Marũa ma Mbere ma Petero 4:1-19
4 Tondũ Kristo nĩ aanyamarĩkire thĩinĩ wa mwĩrĩ-rĩ,+ o na inyuĩ mwĩhaarĩriei mũrĩ na mwerekera o ta ũcio wa meciria;* nĩ gũkorũo mũndũ ũrĩa ũnyamarĩkĩte thĩinĩ wa mwĩrĩ nĩ atiganĩte na mehia,+
2 nĩguo atũũre ihinda rĩake rĩrĩa rĩtigarĩte thĩinĩ wa mwĩrĩ, ti tondũ wa merirĩria ma andũ rĩngĩ,+ ĩndĩ nĩ tondũ wa wendi wa Ngai.+
3 Nĩ gũkorũo ihinda rĩrĩa ihĩtũku nĩ rĩiganĩte gũkorũo mwĩkĩte wendi wa ndũrĩrĩ+ hĩndĩ ĩrĩa mweingĩragia mĩtugo-inĩ ya rũtũrĩko,* thuti njũru, kũnyua njohi gũkĩria njano, ciathĩ cia kũnyua njohi, maruga makĩrĩtie njano, na kũhoya mĩhianano ĩrĩ magigi.+
4 Nĩ magegaga kuona atĩ mũtithiaga na mbere gũteng’era hamwe nao njĩra-inĩ ĩyo njũru ya waganu, na nĩ ũndũ ũcio makaria maũndũ moru mamwĩgiĩ.+
5 No andũ acio nĩ makoorio nĩ ũrĩa wĩhaarĩirie gũtuĩra arĩa marĩ muoyo na arĩa makuĩte.+
6 Na nĩkĩo ũhoro ũrĩa mwega wahunjĩirio nginya arĩa makuĩte,+ nĩgetha o na gũtuĩka nĩ matuagĩrũo thĩinĩ wa mwĩrĩ kũringana na mawoni ma andũ, matũũre matongoretio nĩ roho kũringana na mawoni ma Ngai.
7 No mũthia wa maũndũ mothe nĩ ũkuhĩrĩirie. Nĩ ũndũ ũcio, gĩai na meciria mega,+ na mũkoragwo mwĩiguĩte ũhoro-inĩ wĩgiĩ mahoya.+
8 Makĩria ma maũndũ mothe, koragwoi na wendo mũnene harĩ mũndũ na ũrĩa ũngĩ,+ tondũ wendo nĩ ũhumbagĩra mehia maingĩ.+
9 Nyitanagai ũgeni mũndũ na ũrĩa ũngĩ mũtekũnuguna.+
10 O ta ũrĩa o mũndũ amũkĩrĩte kĩheo, kĩhũthĩrei gũtungatanĩra mũrĩ aramati ega a ũtugi mũnene wa Ngai ũrĩa wonanagio na njĩra itiganĩte.+
11 Mũndũ o wothe angĩaria, nĩ eke ũguo ta arĩ ndũmĩrĩri ciumĩte kũrĩ Ngai araheana; mũndũ o wothe angĩtungata, nĩ eke ũguo ta arehoka hinya ũrĩa Ngai aheanaga;+ nĩguo Ngai agoocithio maũndũ-inĩ mothe+ kũgerera Jesu Kristo. Riri na hinya nĩ ciake tene na tene. Ameni.
12 Endwa akwa, mũtikagege nĩ ũndũ wa magerio maritũ marĩa mũragerera,+ ta arĩ ũndũ mũgeni ũrahaanĩka harĩ inyuĩ.
13 Ithenya rĩa ũguo, thiĩi na mbere gũkena+ nĩ ũndũ wa gĩkĩro kĩrĩa mũnyitanagĩra mĩnyamaro-inĩ ya Kristo,+ nĩgetha mũgaakena na mũiyũrĩrĩrũo nĩ gĩkeno o na hĩndĩ ya kũguũrio kwa riri wake.+
14 Gũkena nĩ inyuĩ angĩkorũo nĩ mũranyũrũrio* nĩ ũndũ wa rĩĩtwa rĩa Kristo,+ nĩ gũkorũo roho wa riri, na nĩguo roho wa Ngai, ũrĩ igũrũ rĩanyu.
15 O na kũrĩ ũguo, mũndũ o na ũmwe wanyu ndakananyamarĩke nĩ ũndũ wa gũkorũo arĩ mũũragani kana mũici kana mwĩki maũndũ moru kana mũndũ wa gwĩtonyereria maũndũ-inĩ mene.+
16 No mũndũ o wothe angĩnyamarĩka nĩ ũndũ wa gũkorũo arĩ Mũkristiano, ndagaconoke,+ no nĩ athiĩ na mbere kũgoocithia Ngai o agĩtanagio na rĩĩtwa rĩu.
17 Nĩ gũkorũo rĩrĩ nĩrĩo ihinda rĩrĩa rĩtuĩtwo rĩa ituĩro kwambĩrĩria na nyũmba ya Ngai.+ Rĩu-rĩ, angĩkorũo rĩkwambĩrĩria na ithuĩ-rĩ,+ gũgaathiĩ atĩa harĩ arĩa matathĩkagĩra ũhoro ũrĩa mwega wa Ngai?+
18 “Na angĩkorũo mũndũ ũrĩa mũthingu arahonokio na thĩna-rĩ, gũgaathiĩ atĩa harĩ mũndũ ũrĩa ũtetigĩrĩte Ngai na ũrĩa mwĩhia?”+
19 Nĩ ũndũ ũcio, arĩa maranyamarĩka kũringana na wendi wa Ngai nĩ mathiĩ na mbere kwĩneana harĩ Mũũmbi mwĩhokeku o magĩkaga maũndũ mega.+
Tũũhoro twa magũrũ-inĩ
^ Kana “itua o ta rĩu.”
^ Kana “ciĩko-inĩ cia ũũra-thoni.” Nĩ ũingĩ wa kiugo gĩa Kĩngiriki a·selʹgei·a. Rora Ũthathaũri wa Ciugo.
^ Kana “mũrarumwo.”