عالاتتىقتارعا 5:1—26
5 ٴماسىح ٴبىزدى وسىنداي ەركىندىك ٷشىن ازات ەتتى. سوندىقتان بەرىك تۇرىڭدار+، قايتادان قۇلدىقتىڭ مويىنتۇرىعىن كيمەڭدەر+.
2 مەنىڭ، پاۋىلدىڭ، ايتارى مىناۋ: ەگەر سۇندەتتەلسەڭدەر، ماسىحتەن سەندەرگە ەش پايدا بولمايدى+.
3 سۇندەتتەلەتىن ٵربىر ادامعا تاعى ايتامىن، ول زاڭدى تۇگەل ورىنداۋعا مىندەتتى+.
4 زاڭ ارقىلى ٵدىل دەپ جاريالانۋعا تىرىساتىندار+، سەندەر ماسىحتەن اجىراپ، ونىڭ راقىمىنان ايىرىلدىڭدار.
5 ال ٴبىز كيەلى رۋح پەن سەنىمنىڭ ارقاسىندا ٵدىل دەپ ەسەپتەلەتىنىمىزگە ۇمىتتەنىپ، سونى اسىعا كۇتۋدەمىز.
6 يسا ماسىحپەن بىرلىكتەگىلەر ٷشىن ماڭىزدىسى — سۇندەتتەلۋ نە سۇندەتتەلمەۋ ەمەس+، سۇيىسپەنشىلىك ارقىلى ارەكەت ەتەتىن سەنىم.
7 جاقسى جۇگىرىپ بارا جاتىر ەدىڭدەر+، شىندىققا مويىنسۇنا بەرۋلەرىڭە كىم بوگەت بولدى؟
8 بۇعان سەندەردى سەندىرگەن — وزدەرىڭدى شاقىرعان قۇداي ەمەس.
9 ازعانا اشىتقى بۇكىل قامىردى اشىتادى+.
10 يەمىزبەن بىرلىكتەگى+ سەندەردىڭ مەنىمەن كەلىسەتىندەرىڭە سەنىمدىمىن. ال سەندەرگە قيىندىق تۋدىرىپ جۇرگەن ادام+، مەيلى ول كىم بولماسىن، لايىقتى جازاسىن الادى.
11 ال ماعان كەلسەك، باۋىرلاستار، ەگەر ٵلى دە سۇندەتتەلۋ كەرەك دەپ ۋاعىزداپ جۇرسەم، نەگە كۇنى بۇگىنگە دەيىن قۋدالانۋدامىن؟ وندا ازاپ باعاناسى* سۇرىندىرەتىن تاس بولماس ەدى عوي+.
12 سەندەردى مازالاپ جۇرگەندەردىڭ وزدەرىن تارتتىرىپ تاستاعانىن* قالار ەدىم.
13 باۋىرلاستار، قۇداي سەندەردى ەركىندىككە شاقىردى. ٴبىراق ەركىندىكتى تاندىك قۇمارلىقتارىڭدى قاناعاتتاندىرۋ ٷشىن پايدالانباڭدار+، قايتا، ٴبىر-بىرىڭە سۇيىسپەنشىلىكپەن قىزمەت ەتىڭدەر+.
14 سەبەبى بۇكىل زاڭ «وزگە ادامدى ٶزىڭدى سۇيگەندەي ٴسۇي» دەگەن ٴبىر زاڭدى ورىنداۋدى بىلدىرەدى*+.
15 ٴبىراق ەگەر تىستەسىپ، ٴبىر-ٴبىرىڭدى جالماي بەرسەڭدەر+، وندا ٴبىرىڭدى-ٴبىرىڭ قۇرتىپ جىبەرۋدەن ساق بولىڭدار+!
16 ال مەنىڭ ايتارىم — كيەلى رۋحتىڭ جەتەلەۋىمەن ٴجۇرۋدى دوعارماڭدار+، سوندا ەشقانداي تاندىك قۇمارلىققا بەرىلمەيسىڭدەر+.
17 ويتكەنى ٴتاننىڭ قالاۋى رۋحتىكىنە، ال رۋحتىكى تاندىكىنە قارسى. بۇلار ٴبىر-بىرىنە قارسى. وسىلايشا سەندەر ىستەگىلەرىڭ كەلگەندى ىستەمەيسىڭدەر+.
18 ال رۋحتىڭ جەتەلەۋىمەن جۇرسەڭدەر، سەندەرگە زاڭنىڭ بيلىگى جۇرمەيدى.
19 ٴتاننىڭ ىستەرى بەلگىلى، ولار — ازعىندىق*+، ارام ىستەر، ورەسكەلدىك*+،
20 پۇتقا تابىنۋشىلىق، باقسى-بالگەرلىك*+، قاسكويلىك، جانجالقويلىق، قىزعانىش، اشۋ-ىزاعا بەرىلۋ، تالاس-تارتىس، الاۋىزدىق، سەكتالار قۇرۋ،
21 ٸشتارلىق، ماسكۇنەمدىك+، ىردۋ-دىردۋ توي-دۋمان قۇرۋ جانە وسى سياقتىلار+. بۇرىن ەسكەرتكەنىمدەي، تاعى ەسكەرتەمىن، وسىندايمەن اينالىساتىندار قۇداي پاتشالىعىن مۇرا ەتپەيدى+.
22 ال كيەلى رۋحتىڭ جەمىسى — سۇيىسپەنشىلىك، قۋانىش، تاتۋلىق*، شىدامدىلىق، مەيىرىمدىلىك، ىزگىلىك+، سەنىم،
23 جۇمساقتىق، ۇستامدىلىق+. بۇلارعا قارسى ەش زاڭ جوق.
24 ونىڭ ۇستىنە، ٴماسىح يسانىڭ مەنشىگىندەگىلەر ٶز تاندەرىمەن قوسا، قۇمارلىقتارى مەن قالاۋلارىن دا باعاناعا ىلگەن+.
25 ەگەر رۋحتىڭ جەتەلەۋىمەن ٶمىر ٴسۇرىپ جاتساق، ٵرى قاراي دا رۋحتىڭ جەتەلەۋىمەن جۇرە بەرەيىك+.
26 اتاققۇمار بولىپ+، ٴبىر-ٴبىرىمىزدى باقتالاستىققا يتەرمەلەمەيىك+، ىشتارلىق تا جاسامايىق.
سىلتەمەلەر
^ تۇسىندىرمەنى قاراڭىز.
^ نەمەسە «وزدەرىن ٴپىشتىرىپ تاستاعاندارىن؛ اتەك بولعاندارىن». مۇنداي ادامدار زاڭ تالاپتارىن ورىنداۋعا جارامسىز بولىپ قالادى.
^ مۇمكىن: «ٴبىر زاڭعا سايادى».
^ گرەكشە «پورنيا». تۇسىندىرمەنى قاراڭىز.
^ نەمەسە «ۇياتسىزدىق». گرەكشە «اسەلگيا». تۇسىندىرمەنى قاراڭىز.
^ نەمەسە «سپيريتيزم». تۇسىندىرمەنى قاراڭىز.
^ نەمەسە «تىنىشتىق».
