Andũ aingĩ monaga ta gũtarĩ hĩndĩ andũ magaatiga gũthutũkanio nĩ ũndũ wa rũrĩrĩ rwao.

•   “Mũthutũkanio nĩ ũthiĩte na mbere gũthũkia mathondeka ma andũ, na ũtũũro wa andũ wa o mũthenya kũndũ guothe thĩinĩ wa thĩ. Ũtũmaga andũ marũmbũyanie na arĩa angĩ na njĩra ĩtarĩ ya kĩhooto.”—António Guterres, UN Secretary-General.

 Hihi kũrĩ hĩndĩ mũthutũkanio ũgaathira? Bibilia yugaga atĩa?

 Bibilia nĩ ĩtũrutaga ũrĩa Ngai onaga andũ a ndũrĩrĩ itiganĩte.

•   “[Ngai] oombire andũ a ndũrĩrĩ ciothe kuumana na mũndũ ũmwe nĩguo maikare kũndũ guothe thĩinĩ wa thĩ.”—Atũmwo 17:26.

•   “Ngai ndarĩ mũthutũkanio, no thĩinĩ wa ndũrĩrĩ ciothe, mũndũ ũrĩa ũmwĩtigĩrĩte na wĩkaga ũrĩa kwagĩrĩire nĩ etĩkĩrĩkaga nĩ we.”—Atũmwo 10:34, 35.

 Bibilia yonanagia atĩ andũ othe nĩ a famĩlĩ ĩmwe na atĩ Ngai etĩkagĩra andũ a ndũrĩrĩ ciothe.

 Mũthutũkanio ũkaaniinwo nĩ Ũthamaki wa Ngai, kana thirikari ya igũrũ. Thirikari ĩyo nĩ ĩkaaruta andũ ũrĩa magĩrĩirũo kũrũmbũyania na andũ arĩa angĩ na njĩra ĩrĩa yagĩrĩire. Andũ nĩ makeruta ũrĩa mangĩniina mũthutũkanio o wothe mangĩkorũo naguo.

•   “Aikari a bũrũri nĩ [makeruta] ũhoro wĩgiĩ ũthingu.”—Isaia 26:9.

•   “Moimĩrĩro ma ũthingu wa ma magaakorũo marĩ thayũ, namo maciaro ma ũthingu wa ma magaakorũo marĩ ũhooreri na ũgitĩri wa gũtũũra.”—Isaia 32:17.

 Ũmũthĩ, andũ milioni nyingĩ nĩ mareruta kuuma Bibilia-inĩ ũrĩa mangĩrũmbũyania na andũ arĩa angĩ na njĩra ya gĩtĩo.

•   Nĩguo wĩrute makĩria, thoma ngathĩti ya Amkeni! ĩrĩ na kĩongo, “Je, Inawezekana Kuushinda Ubaguzi?”

•   Nĩguo wĩrute ũrĩa aciari mangĩarĩrĩria ũhoro wĩgiĩ mũthutũkanio na ciana ciao, thoma gĩcunjĩ kĩrĩ na kĩongo “Unaweza Kuzungumzaje na Watoto Wako Kuhusu Ubaguzi?”