قورىنتتىقتارعا 2-حات 6:1—18
6 قۇدايمەن بىرگە ەڭبەكتەنىپ جۇرگەن+ ٴبىز مىنانى دا وتىنەمىز: قۇدايدىڭ راقىمىن قابىلداعان سەندەر ونىڭ قانداي ماقساتپەن كورسەتىلگەنىن ەلەۋسىز قالدىرماڭدار+.
2 سەبەبى ول: «ىقىلاسقا يە بولاتىن كەزدە مەن ساعان قۇلاق استىم. قۇتقارىلاتىن كۇنى كومەكتەستىم»+،— دەيدى. مىنە، قازىر ەرەكشە ىقىلاسقا يە بولاتىن كەز. مىنە، قازىر قۇتقارىلاتىن كۇن.
3 قىزمەتىمىزگە ەش ٴمىن تاعىلماس ٷشىن، وزگەلەردى سۇرىندىرەتىندەي ەش نارسە جاسامايمىز+.
4 قايتا، بارلىق جاعىنان ٶزىمىزدى قۇدايدىڭ قىزمەتشىسى رەتىندە تانىتامىز+. مۇنى كوپ جاعدايلاردا تاباندى بولۋ، قاسىرەت شەگۋ، مۇقتاجدىقتا بولۋ، قيىندىق كورۋ+،
5 ۇرىپ-سوعىلۋ، تۇرمەگە جابىلۋ+، دۇربەلەڭ كەزدەردى باستان كەشۋ، اۋىر ەڭبەك ەتۋ، تۇندەردى ۇيقىسىز وتكىزۋ، اس-سۋسىز قالۋىمىزبەن+،
6 سونداي-اق تازالىعىمىز، ٴبىلىمىمىز، شىدامدىلىعىمىز+، مەيىرىمدىلىگىمىز+، كيەلى رۋحتىڭ باسشىلىعىمەن جۇرۋىمىزبەن، شىنايى سۇيىسپەنشىلىگىمىزبەن+
7 جانە شىندىقتى ايتۋ، قۇدايدىڭ كۇشىنە سۇيەنۋ+، وڭ جانە سول قولىمىزعا ادىلدىك قارۋىن الۋ*+،
8 قۇرمەتكە يە بولۋ جانە ماسقارالانۋ، داتتالۋ جانە ماقتالۋ، وتىرىكشى دەپ ەسەپتەسە دە، شىنشىل بولۋ،
9 تانىمال بولىپ ەسەپتەلمەسەك تە، تانىمال بولۋ، ولىمگە لايىق سانالعانمەن، ٴتىرى ٴجۇرۋ+، جازالانعانداي كورىنگەنمەن، ولىمگە ۇستاپ بەرىلمەۋ+،
10 قايعىلى كورىنگەنمەن، قۋانىشتى بولۋ، كەدەي ەسەپتەلگەنمەن، كوپ ادامدى بايىتۋ، تۇگى جوقتاي كورىنگەنمەن، بارىنە يە بولۋىمىزبەن كورسەتەمىز+.
11 قورىنتتىقتار، ٴبىز سەندەرمەن اشىق سويلەستىك، جۇرەگىمىزدى دە ايقارا اشتىق.
12 سەندەرگە دەگەن جىلى سەزىمىمىزدى تەجەگەن جوقپىز+، ٴبىراق سەندەر بىزگە دەگەن جىلى سەزىمدەرىڭدى تەجەيسىڭدەر.
13 بالالارىمداي كورىپ ايتىپ تۇرمىن، سەندەر دە بىزگە جۇرەكتەرىڭدى ايقارا اشىڭدار+.
14 سەنبەيتىندەرمەن ٴبىر مويىنتۇرىقتى* كيمەڭدەر+. ادىلدىك پەن زاڭسىزدىق اراسىندا قانداي بايلانىس بار+؟ جارىق پەن قاراڭعىلىق اراسىندا ورتاق نە بار+؟
15 ٴماسىح پەن بەليار* اراسىندا بىرلىك بولا الا ما+؟ سەنۋشى مەن سەنبەيتىن ادامنىڭ اراسىندا ورتاق نە بار+؟
16 قۇدايدىڭ عيباداتحاناسى مەن پۇتتار اراسىندا قانداي كەلىسىم بولۋى مۇمكىن+؟ ٴبىز ٴتىرى قۇدايدىڭ عيباداتحاناسىمىز+. بۇل تۋرالى قۇداي بىلاي دەگەن: «مەن ورتالارىندا تۇرىپ+، ارالارىندا جۇرەمىن. مەن ولاردىڭ قۇدايى، ال ولار مەنىڭ حالقىم بولادى»+.
17 «سوندىقتان ولاردىڭ اراسىنان شىعىپ، بولەك تۇرىڭدار، بۇدان بىلاي ارام نارسەگە جولاماڭدار،— دەيدى ەحوبا»+. «سوندا مەن سەندەردى قابىلدايمىن»+.
18 «مەن اكەلەرىڭ+، ال سەندەر ۇل-قىزدارىم بولاسىڭدار+،— دەيدى قۇدىرەتى شەكسىز ەحوبا».
سىلتەمەلەر
^ شابۋىل جاساۋ جانە قورعانۋ ٷشىن بولسا كەرەك.
^ تۇسىندىرمەنى قاراڭىز.
^ «تۇككە جارامسىز» دەگەندى بىلدىرەتىن بۇل ەۆرەي ٴسوزى شايتانعا قاتىستى قولدانىلادى.
