جاقيا: «كىمنىڭ ەكى كويلەگى بولسا، بىرەۋىن كويلەگى جوققا بەرسىن، كىمنىڭ ازىعى بولسا، ول دا سولاي ىستەسىن»+،— دەپ جاۋاپ قاتتى.
12 سالىقشىلار دا شومىلدىرۋ راسىمىنەن وتۋگە كەلىپ+، ودان: «ۇستاز، ٴبىز نە ىستەۋىمىز كەرەك؟»— دەپ سۇرادى.
13 ول: «بەلگىلەنگەن سالىقتان ارتىق ەش نارسە تالاپ ەتپەڭدەر»+،— دەپ جاۋاپ بەردى.
14 ال جاساقشىلار: «ٴبىز نە ىستەۋىمىز كەرەك؟»— دەپ سۇراعاندا، جاقيا: «ەشكىمگە زورلىق جاساماڭدار، جالا دا جاپپاڭدار+. الاتىن اقىلارىڭدى قاناعات ەتىڭدەر»،— دەدى.
15 حالىق ٴماسىحتىڭ كەلۋىن كۇتىپ جۇرگەندىكتەن، جاقيا تۋرالى: «ٴماسىح وسى ەمەس پە ەكەن؟»+— دەپ ويلادى.
16 ال جاقيا جۇرتقا بىلاي دەدى: «مەن سەندەردى سۋعا شومىلدىرۋ راسىمىنەن وتكىزەمىن. ٴبىراق مەنەن قۇدىرەتتى بىرەۋ كەلە جاتىر، مەن ونىڭ ساندالىنىڭ باۋىن شەشۋگە دە تاتىمايمىن+. ول سەندەردى كيەلى رۋحقا جانە وتقا شومىلدىرادى+.
17 ول قولىنا ٴدان جەلپيتىن كۇرەك الىپ، قىرمانىن تازالايدى، بيدايدى قامباعا قۇيىپ، قاۋىزىن وشپەس وتقا ورتەيدى».
18 جاقيا حالىققا باسقا دا ناسيحات ايتىپ، ىزگى حاباردى جاريالاپ ٴجۇردى.
19 ول ايماق اكىمى يرودتى باۋىرىنىڭ ايەلى يروديانى العانى ٷشىن جانە باسقا دا جامان قىلىقتارى ٷشىن اشكەرەلەدى.
20 سوندىقتان يرود زۇلىم ىستەرى از بولعانداي، جاقيانى تۇرمەگە جاپتىردى+.
21 جۇرتتىڭ ٴبارى شومىلدىرۋ راسىمىنەن وتكەندە، يسا دا سول راسىمنەن ٶتتى+. ول دۇعا ەتىپ تۇرعاندا، كوك اشىلىپ+،
22 كوگەرشىن بەينەسىندەگى كيەلى رۋح ۇستىنە قوندى. سوندا كوكتەن: «سەن مەنىڭ سۇيىكتى ۇلىمسىڭ. مەن ساعان ريزامىن!»— دەگەن داۋىس شىقتى+.
23 يسا+ قىزمەتىن باستاعاندا، شامامەن 30 جاستا ەدى+. جۇرتتىڭ ويىنشا، يسا ٴجۇسىپتىڭ ۇلى بولاتىن+.
ال ٴجۇسىپ ەلىنىڭ،
24 ەلى ماتاتتىڭ،ماتات لەۋىنىڭ،لەۋى مالكىنىڭ،مالكى جانايدىڭ،جاناي ٴجۇسىپتىڭ،
25 ٴجۇسىپ ماتاتيانىڭ،ماتاتيا اموستىڭ،اموس ناعۇمنىڭ،ناعۇم ەسلىنىڭ،ەسلى ناعايدىڭ،
26 ناعاي ماقاتتىڭ،ماقات ماتاتيانىڭ،ماتاتيا سەمەيدىڭ،سەمەي جوسەكتىڭ،جوسەك جودانىڭ،
27 جودا جوحاناننىڭ،جوحانان رەسانىڭ،رەسا زوروبابەلدىڭ+،زوروبابەل سالاتەلدىڭ+،سالاتەل نەرەيدىڭ،
28 نەرەي مالكىنىڭ،مالكى ٵديدىڭ،ٵدي قوسامنىڭ،قوسام ەلمادامنىڭ،ەلمادام ەردىڭ،
29 ەر يسانىڭ،يسا ەليەزەردىڭ،ەليەزەر جورىمنىڭ،جورىم ماتاتتىڭ،ماتات لەۋىنىڭ،
30 لەۋى شيمەوننىڭ،شيمەون ياھۋدانىڭ،ياھۋدا ٴجۇسىپتىڭ،ٴجۇسىپ جونامنىڭ،جونام ەلياكىمنىڭ،
31 ەلياكىم مەليانىڭ،مەليا مەنانىڭ،مەنا ماتاتانىڭ،ماتاتا ناتاننىڭ+،ناتان ٴداۋىتتىڭ+،
32 ٴداۋىت ەسەيدىڭ+،ەسەي ٴعابيتتىڭ+،عابيت باعوزدىڭ+،باعوز سالموننىڭ+،سالمون ناعاسوننىڭ+،
33 ناعاسون ٵميناداپتىڭ،ٵميناداپ ٵرنيدىڭ،ارني* حەسروننىڭ،حەسرون پارەستىڭ+،پارەس ياھۋدانىڭ+،
34 ياھۋدا جاقىپتىڭ+،جاقىپ ىسقاقتىڭ+،ىسقاق ىبىرايىمنىڭ+،ىبىرايىم تاراحتىڭ+،تاراح ناحوردىڭ+،
35 ناحور سەرۋحتىڭ+،سەرۋح رەگۋدىڭ+،رەگۋ پەلەكتىڭ+،پەلەك ەبەردىڭ+،ەبەر شەلاحتىڭ+،
36 شەلاح قايناننىڭ،قاينان ارپاقساتتىڭ+،ارپاقسات شامنىڭ+،شام نۇحتىڭ+،نۇح لامەحتىڭ+،
37 لامەح ٴماتۋسالانىڭ+،ٴماتۋسالا ەنوحتىڭ،ەنوح يارەتتىڭ+،يارەت مالالەلدىڭ+،مالالەل قايناننىڭ+،
38 قاينان ەنوستىڭ+،ەنوس سەتتىڭ+،سەت ادامنىڭ+،ال ادام قۇدايدىڭ ۇلى ەدى.
سىلتەمەلەر
^ ياعني يرود انتيپاس. تۇسىندىرمەنى قاراڭىز.
^ سوزبە-ٴسوز «سەزار».
^ سوزبە-ٴسوز «اكەمىز».
^ ش1ج 2:9 جانە مت 1:3، 4 تە رام دەپ اتالعان.