15-ساباق
اقساقالدار قاۋىمدا قانداي قىزمەت اتقارادى؟
ٴبىزدىڭ ۇيىمىمىزدا اقىلى قىزمەت اتقاراتىن ٴدىني قىزمەتكەرلەر جوق. الايدا، العاشقى ماسىحشىلەردىڭ قاۋىمىنداعىداي، وتارعا تەڭەلەتىن قۇداي «قاۋىمىن باعۋ» ٷشىن لايىقتى ەر كىسىلەر باقىلاۋشىلار رەتىندە تاعايىندالادى (ەلشىلەردىڭ ىستەرى 20:28). رۋحاني تولىسقان بۇل باقىلاۋشىلار، ياعني اقساقالدار، قاۋىمدا جەتەكشىلىك ەتەدى. ولار قاۋىمدى «ىقتيارسىز ەمەس، شىن كوڭىلمەن، قانداي دا ٴبىر پايدا كوزدەپ ەمەس، بار ىنتا-جىگەرمەن باعادى» (پەتىردىڭ 1-حاتى 5:1—3). اقساقالدار ٴبىزدىڭ يگىلىگىمىز ٷشىن قانداي ىستەر اتقارادى؟
ولار بىزگە قامقورلىق كورسەتەدى. اقساقالدار قاۋىم مۇشەلەرىنە قۇداي سوزىنە نەگىزدەلگەن باسشىلىق بەرىپ، ولاردى رۋحاني جاعىنان قورعايدى. وزدەرىنە وسىنداي جاۋاپتى مىندەت جۇكتەلگەنىن تۇسىنەتىندىكتەن، اقساقالدار قۇدايدىڭ وتارىنا ۇستەمدىك ەتپەيدى. قايتا، ولار ٴبىزدىڭ قۋانىشتى بولىپ ٴجۇرۋىمىز ٷشىن قام جاسايدى (قورىنتتىقتارعا 2-حات 1:24). شوپاننىڭ ٵربىر قويىنا بارىنشا قامقورلىق كورسەتەتىنى سياقتى، اقساقالدار دا قاۋىمنىڭ ٵربىر مۇشەسىنە كوڭىل بولۋگە تىرىسادى (ناقىل سوزدەر 27:23).
ولار بىزگە قۇداي ەركىن ورىنداۋدى ۇيرەتەدى. سەنىمىمىزدى نىعايتۋ ٷشىن اقساقالدار اپتا سايىن وتەتىن قاۋىم كەزدەسۋلەرىندە ٴتالىم بەرەدى (ەلشىلەردىڭ ىستەرى 15:32). سونداي-اق بۇل ادال ەر كىسىلەر بىزبەن بىرگە ۋاعىزعا شىعۋ ارقىلى جانە ونى قالاي تيىمدىرەك اتقارۋعا بولاتىنىن ۇيرەتۋ ارقىلى ۋاعىز ىسىندە دە باسشىلىق بەرەدى.
ولار ٵربىرىمىزدى نىعايتىپ، جىگەرلەندىرەدى. ٵرقايسىمىزعا رۋحاني جاعىنان قولداۋ كورسەتۋ ٷشىن جەرگىلىكتى اقساقالدار پاتشالىق سارايىندا نە ۇيىمىزگە كەلىپ، بىزبەن اڭگىمەلەسۋى مۇمكىن. مۇندايدا ولار ٶز كومەكتەرىن ۇسىنادى ٵرى كيەلى جازبالارداعى جۇبانىش سوزدەرىمەن بولىسەدى (جاقىپ 5:14، 15).
قاۋىمداعى مىندەتتەرىن اتقارۋمەن قاتار، اقساقالداردىڭ كوبىسى جۇمىس ىستەيدى. ولاردىڭ ۋاقىت پەن كوڭىل ٴبولۋدى قاجەت ەتەتىن وتباسىلارى دا بار. ايانباي ەڭبەك ەتەتىن بۇل باۋىرلاستاردىڭ قۇرمەتىمىزگە لايىق ەكەنى ٴسوزسىز (سالونيكالىقتارعا 1-حات 5:12، 13).
-
اقساقالدار قاۋىمدا قانداي قىزمەت اتقارادى؟
-
اقساقالدار ٵربىرىمىزدى قالاي قامقورلايدى؟