KANPANHA PA KOMEMORASON
Jizus ta ben kaba ku géra
Kantu Jizus staba na téra, el mostra tantu amor pa pesoas, ti ki el da se vida pa es. (Mateus 20:28; Juan 15:13) Ka ta dura, el ta ben torna mostra se grandi amor pa pesoas óras ki el ben uza se autoridadi di Rei di Reinu di Deus pa el ben ‘kaba ku géra na téra interu.’ — Salmo 46:9.
Repara kuzê ki Bíblia ta fla ma Jizus ta ben faze:
‘El ta ben salva kes algen póbri ki ta sta ta txora ta pidi ajuda, i tanbê kes algen umildi i tudu kes ki ka ten algen pa djuda-s. El ta xinti péna di koitadu i di póbri, i el ta salva vida di algen póbri. El ta libra-s di abuzu i di violénsia’. — Salmo 72:12-14.
Modi ki nu pode mostra nos gratidon pa tudu kel ki Jizus dja faze i ki el sta ben faze pa nos? Na Lukas 22:19, Jizus fla se sigidoris pa lenbra di se mórti. Pur isu tudu anu, na aniversáriu di se mórti, Tistimunhas di Jeová ta djunta pa faze kel-li. Nu ta konvida-u pa bu ba sta djuntu ku nos na Komemorason di mórti di Jizus, na dumingu dia 24 di marsu di 2024.