Marũa ma Mbere ma Petero 2:1-25
2 Nĩ ũndũ ũcio-rĩ, eheriai thĩinĩ wanyu ũũru wothe+ na maheeni na ũhinga na ũiru na njukũ ciothe.
2 O ta tũkenge-rĩ,+ kũriai wendi mũnene harĩ iria rĩrĩa rĩtatukanĩtio na kĩndũ* rĩa kiugo, nĩguo kũgerera harĩ rĩo mũkũre nĩgetha mũkaahonokio,+
3 angĩkorũo nĩ mũcamĩte mũkona* atĩ Mwathani nĩ mũtugi.
4 O mũgĩũkaga harĩ we, o we ihiga rĩrĩ muoyo rĩrĩa rĩaregirũo nĩ andũ+ no nĩ rĩthuure, na nĩ rĩa goro harĩ Ngai,+
5 inyuĩ ene mũtariĩ ta mahiga marĩ muoyo nĩ mũrakwo mũtuĩke nyũmba ya kĩĩroho+ nĩguo mũtuĩke athĩnjĩri-Ngai aamũre, nĩgetha mũrutage magongona ma kĩĩroho+ maretĩkĩrĩka harĩ Ngai kũgerera Jesu Kristo.+
6 Nĩ gũkorũo Rĩandĩko riugĩte: “Atĩrĩrĩ, nĩ ngũiga ihiga rĩthuure thĩinĩ wa Zayuni, ihiga rĩa goro rĩa mũthingi rĩa kona, na gũtirĩ mũndũ wonanagia wĩtĩkio harĩ rĩo ũgaaconorithio.”+
7 Kwoguo, harĩ inyuĩ akoragwo arĩ wa goro tondũ mũrĩ etĩkia; no harĩ arĩa matetĩkĩtie, “ihiga rĩrĩa aaki maaregire,+ nĩrĩo rĩtuĩkĩte ihiga rĩrĩa inene rĩa kona”*+
8 o na rĩgatuĩka “ihiga rĩa kũhĩngithia na rwaro rwa ihiga rwa gũtũma andũ magwe.”+ Andũ acio mahĩngagwo tondũ matiathĩkagĩra kiugo. Maamũrirũo nĩ ũndũ wa gĩtũmi kĩu.
9 No inyuĩ mũrĩ “rũrĩrĩ rũthuure, athĩnjĩri-Ngai matuĩtwo athamaki, rũrĩrĩ rwamũre,+ andũ matuĩkĩte kĩndũ kĩa mwanya,+ nĩguo mũmenyithanagie kũndũ guothe mawega”*+ ma Ũrĩa wamwĩtire akĩmũruta nduma-inĩ akĩmũrehe ũtheri-inĩ wake wa magegania.+
10 Tondũ kũrĩ hĩndĩ mũtaarĩ andũ, no rĩu mũrĩ andũ a Ngai;+ kũrĩ hĩndĩ mũtaiguĩrĩirũo tha, no rĩu nĩ mwamũkĩrĩte tha.+
11 Endwa akwa, ndĩramũthaitha mũrĩ ageni na aikari a kahinda kanini,+ atĩ mwĩthemage merirĩria ma mwĩrĩ,+ marĩa marũaga na inyuĩ.+
12 Tũũriai mĩthiĩre mĩega gatagatĩ-inĩ ka ndũrĩrĩ,+ nĩguo hĩndĩ ĩrĩa mekuuga atĩ mũrĩ eki ũũru, meyonagĩre ciĩko cianyu njega,+ na tondũ wa ũguo, makaagooca Ngai mũthenya wake wa gũthuthuria.
13 Nĩ ũndũ wa Mwathani athĩkagĩrai wathani o wothe ũthondeketwo nĩ andũ,+ o na angĩkorũo nĩ mũthamaki+ arĩ we mũnene
14 kana nĩ mangavana arĩ o matũmĩtwo nĩwe nĩguo maherithie arĩa mekaga ũũru no magaathĩrĩrie arĩa mekaga wega.+
15 Nĩ gũkorũo nĩ wendi wa Ngai atĩ nĩ ũndũ wa gwĩkaga wega mũkirie* mĩario ya kwaga ũmenyo ĩrĩa yaragio nĩ andũ matarĩ ogĩ.+
16 Ikaragai ta andũ marĩ na wĩyathi,+ no mũtikahũthagĩre wĩyathi wanyu ũrĩ kĩĩgwatio gĩa gwĩka maũndũ moru,+ ĩndĩ ũhũthagĩrei ta ngombo cia Ngai.+
17 Tĩagai andũ a mĩthemba yothe,+ koragwoi na wendo harĩ thiritũ yothe ya ariũ a Ithe witũ,+ mwĩtigagĩrei Ngai,+ tĩagai mũthamaki.+
18 Ndungata nĩ ciĩnyihagĩrie athani a cio irĩ na guoya ũrĩa wagĩrĩire,+ na to arĩa ega na arĩa acayanĩri ĩndĩ nĩ nginya arĩa aritũ gũkenia.
19 Nĩ gũkorũo nĩ ũndũ mwega mũndũ angĩkirĩrĩria moritũ* na kũnyamarĩka na njĩra ĩtarĩ ya kĩhooto tondũ wa thamiri yake mbere ya Ngai.+
20 Nĩ ũndũ rĩrĩ, harĩ bata ũrĩkũ mũngĩhũũrũo nĩ ũndũ wa kwĩhia na mũgakirĩrĩria?+ No angĩkorũo mũrakirĩrĩria kũnyarirũo nĩ ũndũ wa gwĩka wega, ũndũ ũcio nĩ mwega harĩ Ngai.+
21 Ti itherũ ũndũ ũcio nĩguo mwetĩirũo, tondũ Kristo o nake nĩ aanyarirĩkire nĩ ũndũ wanyu,+ akĩmũtigĩra kĩonereria nĩguo mwĩrutanagĩrie biũ kũrũmĩrĩra makinya make.+
22 Ndaigana kwĩhia,+ o na gũtirĩ maheeni maarĩ kanua-inĩ gake.+
23 Rĩrĩa aarumagwo+ ndaarumanire.+ Rĩrĩa aanyamarĩkaga,+ ndeehĩtanagĩra, ĩndĩ eeneanire kũrĩ Ũrĩa ũtuanagĩra+ na njĩra ya ũthingu.
24 We mwene nĩ aakuuire mehia maitũ+ na mwĩrĩ wake arĩ mũtĩ igũrũ,+ nĩguo tũkue ũhoro-inĩ wĩgiĩ* mehia na tũtũũre muoyo ũhoro-inĩ wĩgiĩ ũthingu. Na “kũgerera ironda ciake nĩ mwahonirio.”+
25 Nĩ gũkorũo mwatariĩ ta ng’ondu irora njĩra,+ no rĩu nĩ mũcokete harĩ mũrĩithi+ na mũrori wa mĩoyo yanyu.
Tũũhoro twa magũrũ-inĩ
^ Kana “itheru.”
^ Kana “mwĩyoneire.”
^ Ũkk., “mũtwe wa kona.”
^ Ũguo nĩ kuuga, ngumo na ciĩko ciake cia kũgaathĩrĩrio.
^ Ũkk., “muohe.”
^ Kana “kĩeha; ruo.”
^ Kana “tũrĩkanie na.”