تۇرمىستىق زورلىق-زومبىلىق قۇرباندارىنا كومەك
دۇنيەجۇزىلىك دەنساۋلىق ساقتاۋ ۇيىمىنىڭ مالىمدەۋىنشە، «ايەلدەرگە قارسى زورلىق-زومبىلىق ىندەت ٴتارىزدى جايىلىپ كەتكەن ٵرى ول شۇعىل تۇردە شارا قولدانۋدى تالاپ ەتەدى». وسى ٷيىمنىڭ جۇرگىزگەن زەرتتەۋىنە ساي، ايەلدەردىڭ 30 پايىزعا جۋىعىن كۇيەۋلەرى نە بىرگە تۇراتىن ەر ادامدارى ۇرىپ-سوعادى جانە > نەمەسە جىنىستىق زورلىق كورسەتەدى. بۇۇ مالىمەتىنە قاراعاندا، سوڭعى جىلداردىڭ بىرىندە الەمدە كۇنىگە 137 ايەل كۇيەۋىنىڭ نەمەسە جاقىن تۋىسىنىڭ قولىنان قازا تاپقان a.
جوعارىداعى ستاتيستيكادان تۇرمىستىق زورلىق-زومبىلىقتىڭ اۋقىمىن كورەمىز. ٴبىراق ودان قۇربانداردىڭ جاراقاتتارى مەن جان جارالارىن كورمەيمىز.
ٴسىز تۇرمىستىق زورلىق-زومبىلىق كورىپ ٴجۇرسىز بە؟ بالكىم، بۇعان كەزىگىپ جۇرگەن بىرەۋدى بىلەتىن شىعارسىز؟ ولاي بولسا، كيەلى كىتاپتان الىنعان كەلەسى ويلار سىزگە جۇبانىش بەرەدى دەپ ۇمىتتەنەمىز.
بۇعان ٴسىز كىنالى ەمەسسىز
كيەلى كىتاپتا بىلاي دەلىنگەن: «ٵرقايسىسىمىز ٶز ٸس-ارەكەتىمىز ٷشىن قۇداي الدىندا ەسەپ بەرەمىز» (ريمدىكتەرگە 14:12).
مىنانى ۇمىتپاڭىز: ٴسىزدى جابىرلەگەن ادام ٶز ىسىنە جاۋاپتى.
ەگەر ول ٶزىنىڭ ارەكەتتەرى ٷشىن ٴسىزدى كىنالاسا، سەنبەڭىز. نازىك جاندىلاردىڭ ەشقايسىسى دا قورلىق كورۋگە مىندەتتى ەمەس، قايتا سۇيىسپەنشىلىككە لايىق (قولوستىقتارعا 3:19).
كەي جاعدايدا ادام پسيحيكالىق اۋىتقۋى بولعاندىقتان، ۇيىندە زورلىق كورىپ وسكەندىكتەن نەمەسە ىشىمدىكتىڭ اسەرىمەن باسقانى جابىرلەيدى. دەسە دە، ول ٶز ارەكەتتەرى ٷشىن قۇدايدىڭ الدىندا جاۋاپ بەرەدى. مىنەز-قۇلقىن ٴسىز ەمەس، ول وزگەرتۋى ٴتيىس.
وزگەلەردىڭ كومەگىنە جۇگىنىڭىز
كيەلى كىتاپتا بىلاي دەلىنگەن: «كەڭەسشى كوپ بولسا، [جوسپار] جۇزەگە اسادى» (ناقىل سوزدەر 15:22).
مىنانى ۇمىتپاڭىز: ٶز جانىڭىز ٷشىن قورىقساڭىز جانە نە ىستەرىڭىزدى بىلمەسەڭىز، وزگەلەردىڭ كومەگىنە جۇگىنىڭىز.
نەگە سولاي ەتكەنىڭىز دۇرىس؟ ويتكەنى تۇرمىستىق زورلىق-زومبىلىق — وتە كۇردەلى ماسەلە. ٷي ىشىندە الىمجەتتىكتەن زارداپ شەگەتىن ادامعا شەشىم قابىلداۋ ٷشىن كوپ جايتتى ەسكەرۋ كەرەك. مىسالى:
جەكە باستىڭ اماندىعىن
بالالاردىڭ اماندىعىن
قاراجات ماسەلەسىن
سەرىگىڭىزگە دەگەن ماحابباتىڭىزدى
ول وزگەرەتىن شىعار دەگەن ٷمىتىڭىزدى
بالكىم، ويىڭىز سان ساققا كەتىپ، نە ىستەرىڭىزدى بىلمەي قينالىپ كەتكەن شىعارسىز. سىزگە كىم كومەكتەسە الادى؟
ادال دوسىڭىز نە تۋىسىڭىز سىزگە قاجەتتى كومەك كورسەتە الادى. ٴسىزدى ۋايىمدايتىن اداممەن ٸشىڭىزدى اقتارىپ سويلەسكەننىڭ وزىنەن اجەپتاۋىر جەڭىلدەپ قالاسىز.
