قورىنتتىقتارعا 2-حات 8:1—24
8 باۋىرلاستار، ماكەدونياداعى قاۋىمدارعا+ قۇداي راقىمىن توككەنى جايلى حاباردار ەتكىمىز كەلەدى.
2 ولار قيىندىققا كەزىگىپ، قاتتى سىنالعاندا، تاقىر كەدەيلىگىنە قاراماستان، شەكسىز قۋاندى ٵرى جومارتتىق تانىتتى.
3 ويتكەنى مەن ولاردىڭ جاعدايلارىنا قاراي بەرگەنىنە+، ٴتىپتى ودان دا كوپ بەرگەنىنە+ كۋامىن.
4 ولار جومارت سيلارىمەن قاسيەتتىلەرگە قىزمەت ەتۋگە ٶز ۇلەسىن قوسۋعا مۇمكىندىك بەرۋىمىزدى سۇراپ جالىنىپ قويمادى+.
5 بۇل كۇتكەنىمىزدەن دە اسىپ ٴتۇستى. ولار ٴبارىن قويىپ، وزدەرىن الدىمەن يەمىزگە جانە قۇداي ەركى بويىنشا بىزگە قىزمەت ەتۋگە ارنادى.
6 بۇل بىزگە ٴتيتتى+ ارالارىڭدا ٶزى باستاعان سي-تارتۋ جيناۋ ٸسىن اياقتاۋعا تالپىندىرۋعا وي سالدى.
7 سەندەردە سەنىم، سويلەۋ قابىلەتى، ٴبىلىم، ىنتا-جىگەر جانە ٴبىز وزدەرىڭە كورسەتكەندەي سۇيىسپەنشىلىك — ٴبارى دە مول. تاپ سولاي، وسى جومارت سيلارىڭ دا مول بولسىن+.
8 مۇنى بۇيرىق رەتىندە ەمەس، باسقالاردىڭ ىنتا-ىقىلاسىنا مەڭزەپ، سۇيىسپەنشىلىكتەرىڭنىڭ شىنايىلىعىن سىناۋ ٷشىن ايتىپ تۇرمىن.
9 يەمىز يسا ٴماسىحتىڭ راقىمىن جاقسى بىلەسىڭدەر: ول كەدەيلىگىمەن سەندەردى بايىتۋ ٷشىن، ٶزى باي بولعانىنا قاراماستان، سەندەر ٷشىن كەدەي بولدى+.
10 بۇعان قاتىستى مەنىڭ ويىم+ — بۇل ٸستى قايتا قولعا العاندارىڭ وزدەرىڭ ٷشىن پايدالى. ٴبىر جىل بۇرىن بۇل ٸستى باستاپ قانا قويماي، وعان بار ىقىلاستارىڭمەن كىرىسكەن ەدىڭدەر.
11 ەندى سونى اياعىنا دەيىن جەتكىزىڭدەر. وسىلايشا قولدا بارلارىڭمەن ٴبولىسىپ، باسىندا ىقىلاس ەتكەن ىستەرىڭدى اياقتاڭدار.
12 ويتكەنى قۇدايعا اسىرەسە شىن ىقىلاسپەن بەرىلگەن سي-تارتۋ ۇنامدى. ول ادامنىڭ قولدا جوعىنا ەمەس، بارىنا قاراي قابىلدايدى+.
13 مەن باسقالاردىڭ جاعدايىن جەڭىلدەتىپ، ال سەندەردىكىن اۋىرلاتقىم كەلىپ وتىرعان جوق.
14 ٴبىراق تەڭ ٴبولىسۋ ارقىلى سەندەردەگى مولشىلىق ولاردىڭ، ال ولارداعى مولشىلىق سەندەردىڭ قاجەتتىلىكتەرىڭدى قامتاماسىز ەتپەك، سوندا ەكى جاق تا تەڭ بولادى.
15 وسىلايشا «كوپ جيناعان كىسىدە ارتىلعان جوق، از جيناعان دا مۇقتاج بولعان جوق» دەپ جازبادا ايتىلعانداي بولادى+.
16 ٴتيتتىڭ+ دە جۇرەگىندە سەندەردىڭ قامدارىڭدى ويلاۋعا دەگەن ىقىلاس وياتقانى ٷشىن قۇدايعا ريزاشىلىق ايتامىز.
17 سەبەبى تيت تىلەگىمىزدى قابىلداپ قانا قويعان جوق، زور ىقىلاس تانىتىپ، سەندەرگە ٶز ەركىمەن بارعالى جاتىر.
18 ونىمەن بىرگە تاعى ٴبىر باۋىرلاستى جىبەرىپ وتىرمىز. ونى بارلىق قاۋىمدار ىزگى حابار تاراتۋدا سىڭىرگەن ەڭبەگى ٷشىن ماقتايدى.
19 ونىڭ ۇستىنە، قاۋىمدار ونى وسى جومارت سي-تارتۋدى جەتكىزۋگە ارنالعان ساپارىمىزدا بىزگە سەرىك بولسىن دەپ تاعايىندادى. ٴبىز بۇل ٸستى يەمىزدى داڭقتاۋ ٷشىن جانە وزگەلەرگە قول ۇشىن بەرۋگە دايىن ەكەنىمىزدى دالەلدەۋ ٷشىن اتقارۋدامىز.
20 وزىمىزگە سەنىپ تاپسىرىلعان وسى مول ساداقانى تاراتۋعا قاتىستى+ بىزگە ەشكىمنىڭ ٴمىن تاققانىن قالامايمىز.
21 ٴبىز «ەحوبانىڭ عانا ەمەس، ادامداردىڭ دا الدىندا بارلىق ىستە ادال بولۋعا تىرىسامىز»+.
22 سونداي-اق ولارمەن قوسا، تاعى ٴبىر باۋىرلاستى جىبەرىپ وتىرمىز. ونىڭ ىنتا-جىگەرىنە تالاي كوزىمىز جەتتى. ول سەندەرگە نىق سەنىمدى بولعاندىقتان، قازىر ودان دا زور ىنتا-جىگەر تانىتىپ وتىر.
23 تيتكە قاتىستى قانداي دا ٴبىر سۇراقتارىڭ بولسا، ول مەنىڭ سەرىكتەسىم ٵرى سەندەردىڭ يگىلىكتەرىڭدى ويلايتىن قىزمەتتەسىم. ال باۋىرلاستارىمىزعا كەلسەك، ولار — قاۋىم وكىلدەرى جانە ٴماسىحتىڭ داڭقى.
24 سوندىقتان ولارعا سۇيىسپەنشىلىك تانىتىڭدار+، ٵرى وزدەرىڭدى قاۋىمدارعا نەلىكتەن ماقتايتىنىمىزدى كورسەتىڭدەر.