Kantu Jizus staba na téra, el mostra txeu amor pa pesoas, prinsipalmenti pa kes algen ki éra póbri i ki staba ta sufri. (Mateus 9:36) Ti mésmu, el da se vida pa djuda otus algen. (Mateus 20:28; Juan 15:13) Ka ta dura, el ta ben torna mostra se grandi amor pa pesoas óras ki el ben uza se autoridadi i puder di Rei di Reinu di Deus, pa el ben kaba ku pobréza na mundu interu.

 Bíblia ta uza palavras bunitu, pa mostra kuzê ki Jizus ta ben faze:

•   ‘Pa el difende kes algen umildi na meiu di povu. Pa el salva kes fidju di póbri’. — Salmo 72:4.

 Modi ki nu pode mostra nos gratidon pa tudu kel ki Jizus dja faze i ki el sta ben faze pa nos? Na Lukas 22:19, Jizus fla se sigidoris pa lenbra di se mórti. Pur isu tudu anu, na aniversáriu di se mórti, Tistimunhas di Jeová ta djunta pa faze kel-li. Nu ta konvida-u pa bu ba sta djuntu ku nos na Komemorason di mórti di Jizus, na dumingu dia 24 di marsu di 2024.

Djobe un lugar pa sisti Komemorason