عالاتتىقتارعا 2:1—21
2 ون ٴتورت جىلدان كەيىن تاعى دا يەرۋساليمگە كوتەرىلدىم. بۇل جولى بارنابامەن+ بىرگە باردىم، قاسىمىزدا تيت تە بولدى+.
2 مەن وندا ايان العاندىقتان باردىم، ٵرى بەدەلدى باۋىرلاستارمەن جەكە سويلەسىپ، اتقارعان جانە اتقارىپ جۇرگەن قىزمەتىم بەكەر بولماس ٷشىن، باسقا ۇلت ادامدارىنا ۋاعىزداپ جۇرگەن ىزگى حاباردى ايتىپ بەردىم.
3 ٴبىراق قاسىمداعى ٴتيتتىڭ+، گرەك بولعانىنا قاراماستان، سۇندەتتەلۋىن ەشكىم تالاپ ەتپەدى+.
4 بۇل ماسەلەنى كوتەرگەن — جالعان باۋىرلاستار. ٴماسىح جولىنداعى ەركىندىگىمىزگە+ نۇقسان كەلتىرۋدىڭ جولىن ىزدەگەن ولار قاۋىمعا تىڭشى ىسپەتتى ۇرلانىپ ەنىپ الىپ+، ٴبىزدى زاڭنىڭ قۇلى ەتپەك+.
5 ٴبىراق ىزگى حاباردىڭ شىندىعى سەندەرمەن قالا بەرۋ ٷشىن، ٴبىز ولارعا ٴبىر ساتكە دە باعىنعان جوقپىز+.
6 ال بەدەلدى دەپ ەسەپتەلەتىن باۋىرلاستارعا+ كەلسەك — كەزىندە ولاردىڭ قانداي بولعانى مەن ٷشىن ماڭىزدى ەمەس، سەبەبى قۇداي ادامنىڭ سىرت كورىنىسىنە قارامايدى — ولار ماعان جاڭا ەشتەڭە ايتقان جوق.
7 قايتا، پەتىرگە سۇندەتتەلگەندەرگە ىزگى حاباردى جەتكىزۋ تاپسىرىلعانىنداي، ماعان ونى سۇندەتتەلمەگەندەرگە جەتكىزۋ تاپسىرىلعانىن+
8 (ويتكەنى سۇندەتتەلگەندەرگە ەلشى بولۋ ٷشىن پەتىرگە بيلىك بەرگەن قۇداي باسقا ۇلتتارعا ەلشى بولۋ ٷشىن ماعان دا بيلىك بەردى+)
9 جانە قۇدايدىڭ ماعان راقىمىن تۇسىرگەنىن كورگەندە+، قاۋىمنىڭ تىرەگى دەپ ەسەپتەلەتىن جاقىپ+، كەفا، جوحان ۇشەۋى بارنابا ەكەۋمىزگە+ وڭ قولدارىن ۇسىنىپ، وسىلاي ٴبىز باسقا ۇلتتارعا، ال ولار سۇندەتتەلگەندەرگە باراتىن بولىپ كەلىستىك.
10 ولار كەدەي باۋىرلاستاردى ۇمىتپاۋىمىزدى عانا ٶتىندى، ٶزىم دە سولاي ەتۋگە ىنتالى ەدىم+.
11 ٴبىراق پەتىر+ انتيوحياعا كەلگەندە+، قاتەلىگىن بەتىنە ايتتىم: ونىڭ قىلىعى ايىپتاۋعا تۇرارلىق ەدى.
12 سەبەبى جاقىپتان+ كىسىلەر كەلگەنشە، ول باسقا ۇلت ادامدارىمەن ٸشىپ-جەپ جۇرەتىن+. ال الگىلەر كەلگەن سوڭ، سۇندەتتەلۋدى جاقتايتىنداردان+ قايمىققاندىقتان مۇنىسىن دوعارىپ، ولاردان قاشقاقتاي باستادى.
13 ونىمەن بىرگە باسقا ياھۋديلەر دە ەكىجۇزدىلىك تانىتتى، ولارعا ٴتىپتى بارنابا دا ەردى.
14 ٴبىراق مەن ولاردىڭ ىزگى حاباردىڭ شىندىعىنا قايشى ارەكەت ەتكەنىن كورگەندە+، ٴبارىنىڭ كوزىنشە كەفاعا: «ٶزىڭ ياھۋدي بولا تۇرا، ياھۋدي ەمەس، باسقا ۇلت ادامدارى ىسپەتتى ٶمىر سۇرسەڭ، قالايشا باسقا ۇلت ادامدارىن ياھۋدي داستۇرىنە ساي ٶمىر سۇرۋگە ماجبۇرلەيسىڭ؟»+— دەدىم.
15 ٴبىز باسقا ۇلتتىق كۇناكارلار سياقتى ەمەسپىز، ياھۋدي بولىپ تۋىلعانبىز.
16 ٴبىز ادامنىڭ زاڭدى ۇستانۋ ارقىلى ەمەس، ٴماسىح يساعا سەنۋ ارقىلى عانا ٵدىل دەپ جاريالاناتىنىن بىلەمىز+. سوندىقتان زاڭدى ۇستانۋ ارقىلى ەمەس، ماسىحكە سەنۋ ارقىلى ٵدىل دەپ جاريالانۋ ٷشىن ٴماسىح يساعا سەندىك. ويتكەنى ەشكىم دە زاڭدى ۇستانۋ ارقىلى ٵدىل دەپ جاريالانبايدى+.
17 ەگەر ٴماسىح ارقىلى ٵدىل دەپ جاريالانۋعا ۇمتىلىپ جۇرگەن بىزدەر دە كۇناكار بولىپ شىقساق، ٴماسىح كۇنانىڭ قىزمەتشىسى بولعانى ما؟ مۇلدەم ولاي ەمەس!
18 ويتكەنى كەزىندە ٶزىم قيراتقاندى قايتا تۇرعىزسام، زاڭ بۇزۋشى بولار ەدىم.
19 ال مەن قۇداي ٷشىن ٴتىرى بولايىن دەپ، زاڭ ارقىلى سول زاڭ ٷشىن ٶلى بولدىم+.
20 مەن ماسىحپەن بىرگە باعاناعا ٸلىندىم+. سوندىقتان ەندى ٶزىم ەمەس+، بويىمدا ٴماسىح ٶمىر سۇرۋدە. ٴيا، مەن قۇداي ۇلىنا دەگەن سەنىمىم ارقىلى ٶمىر ٴسۇرىپ جاتىرمىن+. ول مەنى سۇيگەندىكتەن، مەن ٷشىن ٶمىرىن بەردى+.
21 مەن قۇدايدىڭ راقىمىنان+ باس تارتپايمىن. سەبەبى ادام زاڭدى ۇستانۋ ارقىلى ٵدىل بولسا، ٴماسىحتىڭ بەكەرگە ولگەنى عوي+.
