يسا پايعامباردىڭ قۇرباندىعىنىڭ يگىلىگىن كورىڭىز
ەحوبا كۋاگەرلەرى ٵر جىل سايىن يسا پايعامباردى ەسكە الادى. بۇلاي ەتۋدى يسانىڭ ٶزى بۇيىرعان (لۇقا 22:19). بۇل كەشكە كۋاگەرلەر ميلليونداعان باسقا دا ادامداردى شاقىرادى. وسى كەشتە يسا پايعامباردىڭ ادامزاتتىڭ يگىلىگى ٷشىن نە ىستەگەنى تۇسىندىرىلەدى. سونداي-اق ونىڭ قۇرباندىعىنىڭ پايداسىن قازىر جانە بولاشاقتا قالاي كورەتىنىمىزدى بىلە الاسىز (جوحان 3:16).
ٴسىز وسى جىلى ەسكە الۋ كەشىنە كەلە الساڭىز دا، كەلە الماساڭىز دا يسانىڭ قۇرباندىعىنىڭ پايداسىن قالاي كورە الاسىز؟ يسا پايعامبار بىزگە مىنا ەكى ماڭىزدى نارسەنى ىستەۋدى ايتقان:
1. قۇداي مەن يسا جايلى ٴبىلۋ. بىردە يسا كوكتەگى اكەسىنە دۇعا ەتكەندە كەلەسىدەي سوزدەردى ايتقان: «ماڭگىلىك ومىرگە يە بولۋ ٷشىن سەنى، جالعىز شىنايى قۇدايدى، جانە ٶزىڭ جىبەرگەن يسا ٴماسىحتى تانىپ-ٴبىلۋ كەرەك» (جوحان 17:3).
2. بىلگەندەرىمىزگە ساي ارەكەت ەتۋ. يسا پايعامبار ونىڭ ايتقان اقىل-كەڭەستەرىن ومىردە قولدانۋ كەرەكتىگىن ايتقان. مىسالى، ول تاۋداعى ۋاعىزىن اياقتاپ جاتىپ، تىڭداۋشىلارىنا: «ايتقاندارىمدى ەستىپ، ولاردى ورىنداڭدار»،— دەگەن (لۇقا 6:46—48). ال تاعى بىردە: «وسىلاردى ٴبىلىپ قانا قويماي، سوعان ساي ارەكەت ەتسەڭدەر، باقىتتىسىڭدار»،— دەپ ايتقان (جوحان 13:17).
ٴسىز دە قۇداي مەن يسا پايعامبار جايلى كوبىرەك بىلگىڭىز كەلەر مە ەدى؟ بىلگەندەرىڭىزدى ٸس جۇزىندە قولدانۋدى ۇيرەنگىڭىز كەلە مە؟ وسى ورايدا سىزگە مىنا نارسەلەر كومەك بولادى:
كيەلى كىتاپ كۋرسى
ٴبىزدىڭ تەگىن كۋرسىمىز كوپتەگەن ادامعا كيەلى كىتاپتى تۇسىنۋگە جانە ونداعى كەڭەستەردىڭ پايداسىن كورۋگە كومەكتەستى.
كۋرس جايلى كوبىرەك ٴبىلۋ ٷشىن «تالىمگەردىڭ كومەگىمەن وتەتىن كيەلى كىتاپ كۋرسى» دەگەن بەتتى اشىڭىز.
كيەلى كىتاپتى زەرتتەۋ ساباقتارى قالاي وتەتىنىن ٴبىلۋ ٷشىن «قۇداي ٴسوزىن تالقىلاۋ ساباقتارىنا قوش كەلدىڭىز!» دەپ اتالاتىن ۆيدەونى كورىڭىز.
ەحوبا كۋاگەرلەرىنىڭ كەزدەسۋلەرى
ەحوبا كۋاگەرلەرى اپتاسىنا ەكى رەت پاتشالىق سارايى دەپ اتالاتىن عيبادات ورىندارىندا جينالادى. بۇل كەزدەسۋلەردە ٴبىز كيەلى كىتاپتى تالقىلاپ، ونىڭ تالىمدەرىن ومىردە قولدانۋدى ۇيرەنەمىز.
كەلەم دەۋشىلەرگە ەسىك اشىق، ول ٷشىن كۋاگەر بولۋ شارت ەمەس. ٴسىز تۇرىپ جاتقان جەردەگى جاعدايعا قاراي كەزدەسۋگە جۇزبە-ٴجۇز نە بەينەكونفەرەنسيا ارقىلى قاتىسا الاسىز.
كەزدەسۋلەردىڭ قالاي وتەتىنىن ٴبىلۋ ٷشىن «پاتشالىق سارايىندا نە ٷشىن جينالامىز؟» دەگەن ۆيدەونى كورىڭىز.
سىزگە جاقىن جەردە وتەتىن كەزدەسۋلەردى كورۋ ٷشىن «ەحوبا كۋاگەرلەرىنىڭ قاۋىم كەزدەسۋلەرى» دەگەن بەتتى اشىڭىز.
ونلاين ماقالالار مەن ۆيدەولار
ٴبىزدىڭ سايتىمىزداعى كوپتەگەن ماقالالار مەن ۆيدەولاردان يسا پايعامباردىڭ ۇيرەتكەن تالىمدەرى مەن ونىڭ تولەم قۇرباندىعىنىڭ ماڭىزدىلىعىن بىلە الاسىز.
مىسالى، قالايشا ٴبىر ادامنىڭ ٶلىمى ميلليونداعان ادامدى قۇتقارا الاتىنىن ٴبىلۋ ٷشىن «يسا ٴماسىح ٴبىزدى قايتىپ قۇتقارادى؟» (حانزۇشا)، «نەگە يسا پايعامبار ازاپ شەگىپ ٶلۋ كەرەك بولدى؟» دەگەن ماقالالاردى وقىڭىز جانە «يسا پايعامبار نە ٷشىن ٶلدى؟» دەگەن ۆيدەونى كورىڭىز.
قىزىقتى بولار مالىمەتتەر
ESSENTIAL BIBLE TEACHINGS
يسا پايعامبار نە ٷشىن ٶلدى؟
كيەلى كىتاپتا يسا پايعامباردىڭ ٶلىمىنىڭ ٴمانى زور ەكەنى ايتىلعان. ونىڭ ٶلىمىنىڭ ٴمانى نەدە؟
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.
ٴبىز جونىندە
قاۋىم كەزدەسۋىنە كەلىڭىز
ٴبىزدىڭ كەزدەسۋلەرىمىز جايلى تولىعىراق ٴبىلىڭىز. وزىڭىزگە جاقىن جەردەگى كەزدەسۋدىڭ مەكەنجايىن تابىڭىز.
ٴبىز جونىندە
يسا ٴماسىحتىڭ ولگەن كۇنىن ەسكە الۋ كەشى
جىل سايىن ميلليونداعان ادام يسانىڭ ولگەن كۇنىن ەسكە الۋ كەشىنە جينالادى. وسى ماڭىزدى جيىننىڭ ٴسىز ٷشىن قانداي پايداسى بار ەكەنىن بىلۋگە شاقىرامىز.