تۇرمىستىق زورلىق-زومبىلىق قۇرباندارىنا ارنالعان سەنىم تەلەفوندارى بويىنشا حابارلاسىپ، تەز كومەك الۋعا بولادى. ول جەردەگى قىزمەتكەرلەر سىزگە قاۋىپسىزدىك شارالارىن تۇسىندىرەدى. ەگەر سەرىگىڭىز ٶزىنىڭ سونداي پروبلەماسى بارىن مويىنداسا، كومەك كورسەتەتىن مەكەمەنىڭ قىزمەتكەرلەرى وعان قاجەتتى كەڭەستەر بەرە الادى.
باسقا دا جەدەل كومەك كورسەتۋ مەكەمەلەرى بار. دەنساۋلىعىڭىزعا ٴقاۋىپ تونگەندە، جەدەل كومەككە جۇگىنىڭىز. مىسالى، دارىگەرلەرگە، مەدبيكەلەرگە نە باسقا دا بىلىكتى ماماندارعا.
ٴسىز جالعىز ەمەسسىز
كيەلى كىتاپتا بىلاي دەلىنگەن: «جۇرەگى جارالى جانعا ەحوبا b جاقىن تۇرادى، ساعى سىنعانداردى قۇتقارادى» (ٴزابۇر 34:18).
مىنانى ۇمىتپاڭىز: قۇداي سىزگە كومەكتەسۋدى ۋادە ەتەدى.
ەحوبا قۇداي ٴسىزدىڭ قامىڭىزدى ويلايدى (پەتىردىڭ 1-حاتى 5:7). ول جاندۇنيەڭىزدى جاقسى تۇسىنەدى. ٴسىز قۇداي ٴسوزى كيەلى كىتاپتان جۇبانىش تابا الاسىز. جاراتۋشىمىز وعان دۇعا ەتىپ، سيىنعانىمىزدى قالايدى. ودان قازىرگى جاعدايىڭىزدا دۇرىس ارەكەت ەتۋگە كومەكتەسەتىن دانالىق پەن كۇش سۇراڭىز (يشايا 41:10).
زورلىق-زومبىلىق توقتايدى
كيەلى كىتاپتا بىلاي دەلىنگەن: «اركىم ٶز ٴجۇزىم بۇتاسى مەن ٸنجىر اعاشىنىڭ تۇبىندە وتىرادى، ەشكىم دە ولاردى قورقىتپايدى» (ميحا 4:4).
مىنانى ۇمىتپاڭىز: كيەلى كىتاپتا ٵر ادام ٶز ۇيىندە ٶزىن ٴقاۋىپسىز سەزىنەتىن ۋاقىت كەلەتىنى ايتىلعان.
ٴبىزدىڭ پروبلەمالارىمىزدى تەك ەحوبا قۇداي عانا ٴبىرجولا شەشىپ بەرە الادى. قۇداي سوزىندە بىلاي دەلىنگەن: «قۇداي ولاردىڭ كوزىندەگى ٵربىر جاستى ٴسۇرتىپ تاستايدى، ەندى قايتىپ ٶلىم، جوقتاۋ، زار ەڭىرەۋ مەن اۋرۋ بولمايدى» (ايان 21:4). سول كەزدە بۇرىن بولعان جاعىمسىز جاعدايلار ٴتىپتى ەسكە دە كەلمەيدى. ولاردىڭ ورنىن جاعىمدى ويلار باسادى (يشايا 65:17). كيەلى كىتاپ بولاشاقتا ناعىز تىنىشتىق ورنايتىنىن ۋادە ەتەدى.
قىزىقتى بولار مالىمەتتەر
جاستاردىڭ ساۋالدارى
جىنىستىق زورلىققا قاتىستى نەنى ٴبىلۋىم كەرەك؟ (1-ٴبولىم). قورعانۋ شارالارى
جىنىستىق زورلىققا ۇشىراۋدان اۋلاق جۇرۋگە كومەكتەسەتىن ٷش كەڭەس.
ESSENTIAL BIBLE TEACHINGS
قۇداي نەگە قايعى-قاسىرەتكە جول بەرەدى؟
كيەلى كىتاپتا بۇل سۇراققا قاتىستى جۇبانىش بەرەتىن تولىققاندى جاۋاپ بار.
